ମସ୍କୋ: ରୁଷରେ ଶନିବାର ବିଳମ୍ବିତ ରାତିରେ ଏକ ବଡ଼ ଦୁର୍ଘଟଣା ଘଟିଛି, ଯେଉଁଠାରେ ଏକ ଯାତ୍ରୀବାହୀ ଟ୍ରେନ୍ ଲାଇନଚ୍ୟୁତ ହୋଇଛି ଏବଂ ଏକ ପୋଲ ଭୁଶୁଡ଼ି ପଡ଼ିବା ପରେ ଏହାର କିଛି ବଗି ଓଲଟି ପଡ଼ିଛି। ଏହି ଦୁର୍ଘଟଣାରେ ସାତ ଜଣଙ୍କର ମୃତ୍ୟୁ ହୋଇଛି ଏବଂ ପ୍ରାୟ ୩୦ ଜଣ ଆହତ ହୋଇଛନ୍ତି। ମୃତକଙ୍କ ସଂଖ୍ୟା ବୃଦ୍ଧି ପାଇପାରେ।

ରୁଷ ଅଧିକାରୀମାନେ କହିଛନ୍ତି ଯେ ଏହି ଦୁର୍ଘଟଣା ୟୁକ୍ରେନ ସୀମା ନିକଟରେ ରୁଷର ବ୍ରାୟନସ୍କ ଅଞ୍ଚଳରେ ଘଟିଛି। ଏହି ଘଟଣା ପଛରେ ପରିବହନ ଭିତ୍ତିଭୂମିରେ 'ଅବୈଧ ହସ୍ତକ୍ଷେପ' ବୋଲି କୁହାଯାଉଛି। ଦୁର୍ଘଟଣା ପଛର କାରଣ ତଦନ୍ତ କରାଯିବ।

ବ୍ରାୟନସ୍କ ଆଞ୍ଚଳିକ ରାଜ୍ୟପାଳ ଆଲେକଜାଣ୍ଡର ବୋଗୋମାଜ୍ କହିଛନ୍ତି ଯେ ଜରୁରୀକାଳୀନ ସେବା ଏବଂ ସରକାରୀ ଅଧିକାରୀମାନେ ଘଟଣାସ୍ଥଳରେ କାର୍ଯ୍ୟ କରୁଛନ୍ତି। ସେ କହିଛନ୍ତି ଯେ ୩୦ ଜଣ ଆହତଙ୍କ ମଧ୍ୟରେ ସାତ ଜଣଙ୍କର ମୃତ୍ୟୁ ହୋଇଛି ଏବଂ ଦୁଇ ଜଣ ଶିଶୁ ମଧ୍ୟ ଅଛନ୍ତି।

ଅଧିକ ପଢ଼ନ୍ତୁ: ୮ରାଜ୍ୟରେ ୧୦୦ରୁ ଅଧିକ ଲେଖାଏଁ ସଂକ୍ରମିତ