ଜଳନ୍ଧର: ପଂଜାବର ଜଳନ୍ଧରର ପିଲୌରରେ ଖଲିସ୍ତାନ ସମର୍ଥକ ଖଡୁର ସାହବରୁ ସାଂସଦ ଅମୃତପାଳଙ୍କ ଭାଇ ହରପ୍ରୀତ ସିଂହଙ୍କୁ ପୁଲିସ ଗିରଫ କରିଛି। ହରତ୍ରୀତଙ୍କ ଠାରୁ ପୁଲିସ ଡ୍ରଗ୍ସ (ନିଶାଦ୍ରବ୍ୟ) ମଧ୍ୟ ଜବତ କରିଛି। ଏସ୍ଏସ୍ପି ଅଙ୍କୁର ଗୁପ୍ତା ଓ ଡିଏସ୍ପି ଫିଲ୍ଲୌର ସର୍ବଣଜୀତ ସିଂହ କହିଛନ୍ତି, ହରପ୍ରୀତ ସିଂହଙ୍କ ପାଖରୁ ୪ ଗ୍ରାମ ଡ୍ରଗ୍ସ ଜବତ କରାଯାଇଛି। ହରପ୍ରୀତଙ୍କୁ ଯେତେବେଳେ ଗିରଫ କରାଗଲା, ସେହି ସମୟରେ ସେ ନିଶାସକ୍ତ ଅବସ୍ଥାରେ ଥିଲେ। ତାଙ୍କର ଦୁଇ ଜଣ ସାଙ୍ଗକୁ ମଧ୍ୟ ପୁଲିସ ଗିରଫ କରିଛି।
ପୁଲିସ ଗିରଫ ସମୟରେ ଭିଡିଓଗ୍ରାଫି ମଧ୍ୟ କରିଛି। ଫିଲ୍ଲୌର ରାଜପଥରେ ନାକାବନ୍ଦୀ ସମୟରେ ଅଭିଯୁକ୍ତମାନଙ୍କୁ ଗିରଫ କରାଯାଇଛି। ଡିଏସ୍ପି ସର୍ବରଜୀତ ସିଂହ କହିଛନ୍ତି, ଯେଉଁ ଡ୍ରଗ୍ସ ଜବତ କୀରୗରଇଛି, ଏହା ତାପାଖକୁ କେଉଁଠାରୁ ଆସିଛି, ତଦନ୍ତ ଜାରି ରହିଛି। ହରପ୍ରୀତଙ୍କ ସ୍ବାସ୍ଥ୍ୟ ଯାଞ୍ଚ କରାଯାଇଛି ଏବଂ ସେ ନିଶାଦ୍ରବ୍ୟ ସେବନ କରିଥିବା ମଧ୍ୟ ଜଣାପଡ଼ିଛି। ପୁଲିସ ମାମଲା ରୁଜୁ କରି ଘଟଣାର ଅଧିକ ତଦନ୍ତ କରୁଛି।
ଆସାମର ଡେବ୍ରିଗଡ଼ ଜିଲ୍ଳାରେ ଜେଲରେ ବନ୍ଦ ଥିବା ଖଡୁର ସାହିବ ଆସନରୁ ନବନିର୍ବାଚିତ ସାଂସଦ ଅମୃତପାଳ ସିଂହଙ୍କୁ ଶପଥ ଦେବା ପାଇଁ ବିଗତ ଦିନରେ ୪ଦିନ ପାରୋଲ ମଂଜୁରୀ ମିଳିଥିଲା। ଲୋକସଭା ନିର୍ବାଚନ-୨୦୨୪ରେ ଅମୃତପାଳଙ୍କୁ ୧ ଲକ୍ଷରୁ ଅଧିକ ଭୋଟରେ ବିଜୟ ମିଳିଥିଲା।