ୱାଶିଂଟନ୍‌: ଆମେରିକାରେ ରାଷ୍ଟ୍ରପତି ନିର୍ବାଚନକୁ ଆଉ ମାତ୍ର କିଛି ଦିନ ବାକି ଅଛି। ଡେମୋକ୍ରାଟିକ୍ ରାଷ୍ଟ୍ରପତି ପ୍ରାର୍ଥୀ କମଳା ହାରିସ୍ ଏବଂ ରିପବ୍ଲିକାନ୍ ପ୍ରାର୍ଥୀ ଡୋନାଲ୍ଡ ଟ୍ରମ୍ପ୍ ରାଷ୍ଟ୍ରପତି ନିର୍ବାଚନ ପ୍ରଚାରରେ ପୂରା ଶକ୍ତି ପ୍ରୟୋଗ କରୁଛନ୍ତି। ରବିବାର ହାରିସ ପେନସିଲଭାନିଆରେ ଏକ ରାଲି କରିବେ, ଯେଉଁଠାରେ ନିର୍ବାଚନ ଫଳାଫଳ ଜାତୀୟ ନିର୍ବାଚନ ଫଳାଫଳକୁ ପ୍ରଭାବିତ କରିପାରେ।

କମଳା ହାରିସ ମହିଳାଙ୍କ ଅଧିକାର ଉପରେ ଗୁରୁତ୍ୱାରୋପ କରି ଘୋଷଣା କରିଛନ୍ତି ଯେ ଯଦି ସେ ରାଷ୍ଟ୍ରପତି ହୁଅନ୍ତି ତେବେ ସେ ତୁରନ୍ତ ଗର୍ଭପାତ ଉପରେ ଲାଗିଥିବା ନିଷେଧାଦେଶକୁ ଉଚ୍ଛେଦ କରିବେ। ଆମେରିକା ନିର୍ବାଚନରେ ଗର୍ଭପାତ ପ୍ରସଙ୍ଗ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ହୋଇ ରହିଛି। 

ଅନ୍ୟପକ୍ଷରେ ଶନିବାର ଡୋନାଲ୍ଡ ଟ୍ରମ୍ପ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିବା ନ୍ୟୁୟର୍କକୁ ଫେରିଛନ୍ତି। ମ୍ୟାଡିସନ୍ ସ୍କ୍ୱାୟାର ଗାର୍ଡେନରେ ଆୟୋଜିତ ଏକ ରାଲିରେ ସେ ନିଜ ସମର୍ଥକଙ୍କୁ ସମ୍ବୋଧିତ କରିବେ। ଏଥି ପାଇଁ ସମର୍ଥକମାନଙ୍କର ପ୍ରବଳ ଭିଡ଼ ପରିଲକ୍ଷିତ ହୋଇଛି। ଏହି ମଞ୍ଚରୁ ସେ ଅର୍ଥନୀତି ଓ ବୈଦେଶିକ ନୀତି ପ୍ରସଙ୍ଗରେ ନିଜର ଆଭିମୁଖ୍ୟ ସ୍ପଷ୍ଟ କରିଛନ୍ତି। ଟ୍ରମ୍ପଙ୍କ ରାଲିରେ ମାଇକ୍ ଜନସନ, ଏଲନ୍ ମସ୍କ, ନ୍ୟୁୟର୍କର ପୂର୍ବତନ ମେୟର ରୁଡି ଜୁଲିଆନି ଏବଂ ଟ୍ରମ୍ପଙ୍କ ପୁଅ ଯୋଗଦେବେ ବୋଲି ଜଣାପଡ଼ିଛି।

ଜନମତ ସର୍ବେକ୍ଷଣ ଅନୁଯାୟୀ, ଏହି ଦୁଇ ପ୍ରାର୍ଥୀଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳୁଛି, ଯାହା ନିର୍ବାଚନକୁ ଆହୁରି ଆକର୍ଷଣୀୟ କରିଛି। ଉଭୟ ପ୍ରାର୍ଥୀଙ୍କ ଫୋକସ ଏବେ ସ୍ୱିଙ୍ଗ୍ ଷ୍ଟେଟ୍ ଉପରେ ରହିଛି, ଯେଉଁଠାରେ ଉଭୟ ଶନିବାର ମିଚିଗାନ୍ ସମେତ ରାଲି କରିଥିଲେ।

ଡେମୋକ୍ରାଟିକ୍ ଦଳର ରାଷ୍ଟ୍ରପତି ପ୍ରାର୍ଥୀ କମଳା ହାରିସ୍ ରବିବାର ପେନ୍ସିଲଭାନିଆ ଗସ୍ତରେ କରିଛନ୍ତି। ଏହି ସମୟରେ ସେ ଫିଲାଡେଲଫିଆରେ ଥିବା ଏକ କଳା ବାର୍ବର ଦୋକାନ ପରିଦର୍ଶନ କରିଥିଲେ।  

ଅଧିକ ପଢ଼ନ୍ତୁ: ସଞ୍ଜୟ ନିରୁପମଙ୍କୁ ମିଳିଲା ଏହି ଆସନରୁ ଟିକେଟ