ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଆଜିଠାରୁ ଆରମ୍ଭ ହେଉଥିବା ଉଚ୍ଚ ସ୍ତରୀୟ ଆଞ୍ଚଳିକ ସାମୁଦ୍ରିକ ଆଲୋଚନାରେ ଭାଗ ନେବାକୁ ଶ୍ରୀଲଙ୍କା ଗସ୍ତ କରିବେ । ଶ୍ରୀଲଙ୍କା ସେନା ମୁଖପାତ୍ର ଏହି ସୂଚନା ଦେଇଛନ୍ତି । ସାମରିକ ମୁଖପାତ୍ର ବ୍ରିଗେଡିୟର୍ ଚନ୍ଦନା ବିକ୍ରମସିଂହ କହିଛନ୍ତି ଯେ ଶ୍ରୀଲଙ୍କାରେ 27 ଏବଂ 28 ନଭେମ୍ବରରେ ଭାରତ ଏବଂ ମାଲଦ୍ୱୀପ ସହ ସାମୁଦ୍ରିକ ସୁରକ୍ଷା ସହଯୋଗ ଉପରେ ଚତୁର୍ଥ ଜାତୀୟ ସୁରକ୍ଷା ପରାମର୍ଶଦାତା ତ୍ରିପାକ୍ଷିକ ବୈଠକ ଆୟୋଜିତ ହେବ।

ଏହି ବୈଠକ ଛଅ ବର୍ଷ ପରେ ଅନୁଷ୍ଠିତ ହେଉଛି | ଶେଷ ଥର ପାଇଁ ଏହି ବୈଠକ 2014 ରେ ନୂଆଦିଲ୍ଲୀରେ ଅନୁଷ୍ଠିତ ହୋଇଥିଲା । ଏହି ବୈଠକରେ ବାଂଲାଦେଶ, ମରିସସ୍ ଏବଂ ସେଚେଲ୍ସର ପର୍ଯ୍ୟବେକ୍ଷକ ମାନେ ମଧ୍ୟ ଉପସ୍ଥିତ ରହିବେ ବୋଲି ସେନା କହିଛି।

ସରକାରୀ ସୂତ୍ରରୁ ପ୍ରକାଶ ଯେ ଡୋଭାଲ ଶ୍ରୀଲଙ୍କାର ପ୍ରତିରକ୍ଷା ସଚିବ କମଲ ଗୁନାରତନେଙ୍କ ସହ ଦ୍ୱିପାକ୍ଷିକ ଆଲୋଚନା ମଧ୍ୟ କରିପାରନ୍ତି। ଚଳିତ ବର୍ଷ ଶ୍ରୀଲଙ୍କା ଗସ୍ତରେ ଡୋଭାଲଙ୍କର ଏହା ଦ୍ୱିତୀୟ ସରକାରୀ ଗସ୍ତ ହେବ।