ବାନ୍ଦା, ଅଗଷ୍ଟ ୧୭ (ଖବର ଓଡ଼ିଶା): ଉତ୍ତର ପ୍ରଦେଶର ବାନ୍ଦାରେ ପୁଲିସ ଏକ ହତ୍ୟା ଘଟଣାର ପର୍ଦ୍ଦାଫାସ କରିଛି । ଗତ ମେ’ ୧୩ ତାରିଖେ ମଟୌଧ ଥାନା ଅଞ୍ଚଳର ତ୍ରିବେଣୀ ଗାଁରେ ରହୁଥିବା ଜଣେ ସଫାଇ କର୍ମଚାରୀଙ୍କୁ କୁରାଢ଼ିରେ ନୃଶଂସ ଭାବେ ହତ୍ୟା କରାଯାଇଥିଲା । ପୁଲିସକୁ ମୃତଦେହର କିଛି ଅଂଶ ପାଇଥିଲା । ଏବେ ପୁଲିସ ଖୁଲାସା କରିଛି ଯେ, ହତ୍ୟାକାଣ୍ଡର ମୂଳ କାରଣ ହେଉଛି ପ୍ରେମ ସଂପର୍କ । ପୁଲିସ କହିବା ଅନୁସାରେ ମୃତକ ଯେତେବେଳେ ମାନିଲା ନାହିଁ ବଦନାମ ଭୟରେ ଅଭିଯୁକ୍ତ ନିଜର ଝିଅ, ଜ୍ୱାଇ ଓ ଅନ୍ୟ ୩ ଜଣଙ୍କ ସହିତ କୁରାଢ଼ିରେ ହାଣିଥିଲା ।
ହତ୍ୟା ପରେ ଶବକୁ ଖଣ୍ଡ ଖଣ୍ଡକରିଥିଲେ । ପୁଲିସ ୩ ମାସ ପରେ ମାମଲା ପଦାକୁ ଆଣିବା ସହ ୪ ଜଣଙ୍କୁ ଗିରଫ କରିଛି । ସୂଚନାଯୋଗ୍ୟ, ମୃତକଙ୍କ ପ୍ରେମିକା ଓ ଜଣେ ବ୍ୟକ୍ତି ଫେରାର ଅଛନ୍ତି । ପୁଲିସ ହତ୍ୟାରେ ସାମିଲ କୁରାଢ଼ି ଜବତ କରିଛି । ପୁଲିସ କହିଛି ଯେ ସଫାଇ କର୍ମଚାରୀଙ୍କୁ ଗତ ମେ’ ମାସ ୧୩ ତାରିଖରେ ହତ୍ୟା କରାଯାଇଥିଲା । ତଦନ୍ତ ସମୟରେ ପୁଲିସ ଜାଣିବାକୁ ପାଇଲା ଯେ, ପ୍ରେମକୁ ନେଇ ଏହି ହତ୍ୟାକାଣ୍ଡ ହୋଇଛି । ଏହାକୁ ନେଇ ବିବାଦ ମଧ୍ୟ ଦେଖାଯାଇଥିଲା, ଯେଉଁଥିପାଇଁ ପଂଚାୟତ ମଧ୍ୟ ବସିଥିଲା । ମୃତକ ଧୀରୁଙ୍କୁ ହତ୍ୟା କରିବା ପାଇଁ ପ୍ରଥମେ ଯୋଜନା କରାଯାଇଥିଲା । ମହିଳା ଜଣକ ତାଙ୍କର ପୁରୁଷ ବନ୍ଧୁଙ୍କୁ ଡାକିଥିଲେ ଏବଂ ପୂର୍ବ ଯୋଜନା ଅନୁସାରେ ସେମାନେ ହତ୍ୟା କରିଥିଲେ ।