ଧାର: ଐତିହାସିକ ଭୋଜଶାଳା ବିବାଦରେ ମସଜିଦ ପକ୍ଷର ମଧ୍ୟବର୍ତ୍ତୀକାଳୀନ ଆବେଦନ ଉପରେ ବୁଧବାର ସୁପ୍ରିମକୋର୍ଟରେ ଏକ ଗୁରୁତ୍ୱପୂର୍ଣ୍ଣ ଶୁଣାଣି ହେବ। ବିଚାରପତି ସଞ୍ଜୟ କୁମାର ଏବଂ ସଞ୍ଜୀବ ସଚଦେବଙ୍କ ଖଣ୍ଡପୀଠ ସମ୍ମୁଖରେ ମାମଲା ତାଲିକାର ୧୭୭ ନମ୍ବରରେ ତାଲିକାଭୁକ୍ତ।

ଗତ ସପ୍ତାହରେ ସୁପ୍ରିମକୋର୍ଟଙ୍କ ମଧ୍ୟବର୍ତ୍ତୀକାଳୀନ ନିର୍ଦ୍ଦେଶ ପରେ ଭୋଜଶାଳା ପଛରେ ଥିବା ଖସରା ନମ୍ବର ୬୧୨ରେ ପ୍ରଥମ ଥର ପାଇଁ ଶୁକ୍ରବାର ନମାଜ ପାଠ କରାଯାଇଥିଲା। ଏବେ  ସବୁଠାରୁ ବଡ଼ ପ୍ରଶ୍ନ ହେଉଛି ବର୍ତ୍ତମାନର ମଧ୍ୟବର୍ତ୍ତୀକାଳୀନ ବ୍ୟବସ୍ଥା ଜାରି ରହିବ କି ନୂତନ ନିର୍ଦ୍ଦେଶ ଜାରି କରାଯିବ।

ଯଦି ଶୁଣାଣି ପରେ ନିଷ୍ପତ୍ତି ସଂରକ୍ଷିତ ରଖାଯାଏ। ତେବେ ଚୂଡ଼ାନ୍ତ ନିଷ୍ପତ୍ତି ନ ଆସିବା ପର୍ଯ୍ୟନ୍ତ ନମାଜ ବ୍ୟବସ୍ଥା କେଉଁ ଆଧାରରେ ଚାଲିବ ତାହା ନିର୍ଣ୍ଣୟ କରିବା ଗୁରୁତ୍ୱପୂର୍ଣ୍ଣ ହେବ। ମନ୍ଦିର ଏବଂ ମସଜିଦ ଉଭୟ ପକ୍ଷ ଏହି ଶୁଣାଣି ଉପରେ କଡ଼ା ନଜର ରଖିଛନ୍ତି, କାରଣ କୋର୍ଟଙ୍କ ପରବର୍ତ୍ତୀ ନିର୍ଦ୍ଦେଶ ପ୍ରଶାସନର ଭବିଷ୍ୟତ କାର୍ଯ୍ୟପନ୍ଥା ନିର୍ଣ୍ଣୟ କରିବ।

ଅଧିକ ପଢ଼ନ୍ତୁ: କୁଏତରେ ଆମେରିକୀୟ ସେନା ଉପରେ ଡ୍ରୋନ ଆକ୍ରମଣ କଲା ଇରାନ