ପାକିସ୍ତାନ-ଆଫଗାନିସ୍ତାନରେ ଭୂକମ୍ପ ଝଟକା
Khabar Odisha:International-An-earthquake-of-magnitude-43-hit-40km-west-of-Islamabad-Pakistan-at-054657-IST

ନୂଆଦିଲ୍ଲୀ, ସେପ୍ଟେମ୍ବର ୨୪ (ଖବର ଓଡ଼ିଶା): ପାକିସ୍ତାନ ଓ ଆଫଗାନିସ୍ତାନରେ ଆଜି ଭୂକମ୍ପ ଝଟକା ଦେଖାଯାଇଛି । ନ୍ୟାସନାଲ ସେଣ୍ଟର ଫର ସିସମୋଲୋଜୀ ପକ୍ଷରୁ ଏହି ସୂଚନା ଦିଆଯାଇଛି । ପାକିସ୍ତାନର ରାଜଧାନୀ ଇସଲାମାବାଦଠାରୁ ୪୦ କିଲୋମିଟର ଦୂର ପଶ୍ଚିମରେ ଭୂକମ୍ପର ଝଟକା ରିକ୍ଟର ସ୍କେଲରେ ୪.୩ ଥିଲା । ଏହି ଭୂକମ୍ପ ସକାଳ ୫ଟା ୪୬ରେ ହୋଇଥିଲା । 

ସେହିପରି ଆଫଗାନିସ୍ତାନରେ ମଧ୍ୟ ଆଜି ସକାଳୁ ଭୂକମ୍ପ ଅନୁଭୂତ ହୋଇଛି । ରାଜଧାନୀ କାବୁଲ ଠାରୁ ୨୩୭ କିଲୋମିଟର ଦୂରରେ ହୋଇଥିବା ଭୂକମ୍ପ ଝଟକା ରିକ୍ଟର ସ୍କେଲରେ ତୀବ୍ରତା ୪.୨ ଥିଲା ବୋଲି ନ୍ୟାସନାଲ ସେଣ୍ଟର ଫର ସିସମୋଲୋଜୀ ପକ୍ଷରୁ କୁହାଯାଇଛି । 

ତେବେ ଭୂକମ୍ପରେ କ୍ଷୟକ୍ଷତି ହୋଇଥିବାର କୌଣସି ସୂଚନା ନାହିଁ । ବିଗତ କିଛି ମାସ ମଧ୍ୟରେ ଭାରତ, ପାକିସ୍ତାନ ଓ ଆଫଗାନିସ୍ତାନରେ ଅନେକ ଥର ଭୂକମ୍ପ ଝଟକା ଅନୁଭୂତ ହୋଇଛି । 

 

  • Tags:

Subscribe

National International State Sports Entertainment