ଜାକର୍ତ୍ତା: ଇଣ୍ଡୋନେସିଆରେ ଏକ ସ୍କୁଲ କୋଠା ଭୁଶୁଡ଼ିବା ପରେ ଡଜନ ଡଜନ ପିଲା ଭଗ୍ନାବଶେଷ ତଳେ ଫସି ରହିଛନ୍ତି। ତିନି ଜଣ ପିଲାଙ୍କ ମୃତ୍ୟୁ ହୋଇଛି ଏବଂ ୧୦୦ରୁ ଅଧିକ ଆହତ ହୋଇଛନ୍ତି। ଦୁର୍ଘଟଣାକୁ ଦୁଇ ଦିନ ବିତିଗଲାଣି କିନ୍ତୁ ୯୧ ଜଣ ଛାତ୍ର ଏବେ ବି ଭଗ୍ନାବଶେଷ ତଳେ ଫସି ରହିଛନ୍ତି। ମଙ୍ଗଳବାର ଦିନ ମଧ୍ୟ କୋଠା ଭୁଶୁଡ଼ିବାର ଗୋଟିଏ ଦିନ ପରେ ମଧ୍ୟ ରିଲିଫ୍ ଏବଂ ଉଦ୍ଧାର କାର୍ଯ୍ୟ ସମାପ୍ତ ହୋଇନାହିଁ। ଉଦ୍ଧାରକାରୀମାନେ ଭଗ୍ନାବଶେଷରେ ଫସି ରହିଥିବା ଛାତ୍ରମାନଙ୍କୁ ପାଣି ଏବଂ ଅକ୍ସିଜେନ୍ ଯୋଗାଇ ଦେଉଛନ୍ତି।

ଏହି ଘଟଣା ଇଣ୍ଡୋନେସିଆର ପୂର୍ବ ଜାଭାର ସିଡୋଆର୍ଜୋରେ ଥିବା ଅଲ୍ ଖୋଜିନି ଇସଲାମିକ୍ ବୋର୍ଡିଂ ସ୍କୁଲରେ ଘଟିଛି। କିଛି ଘଣ୍ଟାର ଉଦ୍ଧାର କାର୍ଯ୍ୟ ପରେ ଆଠ ଜଣ ଛାତ୍ରଙ୍କୁ ଭଗ୍ନାବଶେଷରୁ ବାହାର କରି ହସ୍ପିଟାଲରେ ଭର୍ତ୍ତି କରାଯାଇଛି। ଉଦ୍ଧାରକାରୀମାନେ ଭଗ୍ନାବଶେଷ ମଧ୍ୟରୁ ଅନେକ ମୃତଦେହ ପାଇଥିବା ଦାବି କରିଛନ୍ତି। ମୃତ୍ୟୁ ସଂଖ୍ୟା ବୃଦ୍ଧି ପାଇବାର ଆଶଙ୍କା ସୃଷ୍ଟି କରିଛି। ଉଦ୍ଧାରକାରୀମାନେ ଭଗ୍ନାବଶେଷରୁ ବଞ୍ଚିଥିବା ଲୋକଙ୍କୁ ଉଦ୍ଧାର କରିବାକୁ ଚେଷ୍ଟା କରୁଛନ୍ତି। ଛାତ୍ରଙ୍କ ସମ୍ପର୍କୀୟମାନେ ଘଟଣାସ୍ଥଳରେ ଉପସ୍ଥିତ ଅଛନ୍ତି ଏବଂ ଉତ୍କଣ୍ଠାର ସହିତ ସେମାନଙ୍କ ପିଲାମାନଙ୍କ ଖବର ଅପେକ୍ଷା କରିଛନ୍ତି। ଅଧିକାଂଶ ଛାତ୍ର ସପ୍ତମରୁ ଏକାଦଶ ଶ୍ରେଣୀର, ଏବଂ ସେମାନଙ୍କ ବୟସ ୧୨ରୁ ୧୮ ବର୍ଷ ମଧ୍ୟରେ।

ମଙ୍ଗଳବାର ସକାଳେ ସ୍କୁଲ କ୍ୟାମ୍ପସରେ ପୋଷ୍ଟ ହୋଇଥିବା ଏକ ନୋଟିସରେ ୬୫ଜଣ ଛାତ୍ର ଫସି ରହିଥିବା ସୂଚନା ଦିଆଯାଇଛି। ଅପରାହ୍ନ ସୁଦ୍ଧା ଜାତୀୟ ବିପର୍ଯ୍ୟୟ ପରିଚାଳନା ଏଜେନ୍ସିର ମୁଖପାତ୍ର ଅବଦୁଲ ମୁହାରୀ ଭଗ୍ନାବଶେଷ ତଳେ ଫସି ରହିଥିବା ଲୋକଙ୍କ ସଂଖ୍ୟା ୩୮କୁ ସଂଶୋଧନ କରିଛନ୍ତି। ଏହି ସମୟରେ ଉଦ୍ଧାରକାରୀମାନେ କହିଛନ୍ତି ଯେ ପ୍ରାୟ ୯୧ ଜଣ ଛାତ୍ର ଭଗ୍ନାବଶେଷ ତଳେ ଫସି ରହିଛନ୍ତି।

ଅଧିକ ପଢ଼ନ୍ତୁ: ଆମେରିକାରେ ବନ୍ଦ ହୋଇପାରେ ସରକାରୀ କାର୍ଯ୍ୟାଳୟ