ବେଙ୍ଗାଲୁରୁ: ଆଜି ଦିନରେ ୨୦୧୮ରେ ତୁମ୍ବାଡ ଫିଲ୍ମ ରିଲିଜ ହୋଇଥିଲା । ଫିଲ୍ମ ରିଲିଜକୁ ଛଅ ବର୍ଷ ପୂରିବା ଅବସରରେ ଫିଲ୍ମର ନିର୍ମାତା ଓ ଅଭିନେତା ସୋନମ ଶାହ ଖୁସି ପ୍ରକାଶ କରିବା ସହିତ ନିଜର ଆଗାମୀ ଫିଲ୍ମର ମୋସନ ପୋଷ୍ଟର ରିଲିଜ୍ କରିଛନ୍ତି । ୨୦୧୮ରେ ରିଲିଜ୍ ହୋଇଥିବା ତୁମ୍ବାଡ ପ୍ରଥମେ ବକ୍ସ ଅଫିସରେ ଭଲ ପ୍ରଦର୍ଶନ କରି ପାରି ନ ଥିଲା । ତେବେ ସୋସିଆଲ ମିଡିଆରେ ଫିଲ୍ମର ଲୋକପ୍ରିୟତା ବେଶ ରହିଥିଲା । ଚଳିତ ବର୍ଷ ଫିଲ୍ମର ରି ରିଲିଜ ହୋଇଥିଲା ଏବଂ ଫିଲ୍ମ ଭଲ ବ୍ୟବସାୟ ମଧ୍ୟ କରିଛି ।

ତୁମ୍ବାଡ ଅଭିନେତା ତଥା ନିର୍ମାତା ତୁମ୍ବାଡର ଛଅ ବର୍ଷ ପୂର୍ତ୍ତି ଅବସରରେ ଏକ୍ସ ହ୍ୟାଣ୍ଡେଲରେ ଏକ ପୋଷ୍ଟ ସେୟାର କରିଛନ୍ତି । ସେ ଲେଖିଛନ୍ତି, ବନ୍ଧୁମାନେ ଆଜି ତୁମ୍ବାଡକୁ ରିଲିଜ ହେବାର ଛଅ ବର୍ଷ ପୂରିଛି । ଆପଣମାନେ ଏତେ ଭଲ ପାଇବା ଦେଲେ ଯଦ୍ୱାରା ଫିଲ୍ମ ପୁନର୍ବାର ରିଲିଜ ହେଲା ଏବଂ ଆମର ତୁମ୍ବାଡ ସର୍କିଲ ପୂରା ହେଲା ।

ଆପଣଙ୍କ ପାଇଁ ନୂତନ ଫିଲ୍ମ CRAZXYର ମୋଶନ ପୋଷ୍ଟର ନେଇକି ଆସିଛି । ଏହି ଫିଲ୍ମ ୨୦୨୫ ମାର୍ଚ୍ଚ ୭ ତାରିଖରେ ରିଲିଜ ହେବ । CRAZXY ପାଇଁ ପ୍ରସ୍ତୁତ ହୋଇ ଯାଆନ୍ତୁ । ମୋଶନ ପୋଷ୍ଟରରେ ଏକ ଚେହେର ରହିଛି । ଚେହେରା ମଝିରେ ଅନେକ ରାସ୍ତା ରହିଛି ଏବଂ ସେଥିରେ ଯାନବାହାନ ଚଳାଚଳ କରୁଛି ।

ନିର୍ମାତା ସୋହମ ଶାହ ଏହା ମଧ୍ୟ ଜଣାଇଛନ୍ତି ଯେ, ତୁମ୍ବାଡ ୨ ମଧ୍ୟ ପରଦାକୁ ଆସିବ । ଏବେ ଦର୍ଶକ ତୁମ୍ବାଡ ୨କୁ ଚାତକ ପରି ଚାହିଁ ରହିଛନ୍ତି । ତୁମ୍ବାଡର ନିର୍ଦ୍ଦେଶନ ଦେଇଛନ୍ତି ରାହି ଅନିଲ ବର୍ବେ । ଏହି ଫିଲ୍ମ ନିର୍ମାଣରେ ସୋନମ ଶାହଙ୍କୁ ୧୦ ବର୍ଷ ସମୟ ଲାଗି ଯାଇଥିଲା ।