ବିଶ୍ୱର ସାମରିକ ଶକ୍ତିଗୁଡ଼ିକ ମଧ୍ୟରେ ଚାଲିଥିବା ବୈଷୟିକ ପ୍ରତିଯୋଗିତା ଏବେ ଏକ ନୂଆ ମୋଡ଼ରେ ପହଞ୍ଚିଛି। ପୂର୍ବରୁ ଯେଉଁଠାରେ ଯୁଦ୍ଧର ନିଷ୍ପତ୍ତି ଟ୍ୟାଙ୍କ, ଯୁଦ୍ଧ ବିମାନ ଏବଂ ଦୂରଗାମୀ କ୍ଷେପଣାସ୍ତ୍ର କରୁଥିଲେ, ଏବେ ଡ୍ରୋନ୍ ଏବଂ କୃତ୍ରିମ ବୁଦ୍ଧିମତ୍ତା (Artificial Intelligence) ଯୁଦ୍ଧର ଦିଗ ଧାର୍ଯ୍ୟ କରୁଛନ୍ତି। ଏହି କ୍ରମରେ ଚୀନ୍ ସେନା ଅର୍ଥାତ୍ ପିପୁଲ୍ସ ଲିବରେସନ ଆର୍ମି ଏପରି ଏକ ବ୍ୟବସ୍ଥା ଉପସ୍ଥାପନ କରିଛି, ଯାହାକୁ ଭବିଷ୍ୟତ ଯୁଦ୍ଧର ସବୁଠାରୁ ବିପଜ୍ଜନକ ଅସ୍ତ୍ର ବୋଲି ମାନାଯାଉଛି। ଏହି ଅସ୍ତ୍ର ହେଉଛି ଏଟଲାସ୍ ଡ୍ରୋନ୍ ସ୍ୱର୍ମ ସିଷ୍ଟମ। ଏହି ବ୍ୟବସ୍ଥାର ସବୁଠାରୁ ବଡ଼ ଶକ୍ତି ହେଉଛି ଏହାର ସରଳତା ଏବଂ ସାଂଘାତିକ କ୍ଷମତାର ସମ୍ମିଶ୍ରଣ। ଏଟଲାସ୍‌କୁ ଏପରି ଭାବେ ଡିଜାଇନ୍ କରାଯାଇଛି ଯେ ଜଣେ ମାତ୍ର ଚାଳକ ପ୍ରାୟ ୧୦୦ଟି ଡ୍ରୋନ୍‌କୁ ଏକାସଙ୍ଗେ ନିୟନ୍ତ୍ରଣ କରିପାରିବେ।

ତିନୋଟି ଭାଗରେ ବିଭକ୍ତ ସମ୍ପୂର୍ଣ୍ଣ ଅସ୍ତ୍ର

ଏଟଲାସ୍ ବ୍ୟବସ୍ଥା ତିନୋଟି ଭାଗରେ ବିଭକ୍ତ... ଏକ ଗ୍ରାଉଣ୍ଡ କମ୍ବାଟ ଭେହିକିଲ୍ (Ground Combat Vehicle), ଏକ କମାଣ୍ଡ ଭେହିକିଲ୍ (Command Vehicle) ଏବଂ ଏକ ସପୋର୍ଟ ୟୁନିଟ୍ (Support Unit)। ଗ୍ରାଉଣ୍ଡ ଭେହିକିଲ୍‌ରେ  ଡଜନ୍ ଡଜନ୍ ଡ୍ରୋନ୍ ଲୋଡ୍ ହୋଇ ରହିଥାଏ, ଯେତେବେଳେ କି କମାଣ୍ଡ ଭେହିକିଲ୍ ଏକାସଙ୍ଗେ ପ୍ରାୟ ୯୬ଟି ଡ୍ରୋନ୍‌କୁ ନିୟନ୍ତ୍ରଣ କରିପାରେ। ଏହାର ଗତି ମଧ୍ୟ ଅତ୍ୟନ୍ତ ତୀବ୍ର। ପ୍ରତି ତିନି ସେକେଣ୍ଡରେ ଗୋଟିଏ ଡ୍ରୋନ୍ ଉତକ୍ଷେପଣ  କରାଯାଇପାରେ, ଯାହାଦ୍ୱାରା ମାତ୍ର ପାଞ୍ଚ ମିନିଟ୍ ମଧ୍ୟରେ ସମ୍ପୂର୍ଣ୍ଣ ‘ସ୍ୱର୍ମ ଆକାଶରେ ପହଞ୍ଚି ଆକ୍ରମଣ ପାଇଁ ପ୍ରସ୍ତୁତ ହୋଇଯାଏ।

ସୋଭିଏତ୍ ସୁରକ୍ଷା ବ୍ୟବସ୍ଥା (S-400) ଏବଂ ଆଗୁଆ ସୂଚନା ବ୍ୟବସ୍ଥା (AWACS) କାହିଁକି ହେବେ ବିଫଳ?

