ଖବର ଓଡ଼ିଶା: ଲାଲବାହିନୀ ଦମନରେ ସୁରକ୍ଷାକର୍ମୀଙ୍କୁ ଏକ ବଡ଼ ସଫଳତା ମିଳିଛି । ଛତିଶଗଡ ବିଜାପୁର ଜିଲ୍ଲା ଅନ୍ତର୍ଗତ ଛୁଟବାଇ ଗାଁରେ ସର୍ଚ୍ଚ ଅପରେସନ ବେଳେ ୭ ମାଓବାଦୀଙ୍କୁ ସୁରକ୍ଷାକର୍ମୀ କାବୁ କରିଛନ୍ତି । ଧରା ପଡ଼ିଥିବା ମାଓବାଦୀଙ୍କ ମଧ୍ୟରେ ଜଣେ ମହିଳା ରହିଛନ୍ତି । ସେହିପରି ୨ ଜଣଙ୍କ ମୁଣ୍ଡ ଉପରେ ପୂର୍ବରୁ ପୁରସ୍କାର ରାଶି ଘୋଷଣା  କରାଯାଇଥିଲା।

ଛତିଶଗଡ଼ର ବିଜାପୁରରେ କିଛି ଦିନ ହେବ ମାଓ କାର୍ଯ୍ୟ କଳାପ ବଢ଼ିବାରେ ଲାଗିଥିଲା। ମାଓବାଦୀଙ୍କୁ ଜବତ କରିବାକୁ ସ୍ପେଶାଲ ଟାକ୍ସ ଫୋର୍ସ, କୋବ୍ରା ବାଟାଲିୟନ, ସିଆରପିଏଫ ବାଟାଲିୟନ ଓ ସ୍ଥାନୀୟ ପୁଲିସ୍‌ ସହାୟତାରେ ମିଳିତ ସର୍ଚ୍ଚ ଅପରେସନ କରାଯାଇଥିଲା । ଏଥିରେ ସୁରକ୍ଷାକର୍ମୀଙ୍କୁ ବଡ଼ ସଫଳତା ମିଳିଛି । ଏହି ଅପରେସନରେ ୭ ଜଣ ମାଓବାଦୀଙ୍କୁ ଧରିବାରେ ସୁରକ୍ଷା ବାହିନୀ ସମର୍ଥ ହୋଇଛି । ସେମାନଙ୍କ ମଧ୍ୟରେ ଜଣେ ମହିଳା ନକ୍ସଲ ରହିଛନ୍ତି ।

ସେହିପରି ମିଳିଥିବା ସୂଚନା ମୁତାବକ ଦୁଇ ଜଣଙ୍କ ମୁଣ୍ଡ ଉପରେ ପୂର୍ବରୁ ପୁରସ୍କାର ରାଶି ଘୋଷଣା  କରାଯାଇଥିଲା ସେମାନେ ହେଲେ ତାମୋ ଭିମା ଓ ଜ୍ୟୋତି ବି । ଭିମାଙ୍କ ମୁଣ୍ଡରେ ୨ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା ରଖାଯାଇଥିବାବେଳେ ଜ୍ୟୋତି ପାଇଁ ଏକ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା। ଏମାନେ ବହୁ ହିଂସାକାଣ୍ଡରେ ସେମାନେ ସାମିଲ ଥିଲେ । ଛୁଟବାଇରେ ଥିବା ସିକ୍ୟୁରିଟି କ୍ୟାମ୍ପ ଉପରେ ଆକ୍ରମଣ କରିଥିବା ସୂଚନା ମିଳିଛି ।