ରାଜଧାନୀରେ ଧରାପଡ଼ିଲେ ମହିଳା ଲୁଟେରା ଗ୍ୟାଙ୍ଗ l ବିଭିନ୍ନ ମଲରେ ବୁଲି ଲୁଟୁଥିଲେ ଏହି ମହିଳା ଗ୍ୟାଙ୍ଗ l ପଶ୍ଚିମବଙ୍ଗର ଏହି ଲୁଟେରା ଗ୍ୟାଙ୍ଗକୁ ଗିରଫ କରିଛି ନୟାପଲ୍ଲୀ ଥାନା ପୁଲିସ ।
ସୂଚନା ଅନୁସାରେ, ଏହି ମହିଳା ଲୁଟେରାମାନେ ବିଭିନ୍ନ କୌଶଳ ଆପଣେଇ ପିନ୍ଧିଥିବା ପୋଷାକ ଭିତରେ ଜିନିଷ ଲୁଚାଇ ଚୋରି କରୁଥିଲେ l ଭୁବନେଶ୍ୱର ନୟାପଲ୍ଲୀର ବିଭିନ୍ନ ମଲରୁ କିଛି ଦିନ ହେଲା ଏମାନେ ଲୁଟପାଟ ଚଳାଇଥିଲେ । ତେବେ ଏହି ଗ୍ୟାଙ୍ଗର ୯ ଜଣ ସଦସ୍ୟଙ୍କୁ ନୟାପଲ୍ଲୀ ପୋଲିସ ଗିରଫ କରିଛି। ପୋଲିସ କହିବା ଅନୁସାରେ, ଗିରଫ ହୋଇଥିବା ସମସ୍ତ ମହିଳା ଡକାୟତ ପଡୋଶୀ ପଶ୍ଚିମବଙ୍ଗରୁ ଆସିଛନ୍ତି। ଏହି ଲୁଟେରାମାନେ ସପିଂ ମଲରେ ପ୍ରବେଶ କରିବା ପରେ ଷ୍ଟିଲ ବାସନ ସହ ପ୍ରସାଧନ ସାମଗ୍ରୀ ଓ ଅନ୍ୟାନ୍ୟ ସାମଗ୍ରୀକୁ ଶାଢ଼ୀ ମଧ୍ୟରେ ଲୁଚାଇ ଚୋରି କରୁଥିଲେ। ପୋଲିସ କହିବା ଅନୁଯାୟୀ, ଦୁଇ ଦିନ ପୂର୍ବେ ନୟାପଲ୍ଲୀ ଅଞ୍ଚଳରେ ଥିବା ଏକ ସପିଂ ମଲକୁ ଏହି ଗ୍ୟାଙ୍ଗ ପ୍ରଥମେ ଟାର୍ଗେଟ କରିଥିଲା। ଘଟଣା ଜଣାପଡିବା ପରେ ୯ଜଣ ମହିଳା ଅଭିଯୁକ୍ତଙ୍କୁ ଗିରଫ କରିଛି ନୟାପଲ୍ଲୀ ଥାନା ପୋଲିସ । ସେପଟେ ଅଭିଯୁକ୍ତଙ୍କ କ୍ରାଇମ ରେକର୍ଡ ନେଇ ଖୋଳତାଡ କରିବା ସହ କୋଲକାତା ପୋଲିସ ସହ କମିଶନରେଟ ପୋଲିସ ଯୋଗାଯୋଗ କରୁଥିବା ଜଣାପଡିଛି ।