ତେହରାନ: ମୁଦ୍ରାସ୍ଫୀତି ଏବଂ ଟଙ୍କାର ହ୍ରାସକୁ ନେଇ ଇରାନରେ ଦୁଇ ସପ୍ତାହ ଧରି ବିରୋଧ ପ୍ରଦର୍ଶନ ଜାରି ରହିଛି। ଗୁରୁବାର ରାତିରେ ନିର୍ବାସିତ ଯୁବରାଜ ରେଜା ପହଲଭି ଲୋକଙ୍କୁ ଘରୁ ବାହାରକୁ ଆସି ଇସଲାମିକ୍ ଶାସନ ବିରୋଧରେ ପ୍ରତିବାଦ କରିବାକୁ ନିବେଦନ କରିବା ପରେ ପ୍ରତିବାଦ ତୀବ୍ରତର ହୋଇଥିଲା।

ରେଜା ପହଲଭିଙ୍କ ଆବେଦନ ପରେ ବହୁ ସଂଖ୍ୟକ ଲୋକ ରାସ୍ତାକୁ ଓହ୍ଲାଇଥିଲେ। ଏହି ସମୟରେ ଇରାନ ସରକାର ରାସ୍ତା ଖାଲି କରିବା ପାଇଁ ସୁରକ୍ଷା ବାହିନୀ ନିୟୋଜିତ କରିଥିଲେ। ରିପୋର୍ଟ ହୋଇଛି ଯେ ଇରାନର ଅତି କମରେ ୫୦ଟି ସହରରେ ବଡ଼ଧରଣର ପ୍ରତିବାଦ ହେଉଛି। ଲୋକମାନେ ରାସ୍ତାକୁ ଓହ୍ଲାଇ ଇରାନ ଶାସନ ବିରୋଧରେ ସ୍ଲୋଗାନ ଦେଉଛନ୍ତି।

ଉଲ୍ଲେଖନୀୟ କଥା ହେଉଛି ପ୍ରତିବାଦ ସମୟରେ ରେଜା ପହଲଭିଙ୍କ ସମର୍ଥନରେ ସ୍ଲୋଗାନ ଦିଆଯାଉଛି। ଏପର୍ଯ୍ୟନ୍ତ ଶାହଙ୍କ ସମର୍ଥନରେ ସ୍ଲୋଗାନ ମୃତ୍ୟୁଦଣ୍ଡରେ ଦଣ୍ଡନୀୟ ଥିଲା। ଆମେରିକା ସ୍ଥିତ ମାନବାଧିକାର କର୍ମୀ ସମ୍ବାଦ ସଂସ୍ଥା ଅନୁଯାୟୀ, ପ୍ରତିବାଦ ସମୟରେ ହିଂସାରେ ୩୯ ଜଣ ପ୍ରାଣ ହରାଇଛନ୍ତି। ୨୨୬୦ରୁ ଅଧିକ ଲୋକଙ୍କୁ ଅଟକ ରଖାଯାଇଛି।

ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ଲୋକଙ୍କ ପ୍ରତି ସମର୍ଥନ ପ୍ରକାଶ କରି କହିଛନ୍ତି ଯେ ଯଦି ସେମାନଙ୍କ ସ୍ୱରକୁ ଦମନ କରିବାକୁ କୌଣସି ପ୍ରୟାସ କରାଯାଏ, ତେବେ ସେମାନେ ହାର ମାନିବେ ନାହିଁ। ୧୯୭୯ ଇସଲାମିକ୍ ବିପ୍ଳବର ଠିକ୍ ପୂର୍ବରୁ ଇରାନର ତତ୍କାଳୀନ ଶାହ ମହମ୍ମଦ ରେଜା ପହଲାଭି ଆମେରିକା ପଳାଇ ଯାଇଥିଲେ। ତାଙ୍କ ପୁଅ, କ୍ରାଉନ୍ ପ୍ରିନ୍ସ ରେଜା ପହଲାଭି ଆମେରିକାରେ ନିର୍ବାସିତ ଅଛନ୍ତି।

ନିର୍ବାସିତ କ୍ରାଉନ୍ ପ୍ରିନ୍ସ ରେଜା ପହଲାଭି ଲୋକଙ୍କୁ ରାସ୍ତାକୁ ଓହ୍ଲାଇ ଇସଲାମିକ୍ ଗଣରାଜ୍ୟ ବିରୋଧରେ ପ୍ରତିବାଦ କରିବାକୁ ଅପିଲ୍ କରିଥିଲେ। ଏକ ବିବୃତ୍ତିରେ, ପହଲାଭି କହିଛନ୍ତି, ବିଶ୍ୱ ଇରାନକୁ ଦେଖୁଛି। ରାସ୍ତାକୁ ଓହ୍ଲାନ୍ତୁ ଏବଂ ଏକତ୍ରିତ ହୁଅନ୍ତୁ ଏବଂ ଜୋରଦାର ଦାବି ଉଠାଇବେ। ମୁଁ ଇସଲାମିକ୍ ଗଣରାଜ୍ୟ, ଏହାର ନେତା ଏବଂ କ୍ରାନ୍ତିକାରୀ ଗାର୍ଡକୁ ଚେତାବନୀ ଦେଉଛି ଯେ ବିଶ୍ୱ ଏବଂ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତୁମକୁ କଡ଼ା ନଜର ରଖିଛନ୍ତି। ଲୋକଙ୍କ ବିରୁଦ୍ଧରେ ହେଉଥିବା ଅତ୍ୟାଚାରର କଡ଼ା ଜବାବ ଦିଆଯିବ।  

ଅଧିକ ପଢ଼ନ୍ତୁ: ଏପ୍ରିଲ ପହିଲା ଯାଏଁ ପ୍ରଦୂଷଣ ସାର୍ଟିଫିକେଟ ଯାଞ୍ଚ କୋହଳ