କୋଲ୍ଲାମ: କେରଳର କୋଲ୍ଲାମ ସହରରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜ ପତ୍ନୀଙ୍କୁ କାର୍ରେ ଜୀବନ୍ତ ଜାଳି ଦେଇଥିବା ଅଭିଯୋଗ ଆସିଛି। ତେବେ ପୁଲିସ ଘଟଣାର ତଦନ୍ତ ଜାରି ରଖିଛି। ମଙ୍ଗଳବାର ବିଳମ୍ବିତ ସନ୍ଧ୍ୟାରେ କାର୍ରେ ନିଆଁ ଲାଗିଯିବାରୁ ପତ୍ନୀଙ୍କ ମୃତ୍ୟୁ ଘଟିଛି। ପୁଲିସ ଏହି ସୂଚନା ଦେଇଛି।
ପୁଲିସ କହିଛି ଯେ ବ୍ୟକ୍ତି ଜଣକ ତାଙ୍କ ୪୪ ବର୍ଷୀୟା ପତ୍ନୀ ଅନ୍ୟ ଜଣେ ବ୍ୟକ୍ତିଙ୍କ ସହ ଯାଉଥିବା କାର୍ରେ ଚଢ଼ିଯାଇଥିଲେ। ଏହା ଦେଖି ମହିଳାଙ୍କ ସ୍ବାମୀ ଉତ୍ତେଜିତ ହୋଇଥିଲେ। ନିଜ ସ୍ତ୍ରୀ ବସିଥିବା କାର୍ରେ ସେ ନିଆଁ ଲଗାଇ ଦେଇଥିଲେ। ଏହି ଘଟଣାରେ ଜଣେ ବ୍ୟକ୍ତି ମଧ୍ୟ ଆହତ ହୋଇଛନ୍ତି।
ପୁଲିସ କହିବା ଅନୁଯାୟୀ, ରାତି ପ୍ରାୟ ୯ଟା ବେଳେ ପଦ୍ମରାଜନ ତାଙ୍କ ପତ୍ନୀଙ୍କ କାର୍କୁ ଅନ୍ୟ ଏକ ଗାଡ଼ିରେ ପିଛା କରି କୋଲ୍ଲାମ ସିଟି ଇଷ୍ଟ ଥାନା ଅନ୍ତର୍ଗତ ଚେମ୍ମାମୁକ୍କୁଠାରେ ଅଟକାଇଥିଲେ। ପଦ୍ମରାଜନ ଗାଡ଼ିରେ ପେଟ୍ରୋଲ ଢାଳି ନିଆଁ ଲଗାଇ ଦେବାରୁ ତାଙ୍କ ପତ୍ନୀ ଅନିଲା କାର୍ ଭିତରେ ଫସି ଯାଇଥିଲେ। ତାଙ୍କୁ ଉଦ୍ଧାର କରି ଡାକ୍ତରଖାନା ନେବା ବାଟରେ ମହିଳାଙ୍କ ମୃତ୍ୟୁ ଘଟିଥିଲା। କାର୍ରେ ଥିବା ସହଯାତ୍ରୀ ମଧ୍ୟ ପୋଡ଼ି ଯାଇଥିବା ବେଳେ ସେ ହସ୍ପିଟାଲରେ ଚିକିତ୍ସିତ ହେଉଛନ୍ତି। ପଦ୍ମରାଜନଙ୍କୁ କୋଲ୍ଲାମ ପୂର୍ବ ପୁଲିସ ଗିରଫ କରିଛି।
ଅଧିକ ପଢ଼ନ୍ତୁ: କେନ୍ଦ୍ରର ହସ୍ତକ୍ଷେପ ଲୋଡ଼ିଲା ବିଜେପି