ବଲାଙ୍ଗୀର ଜିଲ୍ଲା କଣ୍ଟାବାଜି ରେଲୱେ ଷ୍ଟେସନରୁ ୩ ଛାତ୍ରଙ୍କୁ ଅଚେତ ଅବସ୍ଥାରେ ଉଦ୍ଧାର କରାଯାଇଥିବା ବେଳେ ଜଣେ ଛାତ୍ର ସୁସ୍ଥ।SSC ପରୀକ୍ଷା ଦେଇ ଫେରୁଥିଲେ ଛାତ୍ର କିନ୍ତୁ ଫେରିବା ପୂର୍ବରୁ ଲୁଟ କଲେ ଦୁର୍ବୃତ୍ତ।ବିଶ୍ରାମ ନେଲା ବେଳେ ଘଟିଛି ଏଭଳି ଅଘଟଣ। ସମ୍ବଲପୁରରୁ SSC ପରୀକ୍ଷା ଦେଇ ଫେରୁଥିଲେ ଛାତ୍ର।

ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି  ଷ୍ଟେସନରେ ବିଶ୍ରାମ ନେଉଥିଲା ବେଳେ ଜଣେ ବ୍ୟକ୍ତି ସେମାନଙ୍କୁ ଥଣ୍ଡା ପିଇବାକୁ ଦେଇଥିଲେ।ଏହା ପରେ ୩ ଜଣ ଛାତ୍ର ଅଚେତ ହୋଇଯାଇଥିଲେ କିନ୍ତୁ ଜଣେ ଛାତ୍ର ସୁସ୍ଥ ଥିଲେ।ଅଚେତ ଅବସ୍ଥାରେ ଥିବା ୩ ଛାତ୍ରଙ୍କୁ କଣ୍ଟାବାଞ୍ଜି ହସ୍ପିଟାଲରେ ଭର୍ତ୍ତି କରାଯାଇଛି।ସୂଚନା ଅନୁସାରେ ବେଳପଡା ଥାନା ଅନ୍ତର୍ଗତ ରେଙ୍ଗାଲି ଗାଁର ବଳରାମ ମେହେର, ସୁବାଷ ମେହେର, ଥୁଡିବାହାଲ ଗାଁର ଆନନ୍ଦ ଭୋଇ, ପାଲେସିରା ଗାଁର ବଲବନ୍ତ କୁଅର ଓ ପଲ୍ଲୀମାଲ ଗାଁର ସୁଶୀଳ ମହାନନ୍ଦ ସମସ୍ତେ SSC ପରୀକ୍ଷା ଦେବା ପାଇଁ  ସମ୍ବଲପୁରକୁ ଯାଇଥିଲେ।ଗତ ୪ ତାରିଖ ଦିନ ପରୀକ୍ଷା ଶେଷ ହେବା ପରେ ଇସ୍ପାତ ଟ୍ରେନ ଯୋଗେ କଣ୍ଟାବାଞ୍ଜିକୁ ଫେରୁଥିଲେ।ଟ୍ରେନଟି ବିଳମ୍ବରେ କଣ୍ଟାବାଞ୍ଜିରେ ପହଞ୍ଚିବାରୁ ରାତିରେ ୱେଟିଂ ହଲରେ ଶୋଇ ସକାଳୁ ନିଜ ନିଜ ଗାଁକୁ ବାହାରି ଯିବାକୁ ସ୍ଥିର କରିଥିଲେ।କିନ୍ତୁ ବିଶ୍ରାମ ନେବାବେଳେ ଜଣେ ଅଚିହ୍ନା ଲୋକ ଥଣ୍ଡାରେ କିଛି ମିଶାଇ ସେମାନଙ୍କୁ ପିଇବାକୁ ଦେଇଥିଲେ।ସେମାନଙ୍କ ମଧ୍ୟରୁ  ଚାରି ଜଣ ଥଣ୍ଡା ପିଇଦେଇଥିବା ବେଳେ ବଳବନ୍ତ କୁଅର ପିଇବାକୁ ମନା କରିଦେଇଥିଲେ।କିଛି ସମୟରେ ସମସ୍ତେ ଶୋଇପଡ଼ିଥିଲେ।ସକାଳୁ ଉଠିଲା ବେଳକୁ ତିନି ଜଣ ବଳରାମ, ସୁବାଷ, ସୁଶୀଳ ଅଚେତ ହୋଇ ଯାଇଥିବା ବେଳେ ଜଣେ ଛାତ୍ର ନିଖୋଜ ଥିଲେ।ଅନ୍ୟଜଣେ ଛାତ୍ର ଜିଆରପି ପୋଲିସଙ୍କୁ ଜଣାଇଥିଲେ।ପୋଲିସ ୩ଜଣ ଅଚେତ ଛାତ୍ରଙ୍କୁ  ଉଦ୍ଧାର କରି  ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଇଥିଲେ।ତାଙ୍କର ଟଙ୍କା ଏବଂ ମୋବାଇଲ କେହି ଦୁର୍ବୃତ୍ତ ନେଇ ଯାଇଥିବା ଜଣାପଡ଼ିଥିଲା। ନିଖୋଜ ଛାତ୍ରଙ୍କୁ ପୋଲିସ ଖୋଜାଖୋଜି କରିବା ସହ ଘଟଣାର ସତ୍ୟତା ଜାଣିବା ପାଇଁ ତଦନ୍ତ ଜାରିରଖିଛି।

ଆଗକୁ ପଢନ୍ତୁ :- ନଦୀପଠାରୁ ଯୁବତୀଙ୍କ ମୃତଦେହ ଉଦ୍ଧାର