ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବାଣିଜ୍ୟ ନୀତିକୁ ବଡ଼ ଝଟକା ଲାଗିଛି । ଫେଡେରଲ୍ ଅପିଲ କୋର୍ଟ ଟ୍ରମ୍ପ ଲଗାଇଥିବା ଆମଦାନୀ ଶୁଳ୍କ ରୋକ୍ ଲଗାଇଛନ୍ତି । ରାଷ୍ଟ୍ରପତିଙ୍କୁ ଏହା ଉପରେ ଅସୀମିତ ଅଧିକାର ଦିଆଯାଇ ପାରିବ ନାହିଁ ବୋଲି ଫେଡେରାଲ କୋର୍ଟ କହିଛନ୍ତି । 

ଡୋନାଲ୍ଡ ଟ୍ରମ୍ପ ବାରମ୍ବାର ଦାବି କରୁଛନ୍ତି ଯେ କଂଗ୍ରେସ ବା ସଦନର ବିନା ଅନୁମୋଦନରେ ସରକାର ବିଦେଶୀ ସାମଗ୍ରୀ ଉପରେ ସୀମା ଶୁଳ୍କ ବା ଟାରିଫ୍ ଲଗାଇ ପାରିବେ । ଟ୍ରମ୍ପ୍  ଇଣ୍ଟରନ୍ୟାସନାଲ ଏମରଜେନ୍ସୀ ଇକୋନୋମିକ ପାୱାର୍ସ ଏକ୍ଟ (୧୯୭୭) (ଆଇଇଇପିଏ)ର ଦ୍ୱାହି ଦେଇ ବାଣିଜ୍ୟିକ କ୍ଷତି ରାଷ୍ଟ୍ରୀୟ ଜରୁରୀକାଳୀନ ଘୋଷଣା କରିଥିଲେ । ଫେଡେରାଲ କୋର୍ଟ ୭-୪ ବହୁମତରେ ରାୟ ଶୁଣାଇଛନ୍ତି । କୋର୍ଟ କହିଛନ୍ତି ଆଇଇଇପିଏ ର ଦ୍ୱାହି ଦେଇ ସରକାର ନିଜ ସୀମା ଉଲ୍ଲଘଂମ କରି ପଦକ୍ଷେପ ନେଇଛନ୍ତି । କୋର୍ଟ ଅଧିକାଂଶ ଟାରିଫକୁ ବେଆଇନ ବୋଲି ଘୋଷଣା କରିଛନ୍ତି । ତେବେ ତୁରନ୍ତ ଟାରିଫ୍ ହଟାଇବାକୁ କୋର୍ଟ କୌଣସି ରାୟ ଦେଇ ନାହାଁନ୍ତି । ଯଦ୍ୱାରା ଟ୍ରମ୍ପ୍ ସରକାର ସୁପ୍ରିମକୋର୍ଟ ମଧ୍ୟ ଦ୍ୱାରସ୍ଥ ହୋଇପାରିବେ । ଆସନ୍ତା ୧୪ ଅକ୍ଟୋବର ପର‌୍ୟ୍ୟନ୍ତ ଟାରିଫକୁ ସ୍ଥଗିତ ରଖିବାକୁ ଆଦେଶ ଦେଇଛନ୍ତି । କୋର୍ଟ ଏହା ମଧ୍ୟ କହିଛନ୍ତି ଯେ କଂଗ୍ରେସର ଏହା ମଧ୍ୟ ଉଦ୍ଦେଶ୍ୟ ନ ଥିଲା ଯେ ସରକାର ତାଙ୍କର ସୀମା ଉଲ୍ଲଂଘନ କରି ସୀମା ଶୁଳ୍କ ଲଗାଇବେ । ସରକାରଙ୍କ ପକ୍ଷରୁ ଯୁକ୍ତି ରଖାଯାଇଥିଲା କି ୧୯୭୦ ଦଶକରେ ତତ୍କାଳୀନ ରାଷ୍ଟ୍ରପତି ରିଚର୍ଡ ନିକ୍ସନ୍ ମଧ୍ୟ ରାଷ୍ଟ୍ରୀୟ ଜରୁରୀକାଳୀନ ଘୋଷଣା କରି ଟାରିଫ୍ ଲଗାଇଥିଲେ । କିନ୍ତୁ କୋର୍ଟ ଏହି ଯୁକ୍ତିକୁ ଖଣ୍ଡନ କରିଥିଲେ । ଲିବରେସନ ଡେ ଟ୍ରମ୍ପ କରିଥିବା ଘୋଷଣା ଆଇନକୁ ଉଲ୍ଲଘଂନ କରୁଛି । 

