ଉତ୍ତର ପ୍ରଦେଶର ଅଯୋଧ୍ୟାସ୍ଥିତ ରାମ ମନ୍ଦିରରେ ରାମଲାଲା ବିରାଜମାନ କରୁଛନ୍ତି। ତେବେ ରାମଲାଲାଙ୍କ ଅବିକଳ ପ୍ରତିମୂର୍ତ୍ତି ନେଦରଲାଣ୍ଡ୍‌ ସ୍ଥିତ ଏକ ହନୁମାନ ମନ୍ଦିରରେ ପ୍ରତିଷ୍ଠା କରାଯିବ ବୋଲି ଜଣାପଡିଛି। ବାରାଣସୀର କହ୍ନେୟାଲାଲ ଶର୍ମା ନାମକ ମୂର୍ତ୍ତିକାର ଇତି ମଧ୍ୟରେ ରାମଲାଲାଙ୍କ ଅବିକଳ ପ୍ରତିମୂର୍ତ୍ତି ନିର୍ମାଣ କରିଛନ୍ତି। ପ୍ରତିମାକୁ ପ୍ରଥମେ ଅଯୋଧ୍ୟା ନିଆଯିବ, ସେଠାରେ ପୂଜାର୍ଚ୍ଚନା ପରେ ଏହାକୁ ନେଦରଲାଣ୍ଡ୍‌ ନିଆଯିବ ବୋଲି ସୂଚନା ମିଳିଛି। ସନାତନ ଧର୍ମର ପ୍ରଚାର ପାଇଁ ଉତ୍ସର୍ଗୀକୃତ ଏଟରବ୍ଲିସ୍ ଫାଉଣ୍ଡେସନ୍ ଏହି ଅବିକଳ ପ୍ରତିମୂର୍ତ୍ତି ନିର୍ମାଣ କରାଉଛି। ଏହା ବ୍ୟତୀତ ଫାଉଣ୍ଡେସନ ବିଭିନ୍ନ ୟୁରୋପୀୟ ଦେଶରେ ରାମଲାଲାଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ ଲକ୍ଷ୍ୟ ରଖିଛି।

ଅଧିକା ପଢନ୍ତୁ: ପ୍ରବଳ ବର୍ଷା ପରେ ସବୁଜ ଆକାଶରେ ଆଚ୍ଛାଦିତ ହେଲା ଦୁବାଇ