ଆସୁଛି ଆଉ ଏକ ବଡ଼ ମହାମାରୀ । ଯାହାର ନାଁ ହେଉଛି 'ଏକ୍ସ ' । ମହାମାରୀ ଆସୁଥିବାର ଚେତାବନୀ ଦେଇଛନ୍ତି ସ୍ୱାସ୍ଥ୍ୟ ଵିଶେଷଜ୍ଞ ।

ସୂଚନା ଅନୁସାରେ , ବିଶ୍ବ ସ୍ବାସ୍ଥ୍ୟ ସଂଗଠନ (ହୁ) କହିଛନ୍ତି ଯେ ଆଗାମୀ ଦିନରେ ଏକ ବଡ଼ ମହାମାରୀ ଆସିବାର ସମ୍ଭାବନା ରହିଛି । ଏହି ଅଜଣା ରୋଗକୁ ସେମାନେ 'ଏକ୍ସ ' ନାମରେ ନାମିତ କରିଛନ୍ତି ।ବ୍ରିଟେନର ଭ୍ୟାକସିନ ଟାସ୍କଫୋର୍ସର ଅଧ୍ୟକ୍ଷ ଥିବା ଡେମ କେଟ୍ ବିଙ୍ଗହମ୍ ଏକ ଚେତାବନୀ ଦେଇଛନ୍ତି  । ଆଉ କହିଛନ୍ତି ଯେ , ଆସୁଥିବା ମହାମାରୀ ବହୁତ ବଡ଼ ଭୟଙ୍କରର ରୂପ ନେବ । ଏହି ମହାମାରୀରେ ଅତିକମରେ ୫ କୋଟି ଲୋକଙ୍କ ଜୀବନ ଯାଇପାରେ ବୋଲି ସେ ଆଶଙ୍କା କରିଛନ୍ତି । ବିଶ୍ବ ସ୍ବାସ୍ଥ୍ୟ ସଂଗଠନଙ୍କ ତଥ୍ୟ ଅନୁଯାୟୀ , ୨୦୧୯ ମସିହାରେ ସୃଷ୍ଟି ହୋଇଥବା କୋଭିଡ-୧୯  ବିଶ୍ବରେ ପ୍ରାୟ ୭୦ ଲକ୍ଷ ଲୋକଙ୍କ ଜୀବନ ଯାଇସାରିଛି । ଡିଜିଜ୍ 'ଏକ୍ସ' କୋଭିଡ଼-୧୯ ତୁଳନାରେ ୭ ଗୁଣରୁ ଅଧିକ ମାରାତ୍ମକ ହେବ ବୋଲି ଡେମ କେଟ୍ ବିଙ୍ଗହମ୍ କହିଛନ୍ତି । ସେ କହିଛନ୍ତି ଯେ ,ବର୍ତ୍ତମାନ ସମୟରେ ଥିବା କିଛି ଭୂତାଣୁରୁ ଡିଜିଜ୍ 'ଏକ୍ସ'  ସୃଷ୍ଟି ହୋଇପାରେ ।  ଏପରି ମହାମାରୀ ନିଶ୍ଚିତ ରୂପେ ଅନେକଙ୍କର କ୍ଷତି ଘଟାଇବ । ଏବେ ବୈଜ୍ଞାନିକମାନେ ୨୫ଟି ଭୂତାଣୁ ଉପରେ ନଜର ରଖିଛନ୍ତି । 

 ଯାହା ମଧ୍ୟରୁ କୌଣସି ଗୋଟିଏ ଭୟଙ୍କର ମହାମାରୀର ରୂପ ନେଇପାରନ୍ତି ।  ଏହି ନିରୀକ୍ଷଣ ପଶୁମାନଙ୍କଠାରୁ ମଣିଷକୁ ବ୍ୟାପୁଥିବା ଭୂତାଣୁ ଉପରେ କରାଯାଉନାହିଁ  । ଜଳବାୟୁ ଏବଂ ଜନସଂଖ୍ୟାରେ ପରିବର୍ତ୍ତନ ଯୋଗୁଁ ଭବିଷ୍ୟତରେ ଏପରି ମହାମାରୀ ଆସିବ ବୋଲି ସମ୍ଭାବନା ରହିଛି । 

ଆଗକୁ ପଢନ୍ତୁ :- ଚୀନରୁ ଆସିଲା ସତର୍କ ସୂଚନା, ଆସିବ କରୋନାଠାରୁ ବି ଘାତକ ଭାଇରସ୍