ବିଶ୍ୱର ସବୁଠାରୁ ଉନ୍ନତ ଆକାଶ ସୁରକ୍ଷା ବ୍ୟବସ୍ଥା (Air Defense Systems) ଗୁଡ଼ିକ ମଧ୍ୟରେ ରୁଷର S-400 ଟ୍ରାୟମ୍ଫ ଏବଂ ଆମେରିକାର AWACS ସାମିଲ ଅଛନ୍ତି। ଏହି ବ୍ୟବସ୍ଥାଗୁଡ଼ିକ ବଡ଼ ବିମାନ ଏବଂ କ୍ଷେପଣାସ୍ତ୍ରକୁ ଚିହ୍ନଟ କରି ସେଗୁଡ଼ିକୁ ନଷ୍ଟ କରିବାରେ ପାରଙ୍ଗମ, କିନ୍ତୁ ଡ୍ରୋନ୍ ସ୍ୱର୍ମ ସାମ୍ନାରେ ସେମାନଙ୍କର ଆହ୍ୱାନ ଅଲଗା ହୋଇଯାଏ। ଯେତେବେଳେ ଅନେକ ଛୋଟ ଛୋଟ  ଡ୍ରୋନ୍ ଏକାସଙ୍ଗେ ଅଲଗା ଅଲଗା ଦିଗରୁ ଆକ୍ରମଣ କରନ୍ତି, ସେଗୁଡ଼ିକୁ ଚିହ୍ନଟ କରିବା ଏବଂ ପ୍ରତ୍ୟେକକୁ ରୋକିବା ଅତ୍ୟନ୍ତ କଠିନ ହୋଇପଡ଼େ।

ଭାରତ ପାଇଁ ଚିନ୍ତା କ’ଣ?

ଭାରତ ପାଇଁ ଏହି ଜ୍ଞାନକୌଶଳ ଚିନ୍ତାର ବିଷୟ ଏଥିପାଇଁ, କାରଣ ଦୁଇ ଦେଶ ମଧ୍ୟରେ ବାସ୍ତବିକ ନିୟନ୍ତ୍ରଣ ରେଖା (Line of Actual Control) ରେ ପୂର୍ବରୁ ହିଁ ଉତ୍ତେଜନା ଲାଗି ରହିଛି। ଚୀନ୍ ତିବ୍ଦତ ଅଞ୍ଚଳରେ ନିଜର ସାମରିକ ପ୍ରସ୍ତୁତିକୁ ମଜବୁତ କରିଛି। ଏପରି ସ୍ଥିତିରେ ଏଟଲାସ୍ ଭଳି ଗତିଶୀଳ ବ୍ୟବସ୍ଥାକୁ ସୀମାବର୍ତ୍ତୀ ଅଞ୍ଚଳରେ ମୁତୟନ କରିବା ତା’ ପାଇଁ ଅଧିକ କଷ୍ଟକର ହେବ ନାହିଁ। ଯଦି ସେଠାରେ ଡ୍ରୋନ୍ ସ୍ୱର୍ମର ବ୍ୟବହାର କରାଯାଏ, ତେବେ ଏହା ଭାରତୀୟ ସେନାର ଯୋଗାଣ ଲାଇନ୍, ରାସ୍ତା ଏବଂ ଅଗ୍ରଗାମୀ ଘାଟି (Forward Posts) ଗୁଡ଼ିକୁ ଟାର୍ଗେଟ୍ କରିପାରେ।

ଚୀନ୍‌ର ଏଟଲାସ୍ ଡ୍ରୋନ୍ ସ୍ୱର୍ମ ସିଷ୍ଟମ କ’ଣ? 