ଡୋନାଲ୍ଡ ଟ୍ରମ୍ପ ବାରମ୍ବାର ଦାବି କରୁଛନ୍ତି ଯେ କଂଗ୍ରେସ ବା ସଦନର ବିନା ଅନୁମୋଦନରେ ସରକାର ବିଦେଶୀ ସାମଗ୍ରୀ ଉପରେ ସୀମା ଶୁଳ୍କ ବା ଟାରିଫ୍ ଲଗାଇ ପାରିବେ । ଅପ୍ରେଲ ୨ରେ ଲିବରେସନ ଡେ ଉତ୍ସବ ପାଳନ ବେଳେ ଟ୍ରମ୍ପ ଅଂଶୀଦାର ଥିବା ସମସ୍ତ ଦେଶ ଉପରେ ସର୍ବନିମ୍ନ ୧୦% ଶୁଳ୍କ ଲାଗୁ କରିଥିଲେ । ଯାହା ଦ୍ୱାରା ଆମେରିକା କ୍ଷତି ସହିବ । ପରେ ୯୦ଟି ଦେଶକୁ ଟାରିଫ୍ ହଟାଇବା ପାଇଁ ବୁଝାମଣା କରିବାକୁ ଟ୍ରମ୍ପ୍ ସୁଯୋଗ ଦେଇଥିଲେ । ଜାପାନ, ବ୍ରିଟେନ୍ ଏବଂ ୟୁରୋପୀୟ ସଂଘ ଏଥିରେ ବୁଝାମଣା କରିବାରେ ସଫଳ ହୋଇଥିଲେ । କିନ୍ତୁ କିଛି ଦେଶ ଉପରେ ଟ୍ରମ୍ପ ଉଦ୍ଦେଶ୍ୟମୂଳକ ଭାବେ ୩୦%, ୪୦% ଏବଂ ୫୦% ପର୍ଯ୍ୟନ୍ତ ଟାରିଫ ଲଗାଇଛନ୍ତି । ଫେବୃୟାରୀରେ କାନାଡ଼ା, ମେକ୍ସିକୋ ଏବଂ ଚୀନ ଉପରେ ମଧ୍ୟ ଟାରିଫ୍ ଘୋଷଣା କରିଥିଲେ । ଜରୁରୀକାଳୀନ ଘୋଷଣା ସହିତ ଏହି ମାମଲା ଜଡ଼ିତ ରହିଛି । କିନ୍ତୁ ଇସ୍ପାତ, ଆଲୁମିନିୟମ ଏବଂ ଅଟୋ ଉପରେ ସୁରକ୍ଷା ଦୃଷ୍ଟିରୁ ଲଗାଇଯାଇଥିବା ଶୁଳ୍କ ଏବଂ ଚୀନ ଉପରେ ଲଗାଯାଇଥିବା ଶୁଳ୍କ ଉପରେ କୋର୍ଟଙ୍କ ଏହି ରାୟ ଲାଗୁ ହେବ ନାହିଁ । 

ଦ ଆସୋସିଏଟେଡ୍ ପ୍ରେସର ରିପୋର୍ଟ ମୁତାବିକ, ଯଦି ଟାରିଫ୍ ସମ୍ପୂର୍ଣ୍ଣ ଭାବରେ ରଦ୍ଦ ହୁଏ ତେବେ ଆମେରିକା କୋଟି କୋଟି ଡଲାର କ୍ଷତି ସହିବ । ଜୁଲାଇ ପୂର୍ବରୁ ସରକାର ୧୫୯ ଆରବ ଡଲାର ନିଜ ରାଜସ୍ୱରେ ଭରି ସାରିଛନ୍ତି । ଯାହାକି ଗତବର୍ଷ ତୁଳନାରେ ଦୁଇ ଗୁଣ ଅଟେ । କୋର୍ଟଙ୍କ ରାୟ ଟ୍ରମ୍ପଙ୍କ ନିଷ୍ପତ୍ତି ଉପରେ ଭାରୀ ପଡ଼ିବ ବୋଲି ବିଶେଷଜ୍ଞମାନେ ମତ ପ୍ରକାଶ କରିଛନ୍ତି ।