ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଜାରି ଉତ୍ତେଜନା ମଧ୍ୟରେ ଇରାନ ପୁଣି ଥରେ ଆମେରିକାକୁ ଧମକ ଦେଇଛି। ଇସଲାମିକ ରିଭୋଲ୍ୟୁସନାରୀ ଗାର୍ଡ କର୍ପସ(ଆଇଆରଜିସି) ପ୍ରମୁଖ ଆମେରିକୀୟ ପ୍ରଦୌଗିକି ଓ ଅଦୌଗିକି କମ୍ପାନିଗୁଡ଼ିକୁ ଟାର୍ଗେଟ୍ କରିବାକୁ ଖୋଲା ଧମକ ଦେଇଛି। ସରକାରୀ ମିଡିଆ ରିପୋର୍ଟ ଅନୁଯାୟୀ, ଇରାନ ଏହି କମ୍ପାନିଗୁଡ଼ିକ ଉପରେ ହମଲାକୁ ଆମେରିକା ବିରୋଧରେ ପ୍ରତିଶୋଧ ବୋଲି ଦର୍ଶାଇଛି। ରିପୋର୍ଟ ଅନୁସାରେ, IRGC ମାଇକ୍ରୋସଫ୍ଟ, ଗୁଗଲ, ଆପଲ୍, ଇଣ୍ଟେଲ, ଆଇବିଏମ, ଟେସଲା ଓ ବୋଇଙ୍ଗ ସହିତ ମୋଟ୍ ୧୮ କମ୍ପାନିର ନାଁ ଗଣି ଚେତାବନୀ ଜାରି କରିଛି ଯେ, ଏହି ସବୁ କମ୍ପାନିର କ୍ଷେତ୍ରୀୟ ପରିଚାଳନା ଗୁରୁତର ଭାବେ ପ୍ରଭାବିତ ହୋଇପାରେ।
IRGCର ବୟାନରେ କୁହାଯାଇଛି ଯେ, ଏହି କମ୍ପାନିଗୁଡ଼ିକୁ ଏପ୍ରିଲ ୧ରେ ତେହରାନର ସମୟ ଅନୁସାରେ ରାତି ୮ଟାରେ ନିଜ ୟୁନିଟର ବିନାଶ ପାଇଁ ପ୍ରସ୍ତୁତ ହେବା ଉଚିତ୍। ବୟାନରେ କର୍ମଚାରୀଙ୍କୁ ପରାମର୍ଶ ଦିଆଯାଇଛି ଯେ, ନିଜ ଜୀବନ ବଞ୍ଚାଇବା ପାଇଁ ତୁରନ୍ତ ନିଜର କାର୍ଯ୍ୟସ୍ଥଳ ଛାଡ଼ି ଦିଅନ୍ତୁ। କୁହାଯାଉଛି ଯେ, ଏହି ଧମକ ନିକଟରେ ହିଁ ଇରାନ କ୍ଷେତ୍ର ଉପରେ ହମଲାର ଜବାବରେ ଦିଆଯାଇଛି। ସଂପ୍ରତି ଏହିସବୁ କମ୍ପାନି ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ।
IRGC ଅଭିଯୋଗ କରିଛି ଯେ ପ୍ରମୁଖ IT ଏବଂ AI କମ୍ପାନୀଗୁଡ଼ିକ ଇରାନ ବିରୁଦ୍ଧରେ କାର୍ଯ୍ୟରେ ସହାୟତା କରୁଛନ୍ତି। ସେମାନେ ଦାବି କରିଛନ୍ତି ଯେ ଏହି କମ୍ପାନୀଗୁଡ଼ିକ କେବଳ ସଫ୍ଟୱେର୍ ବିକାଶ କରୁନାହାଁନ୍ତି, ବରଂ ଆକ୍ରମଣ ଯୋଜନା ଏବଂ କାର୍ଯ୍ୟକାରୀ କରିବାରେ ମଧ୍ୟ ସାମିଲ ଅଛନ୍ତି। ବିବୃତ୍ତିରେ Google ଏବଂ Microsoft, ଏବଂ Anthropic ଏବଂ OpenAI ପରି ପ୍ରସିଦ୍ଧ AI କମ୍ପାନୀଗୁଡ଼ିକର ଉଲ୍ଲେଖ ଅଛି।
ଇରାନୀ ସେନା ଅଭିଯୋଗ କରିଛି ଯେ ଏହି କମ୍ପାନୀଗୁଡ଼ିକ ଆମେରିକା ଏବଂ ଇସ୍ରାଏଲୀ ସେନା ସହିତ କାମ କରୁଛନ୍ତି, ସେମାନଙ୍କୁ ମାନବହୀନ ଡ୍ରୋନ୍ ଉଡ଼ାଇବା ଏବଂ ସଠିକ୍ ଭାବରେ ଲକ୍ଷ୍ୟ ଚୟନ କରିବା ପାଇଁ ବ୍ୟବହାର କରୁଛନ୍ତି। ଇରାନ ପୂର୍ବରୁ ସମାନ ଧମକ ଦେଇଛି, କିନ୍ତୁ ଏଥର ସେମାନେ ଏକ ସମୟସୀମା ସ୍ଥିର କରିଛନ୍ତି, ଯାହା ମାମଲାକୁ ପୂର୍ବ ଅପେକ୍ଷା ଅଧିକ ଗମ୍ଭୀର କରିଛି।