ଶିଳ୍ପ ସମୃଦ୍ଧ ହେବ ଓଡ଼ିଶା, ରାଜ୍ୟକୁ ଆସିବ ଇଲେକ୍ଟ୍ରୋନିକ ଭେଇକିଲ ବା ଇଭି ଶିଳ୍ପ ଭୁବନେଶ୍ୱର, ଅକ୍ଟୋବର ୪(ଖବର ଓଡିଶା): Share story: ରାଜ୍ୟକୁ ଆସିବ ଇଲେକ୍ଟ୍ରୋନିକ ଭେଇକିଲ। ଓଡ଼ିଶାରେ ଉତ୍ପାଦନ ନିମନ୍ତେ କିଛି ଚାର୍ଜିଂ ଷ୍ଟେସନ ନିର୍ମାତା ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଛନ୍ତି । ତେବେ କିଛି ପ୍ରମୁଖ ବୈଦ୍ୟୁତିକ ଯାନ ନିର୍ମାତା ମେକ୍ ଇନ୍ ଓଡ଼ିଶାର ଆଗାମୀ କନକ୍ଲେଭରେ ଯୋଗ ଦେବେ । ଏହାସହିତ ନିବେଶକ ସମ୍ମିଳନୀରେ ବହୁ ଖ୍ୟାତାନାମା କମ୍ପାନୀ ଓଡ଼ିଶା ଆସିବାକୁ ଆଗ୍ରହ ପ୍ରକାଶ କରିଛନ୍ତି । ଏଣୁ ଆଗାମୀ ଦିନରେ ଓଡ଼ିଶାରେ ଅଟୋମୋବାଇଲ କମ୍ପାନୀ ସ୍ଥାପନ ହେବାର ସମ୍ଭାବନା ରହିଛି । ସେହିପରି ଓଡ଼ିଶାରେ ବିଦ୍ୟୁତ ଚାଳିତ ଓ ହାଇବ୍ରିଡ ଯାନ ନିର୍ମାଣ ପାଇଁ ପର୍ଯ୍ୟାପ୍ତ ଭିତ୍ତିଭୂମି ରହିଛି । ଦକ୍ଷ ମାନବ ସମ୍ବଳ ସହିତ ବିଦ୍ୟୁତ, ଜଳ ଓ ଜମିର ସୁବିଧା ରହିଛି । ବିଭିନ୍ନ ଆଇଟିଆଇରୁ ଉତ୍ତୀର୍ଣ୍ଣ ଦକ୍ଷ ମାନବ ସମ୍ବଳ ବିଭିନ୍ନ ଅଟୋମୋବାଇଲ କ୍ଷେତ୍ରରେ କାର୍ଯ୍ୟ କରୁଛନ୍ତି । ଦେଶରେ ବିଦ୍ୟୁତ ଚାଳିତ ଯାନର ଚାହିଦା ବଢୁଛି । ଏହାକୁ ପ୍ରୋତ୍ସାହିତ କରିବାକୁ ରାଜ୍ୟ ସରକାର ଇଭି-ପଲିସି ୨୦୨୧ ପ୍ରଣୟନ କରିଛନ୍ତି । ଖବର ଓଡ଼ିଶା, Reporter, 04/10/2022