ନୂଆଦିଲ୍ଲୀ: ଦିଲ୍ଲୀରୁ ୧ କୋଟି ଟଙ୍କାର କଳସ ଚୋରି କରିଥିବା ଅଭିଯୁକ୍ତଙ୍କୁ ଗିରଫ କରାଯାଇଛି। ଦିଲ୍ଲୀ କ୍ରାଇମ୍ ବ୍ରାଞ୍ଚ ଅଭିଯୁକ୍ତକୁ ଉତ୍ତରପ୍ରଦେଶର ହାପୁଡ଼ରୁ ଗିରଫ କରିଛି। ଅଭିଯୁକ୍ତ ଲାଲକିଲ୍ଲା ସମ୍ମୁଖରେ ଜୈନ ସମ୍ପ୍ରଦାୟର କାର୍ଯ୍ୟକ୍ରମରୁ କଳସ ଚୋରି କରିଥିଲା। ଦିଲ୍ଲୀ ପୋଲିସ କଳସ ଚୋର ଭୂଷଣ ବର୍ମାଙ୍କୁ ଗିରଫ କରିଛି।  

ଅଭିଯୁକ୍ତଙ୍କ ବିରୋଧରେ ପାଞ୍ଚ-ଛଅଟି ପୁରୁଣା ଚୋରି ମାମଲା ରୁଜୁ ହୋଇଥିବା କୁହାଯାଉଥିଲା। ଦିଲ୍ଲୀ ଉତ୍ତର ଜିଲ୍ଲାର ପୋଲିସ ଟମ୍‌ ମଧ୍ୟ ତାଙ୍କୁ ଧରିବାକୁ ଚେଷ୍ଟା କରୁଥିଲା। ସେମାନେ ମଧ୍ୟ ଏକ ସୁରାକ ପାଇଥିଲେ, କିନ୍ତୁ କ୍ରାଇମ୍ ବ୍ରାଞ୍ଚ ପ୍ରଥମେ ଚଢାଉ କରି ତାଙ୍କୁ ଧରିଥିଲା। 

ଅଭିଯୁକ୍ତଙ୍କୁ ଖୋଜିବା ପାଇଁ ୧୦ଟି ଦଳ ଗଠନ କରାଯାଇଥିଲା। ପ୍ରାରମ୍ଭରେ, କେବଳ ଚାରୋଟି ଦଳ ତଦନ୍ତରେ ନିୟୋଜିତ ଥିଲେ। ଜିଲ୍ଲାର ସ୍ପେଶାଲ୍ ଷ୍ଟାଫ୍, ଏଏଟିଏସ୍‌, ଆଣ୍ଟି ନାର୍କୋଟିକ୍ସ ସେଲ୍ ସମେତ ଜିଲ୍ଲାର ସମସ୍ତ ପୋଲିସ ଅଧିକାରୀ ଅଭିଯୁକ୍ତଙ୍କୁ ଖୋଜିବାରେ ନିୟୋଜିତ ଥିଲେ।

ଅଧିକ ପଢ଼ନ୍ତୁ: ସତର୍କ ରହିବାକୁ ପରାମର୍ଶ ଦେଲେ ଶଶି ଥରୁର