ଏହା ଏକ ଅତ୍ୟନ୍ତ ଉଚ୍ଚ ସ୍ତରୀୟ ଡ୍ରୋନ୍ ସ୍ୱର୍ମ ଜ୍ଞାନକୌଶଳ, ଯାହାକୁ ଚାଇନା ଇଲେକ୍ଟ୍ରୋନିକ୍ ଟେକ୍ନୋଲୋଜି ଗ୍ରୁପ୍ ଚୀନ୍ ସେନା ପାଇଁ ବିକଶିତ କରିଛି। ଏଥିରେ ଏକାସଙ୍ଗେ ଅନେକ ଡଜନ୍ ଡ୍ରୋନ୍ ଉତକ୍ଷେପଣ କରି ସେଗୁଡ଼ିକୁ ଏକ ନେଟୱର୍କ ଭଳି ପରିଚାଳିତ କରାଯାଏ।

ଏହାକୁ ଗେମ୍ ଚେଂଜର କାହିଁକି କୁହାଯାଉଛି?

 କାରଣ ଜଣେ ମାତ୍ର ଚାଳକ ପ୍ରାୟ ୧୦୦ଟି ଡ୍ରୋନ୍‌କୁ ନିୟନ୍ତ୍ରଣ କରିପାରିବେ। ଏହି ଡ୍ରୋନ୍ ଗୁଡ଼ିକ ନିଜେ ନିଷ୍ପତ୍ତି ନେବା, ଲକ୍ଷ୍ୟ ଚିହ୍ନଟ କରିବା ଏବଂ ରଣନୀତି ବଦଳାଇବାରେ ସକ୍ଷମ।

ଏହି ବ୍ୟବସ୍ଥା କିପରି କାମ କରେ?

 ଏହି ସମ୍ପୂର୍ଣ୍ଣ ବ୍ୟବସ୍ଥା ତିନୋଟି ଭାଗ ଗ୍ରାଉଣ୍ଡ ଭେହିକିଲ୍, କମାଣ୍ଡ ଭେହିକିଲ୍ ଏବଂ ସପୋର୍ଟ ୟୁନିଟ୍ ଉପରେ ଆଧାରିତ। ଗ୍ରାଉଣ୍ଡ ଭେହିକିଲ୍‌ରୁ ଡ୍ରୋନ୍ ଉତକ୍ଷେପଣ ହୁଏ ଏବଂ କମାଣ୍ଡ ୟୁନିଟ୍ ସେଗୁଡ଼ିକୁ ନିୟନ୍ତ୍ରଣ କରେ।

ଭାରତ ପାଇଁ ଏଥିରେ ବିପଦ କ’ଣ? 

ନିୟନ୍ତ୍ରଣ ରେଖା ନିକଟରେ ଚୀନ୍ ଏହି ବ୍ୟବସ୍ଥାକୁ ମୁତୟନ କରିପାରେ। ଏହାଦ୍ୱାରା ଭାରତୀୟ ସେନାର ଯୋଗାଣ ଲାଇନ୍, ରାସ୍ତା ଏବଂ ଅଗ୍ରଗାମୀ ଘାଟିଗୁଡ଼ିକ ଉପରେ ଆକ୍ରମଣ କରି ସେଗୁଡ଼ିକୁ ପୃଥକ୍ କରିଦିଆଯାଇପାରେ।

ଏଟଲାସ୍ ଡ୍ରୋନ୍ ସ୍ୱର୍ମ ସିଷ୍ଟମ ଏହା ସଙ୍କେତ ଦେଉଛି ଯେ ଆଗାମୀ ସମୟରେ ଯୁଦ୍ଧର ସ୍ୱରୂପ ସମ୍ପୂର୍ଣ୍ଣ ବଦଳିଯାଇପାରେ। ଭାରତ ସହିତ ଅନେକ ଦେଶ ପାଇଁ ଏହା ଏକ ଚେତାବନୀ ଯେ ଏବେ ଲଢ଼େଇ କେବଳ ଅସ୍ତ୍ରଶସ୍ତ୍ରର ସଂଖ୍ୟାରୁ ନୁହେଁ, ବରଂ ବୈଷୟିକ ବୁଝାମଣା ଏବଂ କୃତ୍ରିମ ବୁଦ୍ଧିମତ୍ତାର କ୍ଷମତାରୁ ଜିତାଯିବ।