ଖବର ଓଡ଼ିଶା: ଅପରାଧୀଙ୍କୁ ସାବାଡ କରିବାକୁ ୟୁପି ଷ୍ଟାଇଲରେ ରାଜ୍ୟ ସରକାର ବୁଲଡୋଜର ଚଳାଇଛନ୍ତି । ଅପରାଧିକ ମାମଲାରେ ସମ୍ପୃକ୍ତ ଥିବା ଅଭିଯୁକ୍ତଙ୍କ ବିରୋଧରେ ମୋହନ ସରକାର କଡା ଆଭିମୁଖ୍ୟ ଗ୍ରହଣ କରିଛନ୍ତି । ଆରମ୍ଭ କରିଛନ୍ତି ବୁଲଡୋଜର ଉଚ୍ଛେଦ ପ୍ରକ୍ରିୟା । ଝାରସୁଗୁଡା ବନ୍ଧବାହାଲରେ ଜବର ଦଖଲ ଉଚ୍ଛେଦ କରାଯାଇଛି । ବିଭିନ୍ନ ଅପରାଧିକ ମାମଲାରେ ଜଡିତ ଥିବା ମହମ୍ମଦ ସୋନୁ ଏବଂ ତାଙ୍କ ସମ୍ପର୍କୀୟମାନେ ଜବର ଦଖଲ କରିଥିବା ମାଂସ ଦୋକାନ, ଗ୍ୟାରେଜ ଓ ରାସନ ଦୋକାନ ଆଦିରେ ବୁଲଡୋଜର ଚଢା ଯାଇଛି । ଜବରଦଖଲ ଉଚ୍ଛେଦ ସ୍ଥଳରେ ମାଜିଷ୍ଟ୍ରେଟ ଓ ପୋଲିସ ଅଛନ୍ତି । ଏହା ସହ ୩ ପ୍ଲାଟୁନ ଫୋର୍ସ ମୁତୟନ କରାଯାଇଛି ।
ଏମଡି ସୋନୁ ନାରେ ଚାରୋଟି ଅପରାଧିକ ମାମାଲା ରହିଥିବା ବେଳେ ତାଙ୍କ ପରିବାର ସଦସ୍ୟଙ୍କ ନାମରେ ୩୦ଟି ଅପରାଧିକ ମାମଲା ରହିଛି । ଗତ ମଙ୍ଗଳବାର ଦିନ ମନୋଜ ବାରିକ ନାମକ ଜଣେ ଯୁବକଙ୍କୁ ଉପରକୁ ଗୁଳି ଚାଳନା କରିଥିଲା । ଏହା ପରେ ଏମଡି ସୋନୁ ପୁଲିସ ଗିରଫ କରିଛି । ସୋନୁକୁ ପୋଲିସ ଗିରଫ କରିବା ସହ ତା ନିକଟରୁ ୨ଟି ବନ୍ଧୁକ ଓ ୧୮ଟି ଗୁଳି ଜବତ କରିଛି । ସୋନୁର ଅପରାଧର ପେଣ୍ଠସ୍ଥଳୀ ପାଲଟିଥିବା ଘର ଏବଂ ଦୋକାନ ଘରକୁ ଭାଙ୍ଗିଛି ପ୍ରଶାସନ । ଜବରଦଖଲ ପୂର୍ବରୁ ଘର ଖାଲି କରିବା ପାଇଁ ପ୍ରଶାସନ ପକ୍ଷରୁ ଘୋଷଣା କରାଯାଇଥିଲା । ଆଗାମୀ ଦିନରେ ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁସାରେ ସମସ୍ତ ଜବରଦଖଲ ଉଛେଦ କରାଯିବ ବୋଲି ମାଜିଷ୍ଟ୍ରେଟ ଦାୟିତ୍ୱରେ ଥିବା ଲଖନପୁର ଅତିରିକ୍ତ ତହସିଲଦାର କୁଳମଣି ଦଳେଇ କହିଛନ୍ତି ।