ନୂଆଦିଲ୍ଲୀ: ଆଫଗାନିସ୍ତାନର ତାଲିବାନ ସରକାର ପାକିସ୍ତାନର ଅଭିଯୋଗକୁ ସ୍ପଷ୍ଟ ଭାବରେ ପ୍ରତ୍ୟାଖ୍ୟାନ କରିଛି ଯେ ଆଫଗାନିସ୍ତାନ-ପାକିସ୍ତାନ ସୀମାରେ ସମ୍ପ୍ରତି ସଂଘର୍ଷରେ ଭାରତ ଭୂମିକା ଗ୍ରହଣ କରିଛି ବୋଲି ପାକିସ୍ତାନ ଆଣିଥିବା ଅଭିଯୋଗକୁ ଆଫଗାନିସ୍ତାନ ଖଣ୍ଡନ କରିଛି।

କାବୁଲ ଏହି ଅଭିଯୋଗଗୁଡ଼ିକୁ ‘ଭିତ୍ତିକ, ଅଯୌକ୍ତିକ ଏବଂ ଗ୍ରହଣୀୟ ନୁହେଁ’ ବୋଲି କହିଛି। ଆଫଗାନିସ୍ତାନର ପ୍ରତିରକ୍ଷା ମନ୍ତ୍ରୀ ମହମ୍ମଦ ୟାକୁବ ସ୍ପଷ୍ଟ କରିଛନ୍ତି ଯେ କାବୁଲ ଜାତୀୟ ସ୍ୱାର୍ଥର ଢାଞ୍ଚାରେ ଭାରତ ସହିତ ତାର ସମ୍ପର୍କକୁ ମଜବୁତ କରିବାକୁ ଚାହୁଁଛି, କିନ୍ତୁ ଏହାର ଅର୍ଥ କୌଣସି ତୃତୀୟ ଦେଶ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ନୁହେଁ।

ଏହି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ଭାରତ ଏବଂ ତାଲିବାନ ମଧ୍ୟରେ ସମ୍ପର୍କ ଧୀରେ ଧୀରେ ସୁଧାର ହେଉଛି, ଯଦିଓ ନୂଆଦିଲ୍ଲୀ ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ତାଲିବାନ ସରକାରଙ୍କୁ ସ୍ୱୀକୃତି ଦେଇନାହିଁ।

ସୂଚନାଯୋଗ୍ୟ, ପାକିସ୍ତାନ ଏବଂ ଆଫଗାନିସ୍ଥାନ ମଧ୍ୟରେ ଏକ ସପ୍ତାହରୁ ଅଧିକ ସମୟ‌ ହେଲା ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି। ନିକଟରେ ଆଫଗାନିସ୍ତାନର ବିଦେଶ ମନ୍ତ୍ରୀ ଭାରତ ଗସ୍ତରେ ଆସିଥିଲେ। ପାକିସ୍ତାନ ଏହାକୁ ହଜମ କରିପାରି ନଥିଲାଏ ଏବଂ ଭାରତ ଉପରେ ଅଭିଯୋଗ ଆଣିଥିଲା। 

ଅଧିକ ପଢ଼ନ୍ତୁ: ୫ ମାସ ମଧ୍ୟରେ ପ୍ରଥମ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କଲା ଉତ୍ତର କୋରିଆ