ନୂଆଦିଲ୍ଲୀ: ୨୦୨୫ ମସିହାରେ ଅନେକ ଫିଲ୍ମ ମୁକ୍ତିଲାଭ କରିଛି । କିନ୍ତୁ ବକ୍ସ ଅଫିସ ବହୁତ କମ୍ ମୁଭି ସେତେଟା ସଫଳ ହୋଇପାରି ନଥିଲେ । କିଛି ଫିଲ୍ମ ବିଷୟରେ ବହୁତ ଚର୍ଚ୍ଚା ହୋଇଥିଲା କିନ୍ତୁ ସେହି ଫିଲ୍ମଗୁଡିକ ବକ୍ସ ଅଫିସରେ ଫ୍ଲପ ପ୍ରମାଣିତ ହୋଇଛି ।  ସେମାନଙ୍କ ମଧ୍ୟରେ ତେଲୁଗୁ ସିନେମାର ୟଙ୍ଗ୍ 'ଟାଇଗର' ବିଜୟ ଦେବରକୋଣ୍ଡାଙ୍କ ସ୍ପାଏ ଆକ୍ସନ୍ ଥ୍ରୀଲର୍ ଫିଲ୍ମ 'କିଙ୍ଗଡମ୍' ମଧ୍ୟ ଥିଲା। 'କିଙ୍ଗଡମ୍' କୁ ନେଇ ପ୍ରଶଂସକମାନେ ବହୁତ ଉତ୍ସାହିତ ଥିଲେ, କିନ୍ତୁ ଏହି ଫିଲ୍ମ ଲୋକଙ୍କୁ ସିନେମା ହଲ୍ କୁ ଟାଣି ପାରିଲା ନାହିଁ। ଏବେ ଏହି ଫିଲ୍ମଟି OTT ରେ ରିଲଜ ହେବାକୁ ଯାଉଛି । ୧୩୦ କୋଟି ବଜେଟ୍ ରେ ନିର୍ମିତ ଏହି ଫିଲ୍ମଟି ଗୌତମ ତିନିନାନୁରୀଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା। ବିଜୟ ଦେବରକୋଣ୍ଡାଙ୍କ ଆକ୍ସନ୍ ଡ୍ରାମା 'କିଙ୍ଗଡମ୍'  ୨୫ ଦିନ ପୂର୍ବରୁ ସିନେମା ହଲ୍ ରେ ମୁକ୍ତିଲାଭ କରିଥିଲା ଏବଂ ଏବେ ଏହି ଫିଲ୍ମଟି OTTରେ ରିଲଜ ହେବାକୁଯାଉଛି।

ଏହି ଫିଲ୍ମଟି ୫ଟି ଭାଷାରେ ମୁକ୍ତିଲାଭ କରିବ

ଏହି ସ୍ପାଏ ଆକ୍ସନ୍-ଡ୍ରାମା ଫିଲ୍ମଟି ୨୭ ଅଗଷ୍ଟ ୨୦୨୫ରେ ନେଟଫ୍ଲିକ୍ସରେ ଷ୍ଟ୍ରିମିଙ୍ଗ୍ ହେବ। ବିଶେଷ କଥା ହେଉଛି ଏହା ମୋଟ ପାଞ୍ଚଟି ଭାଷାରେ ମୁକ୍ତିଲାଭ କରିବ - ତେଲୁଗୁ, ହିନ୍ଦୀ, ତାମିଲ୍, କନ୍ନଡ ଏବଂ ମାଲାୟଲମ। ଏହି ତାରିଖ ବିଜୟ ଦେବରକୋଣ୍ଡାଙ୍କ କ୍ୟାରିଅର ପାଇଁ ବହୁତ ସ୍ୱତନ୍ତ୍ର, କାରଣ ଅଗଷ୍ଟ ୨୭ ତାରିଖରେ ତାଙ୍କର ସୁପରହିଟ୍ ଫିଲ୍ମ 'ଅର୍ଜୁନ ରେଡ୍ଡୀ'କୁ ୮ ବର୍ଷ ଏବଂ ବଲିଉଡ ଡେବ୍ୟୁ ଫିଲ୍ମ 'ଲାଇଗର'କୁ ୩ ବର୍ଷ ପୂରଣ ହୋଇଥିଲା ।

ବକ୍ସ ଅଫିସରେ ପ୍ରଦର୍ଶନ କିପରି ଥିଲା?

ଟ୍ରେଡ୍ ପୋର୍ଟାଲ୍ ସାକନିଲ୍କର ରିପୋର୍ଟ ଅନୁଯାୟୀ, ''କିଙ୍ଗଡମ୍' ସାରା ବିଶ୍ୱରେ ୮୨.୦୨ କୋଟି ଟଙ୍କା ସଂଗ୍ରହ କରିଥିଲା। ଏଥିମଧ୍ୟରୁ ଭାରତରୁ ୬୦.୭୯ କୋଟି ଟଙ୍କା ଏବଂ ବିଦେଶରୁ ୨୧.୨୫ କୋଟି ଟଙ୍କା ରୋଜଗାର କରିଥିଲା। ଦର୍ଶକ ଏବଂ ସମାଲୋଚକଙ୍କ ଠାରୁ ଚଳଚ୍ଚିତ୍ରଟି ମିଶ୍ରିତ ପ୍ରତିକ୍ରିୟା ପାଇଥିଲା। ଚଳଚ୍ଚିତ୍ରଟି ମିଶ୍ରିତ ସମୀକ୍ଷା ପାଇଥିଲା। ଏବେ ଦେଖିବାକୁ ବାକି ରହିଲା ଯେ ଚଳଚ୍ଚିତ୍ରଟି OTTରେ ଲୋକଙ୍କୁ ଆକର୍ଷିତ କରିପାରିବ କି ନାହିଁ।

ଅଧିକ ପଢନ୍ତୁ: ପ୍ରଥମ ଦିନରେ 'ୱାର-୨'କୁ ପଛରେ ପକାଇଲା ରଜନୀକାନ୍ତଙ୍କ 'କୁଲି'