ନୋଏଡା: ସାଇବର ଠକମାନେ ଜଣେ ମହିଳା ଡାକ୍ତରଙ୍କୁ ଆପତ୍ତିଜନକ ଭିଡିଓ ପଠାଇ ୪୮ ଘଣ୍ଟା ଜାଲରେ ଫସାଇଲା ପରେ ୬୦ ଲକ୍ଷ ଟଙ୍କା ଲୁଟ୍ କରିଛନ୍ତି। ଦିଲ୍ଲୀ ଉପକଣ୍ଠ ନୋଏଡାର ସେକ୍ଟର-୭୭ ଅଞ୍ଚଳରେ ଏହି ଅଭାବନୀୟ ପରିସ୍ଥିତି ଦେଖିବାକୁ ମିଳିଛି।
ସାଇବର ଥାନାରେ ଏତଲା ହେବା ପରେ ପୁଲିସ ମାମଲା ରୁଜୁ କରିଛି। ଘଟଣାର ତଦନ୍ତ କରି ପୁଲିସ ଠକମାନଙ୍କର ବ୍ୟାଙ୍କ ଆକାଉଣ୍ଟ ଯାଞ୍ଚ କରିଛି। ତେବେ ସଂପର୍କିତ ବ୍ୟାଙ୍କ ଆକାଉଣ୍ଟରୁ ପୁଲିସ ୪ ହଜାର ଟଙ୍କା ଥିବା ସୂଚନା ମିଳିଛି। ଏହି ଖାତାକୁ ପୁଲିସ ଅଚଳ କରିଦେଇଛି। ପୁଲିସ ଜାଣିବାକୁ ପାଇଛି ଏହି ଖାତାରୁ ଅନ୍ୟ ଆକାଉଣ୍ଟକୁ ଟଙ୍କା ପଠାଯାଇଛି।
ଠକମାନେ ମହିଳା ଡାକ୍ତରଙ୍କୁ ଖରାପ ଭିଡିଓ ପ୍ରସ୍ତୁତ କରୁଥିବା ଗୋଷ୍ଠୀରେ ସାମିଲ ହୋଇଥିବା ଅଭିଯୋଗ ଆଣି ୪୮ ଘଣ୍ଟା ଡିଜିଟାଲ ଗିରଫ କରିଥିଲେ। ଏହା ପରେ ରାଷ୍ଟ୍ରୀୟ ସୁରକ୍ଷା ଆଇନ ବଳରେ କାର୍ଯ୍ୟାନୁଷ୍ଠାନ କରିବାକୁ ଭୟଭୀତ କରାଇ ଆଇସିଆଇସିଆଇ ବ୍ୟାଙ୍କର ଆକାଉଣ୍ଟରେ ୧୦ ଲକ୍ଷ ଓ ଇଣ୍ଡସଇଣ୍ଡ ବ୍ୟାଙ୍କ ଆକାଉଣ୍ଟରେ ୪୯.୫୪ ଲକ୍ଷ ଟଙ୍କା ଟ୍ରାନ୍ସଫର କରାଇଥିଲେ।
ଗୃହ ମନ୍ତ୍ରାଳୟକୁ ସାଇବର ସେଲେଭରିର ଇନ୍ପୁଟ ମିଳିଛି। ଗୌତମବୁଦ୍ଧନଗର ଜିଲ୍ଲାରୁ କାଉଁଡିଆ, ଭିଏତନାମ ଓ ଥାଇଲାଣ୍ଡ ଯାଇଥିବା ୨୩୫ ଲୋକଙ୍କ ସୂଚୀ ମିଳିଛି। କମିସନରେଟ ପୁଲିସ, ସାଇବର ସେଲ ଓ ସ୍ଥାନୀୟ ପୁଲିସକୁ ଯାଞ୍ଚ ଆଦେଶ ମିଳିଛି। ତଦନ୍ତ ପରେ ଗୃହମନ୍ତ୍ରାଳୟକୁ ରିପୋର୍ଟ ପଠାଯିବ ବୋଲି ସାଇବର ସେଲ ଏସିପି ବିବେକ ରଂଜନ ରାୟ ଗଣମାଧ୍ୟମକୁ ସୂଚନା ଦେଇଛନ୍ତି।
Female doctor under digital arrest for 48 hours by sharing obscene video