ନୂଆଦିଲ୍ଲୀ: ବିର୍ଚ ବାଇ ରୋମିଓ ଲେନ୍ ଅଗ୍ନିକାଣ୍ଡ ମାମଲାରେ ଗୋଆ ପୋଲିସ ଆଉ ଜଣେ ଅଭିଯୁକ୍ତଙ୍କୁ ଗିରଫ କରିଛି। ଏହି ଅଭିଯୁକ୍ତ ନୂଆଦିଲ୍ଲୀର ବାସିନ୍ଦା ଅଜୟ ଗୁପ୍ତା ପୂର୍ବରୁ ଏହି ମାମଲାରେ ଜଡିତ ଥିଲେ। ଦେଶ କିମ୍ବା ରାଜ୍ୟ ଛାଡିବାକୁ ଚେଷ୍ଟା କରିବାରୁ ତାଙ୍କୁ ରୋକିବା ପାଇଁ ତାଙ୍କ ବିରୁଦ୍ଧରେ ଏକ ଲୁକଆଉଟ୍ ସର୍କୁଲାର ଜାରି କରାଯାଇଥିଲା। ପୋଲିସ ତାଙ୍କ ବାସଭବନରେ ପହଞ୍ଚିବା ପରେ ଅଜୟ ଗୁପ୍ତା ନିଖୋଜ ଥିବା ଜଣାପଡ଼ିଥିଲା। ପରବର୍ତ୍ତୀ ସମୟରେ, ପୋଲିସ ତାଙ୍କ ବିରୁଦ୍ଧରେ ଗିରଫ ପରୱାନା ଜାରି କରିଥିଲା। ଅଜୟ ଗୁପ୍ତାଙ୍କୁ ବର୍ତ୍ତମାନ ଦିଲ୍ଲୀରୁ ଅଟକ ରଖାଯାଇ ଗୋଆକୁ ଅଣାଯାଇଛି।

ଏହି ଘଟଣା ଡିସେମ୍ବର ୬-୭ ମଧ୍ୟ ରାତିରେ ଘଟିଥିଲା, ଯେତେବେଳେ ଗୋଆର ଏକ ନାଇଟ୍ କ୍ଲବ୍ ବିର୍ଚ ବାଇ ରୋମିଓ ଲେନ୍‌ରେ ଅଗ୍ନିକାଣ୍ଡ ଘଟିଥିଲା। ଏହି ଅଗ୍ନିକାଣ୍ଡ ଘଟଣାରେ୨୫ ଜଣଙ୍କର ମୃତ୍ୟୁ ହୋଇଥିଲା। ଘଟଣାର ତୁରନ୍ତ ପରେ ରାଜ୍ୟ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ପରିସ୍ଥିତି ଆକଳନ କରିବାକୁ ପହଞ୍ଚିଥିଲେ। ପ୍ରାରମ୍ଭିକ ତଦନ୍ତରୁ ସିଲିଣ୍ଡର ବିସ୍ଫୋରଣର କାରଣ ବୋଲି ଅନୁମାନ କରାଯାଇଥିଲା, କିନ୍ତୁ ଅଧିକ ତଦନ୍ତରୁ ଜଣାପଡିଛି ଯେ ଅଗ୍ନିକାଣ୍ଡ ପରିସରରେ ଗଚ୍ଛିତ ଫୋଟକା ଦ୍ୱାରା ହୋଇଥିଲା।

ଏହି ଘଟଣା ସମଗ୍ର ଦେଶକୁ ଚକିତ କରିଛି, ଏବଂ ଲୋକମାନେ ଏବେ ନାଇଟ୍ କ୍ଲବ୍ ର ସୁରକ୍ଷା ଉପରେ ପ୍ରଶ୍ନ ଉଠାଇଛନ୍ତି। ଦେଶର ବିଭିନ୍ନ ସ୍ଥାନରୁ ନାଇଟ୍‌କ୍ଲବ୍‌ଗୁଡ଼ିକରେ ସୁରକ୍ଷା ଅଭାବର ମାମଲା ସାମ୍ନାକୁ ଆସିଛି, ଯାହା ପ୍ରଶାସନ ଏବଂ ସରକାରଙ୍କୁ କଠୋର ଆଭିମୁଖ୍ୟ ଗ୍ରହଣ କରିବାକୁ ବାଧ୍ୟ କରିଛି।

ଦୁର୍ଘଟଣା ପରଠାରୁ ଫେରାର୍ ଥିବା ଲୁଥ୍ରା ଭାଇମାନଙ୍କୁ ଧରିବା ପାଇଁ ପୁଲିସ ଛାନ୍‌ଭିନ୍‌ ଆରମ୍ଭ କରିଦେଇଛି। ଦିଲ୍ଲୀର ଏହି ବ୍ୟବସାୟୀମାନେ ଗୋଆରେ ଅନେକ ବିଳାସପୂର୍ଣ୍ଣ ନାଇଟ୍‌କ୍ଲବ୍ ଏବଂ ରେଷ୍ଟୁରାଣ୍ଟ ଖୋଲିଥିଲେ। ଅଗ୍ନିକାଣ୍ଡ ଘଟିବା ମାତ୍ରେ ସେମାନେ ବ୍ୟାଙ୍କକ୍ ପଳାଇଥିଲେ। ଗୋଆ ପୋଲିସ ଏବଂ କେନ୍ଦ୍ର ସରକାର ଏବେ ଇଣ୍ଟରପୋଲ୍‌କୁ ସେମାନଙ୍କର ସଠିକ୍ ସ୍ଥାନ ଏବଂ କାର୍ଯ୍ୟକଳାପ ନିର୍ଣ୍ଣୟ କରିବା ପାଇଁ ବ୍ଲୁ କର୍ଣ୍ଣର ନୋଟିସ୍ ଜାରି କରିବାକୁ ପ୍ରସ୍ତୁତ ହେଉଛନ୍ତି। ଏହା ପରେ ରେଡ୍ କର୍ଣ୍ଣର ନୋଟିସ୍ ଏବଂ ପ୍ରତ୍ୟର୍ପଣ ପ୍ରକ୍ରିୟା ଆରମ୍ଭ ହେବ। 

ଅଧିକ ପଢ଼ନ୍ତୁ: ବେଲଜିୟମ କୋର୍ଟରୁ ଶକ୍ତ ଝଟକା ପାଇଲେ ମେହୁଲ ଚୋକସି