କୋଭିଡ ପ୍ରୋଟକଲ ନମାନି ବୁଲୁଥିଲେ ହିରୋ-ହିରୋଇନ୍, ଥାନାରେ ମାମଲା ରୁଜୁ
Khabar Odisha:Covid-was-walking-around-disobeying-the-protocol-and-the-case-was-filed-at-the-police-station
ମୁମ୍ବାଇ, ଜୁନ୍ ୦୩ (ଖବର ଓଡିଶା):

ବଲିଉଡ ଅଭିନେତା ଟାଇଗର ସର୍ଫ ଓ ଅଭିନେତ୍ରୀ ଦିଶା ପଟାନିଙ୍କୁ ବିନା କାରଣରେ ଘରୁ ବାହାରିବା ମହଙ୍ଗା ସାବ୍ୟସ୍ତ ହୋଇଛି । ବିନା କାରଣରେ ସର୍ବସାଧାରଣ ସ୍ଥାନରେ ବୁଲିବା ପାଇଁ ମହାମାରୀର ନିୟମ ଉଲ୍ଲଂଘନ କରିବା ଅଭିଯୋଗରେ ଟାଇଗର ଏବଂ ଦିଶାଙ୍କ ବିରୋଧରେ ଏକ ମାମଲା ରୁଜୁ ହୋଇଛି।

ମୁମ୍ବାଇ ପୋଲିସର ଜଣେ ଅଧିକାରୀ କହିଛନ୍ତି ଯେ ବିନା କାରଣରେ ଅପରାହ୍ନ ୨ଟା ପରେ ମୁମ୍ବାଇରେ ବୁଲୁଥିବା ଲୋକଙ୍କ ଉପରେ ନିଷେଧାଦେଶ ରହିଛି, କିନ୍ତୁ ଟାଇଗର ଏବଂ ଦିଶା ଏପର‌୍ୟ୍ୟନ୍ତ ବାନ୍ଦ୍ରା ବସଷ୍ଟାଣ୍ଡ ନିକଟରେ ବୁଲୁଥିବା ଦେଖିବାକୁ ମିଳିଛି।

ସେମାନଙ୍କ ବିରୋଧରେ ଭାରତୀୟ ଦଣ୍ଡବିଧି ଆଇନର ଧାରା ୧୮୮ ଅନୁଯାୟୀ ଏକ ମାମଲା ରୁଜୁ ହୋଇଛି ବୋଲି ଅଧିକାରୀ କହିଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ବାନ୍ଦ୍ରାଠାରେ ଜିମ୍ ପରେ ଦୁହେଁ ଏକ ଡ୍ରାଇଭରେ ବାହାରକୁ ଯାଇଥିଲେ। ବାନ୍ଦ୍ରା ବ୍ୟାଣ୍ଡ ଷ୍ଟାଣ୍ଡରେ ଡ୍ରାଇଭ୍ ସମୟରେ ସେମାନଙ୍କୁ ପୋଲିସ ଅଟକାଇଥିଲା। ଏହି ସମୟରେ ଦିଶା ପଟାନି କାରର ଆଗ ସିଟରେ ଓ ଟାଇଗର ପଛ ସିଟରେ ବସିଥିବାର ନଜର ଆସିଥିଲେ। ଏହା ପରେ ପୋଲିସ ମାମଲା ରୁଜୁ କରିଥିଲା।

 

  • Tags:

Subscribe

National International State Sports Entertainment