ବିଜେଡ଼ି ସଂସଦୀୟ ଦଳ ମୁଖପାତ୍ର ପଦରୁ ହଟିଲେ ବୈଜୟନ୍ତ ପଣ୍ଡା, ବଦଳିବ ରାଜନୀତି ପାଣିପାଗ
Khabar Odisha:BJD-remove--Baijayanta-Panda-from-parliamentary-spoke-person

ଭୁବନେଶ୍ଵର,ମେ୧୨(ଖବର ଓଡ଼ିଶା): ଟ୍ଵିଟରେ ଓ ଆର୍ଟିକିଲ ମାଧ୍ୟମରେ ସର୍ବଦା ବିଜୁ ଜନତା ଦଳର ଦୁର୍ବଳତାକୁ ଉଜାଗର କରୁଥିବା କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡାଙ୍କୁ ବିଜେଡ଼ି ସଂସଦୀୟ ଦଳ ମୁଖପାତ୍ର ପଦରୁ ହଟାଇ ଦିଆଯାଇଛି। ବିଜେଡ଼ି ସଭାପତି ନବୀନ ପଟ୍ଟନାୟକ ବୈଜୟନ୍ତଙ୍କୁ ଏହି ପଦରୁ ହଟାଇଥିବା ସୂଚନା ମିଳିଛି। ଅନ୍ୟ ପକ୍ଷରେ ବଡ଼ଚଣା ବିଧାୟକ ଅମର ଶତପଥୀଙ୍କୁ ସରକାରୀ ଦଳ ମୁଖ୍ୟ ସଚେତକ ଦାୟିତ୍ଵ ଦିଆଯାଇଛି।  ବୈଜୟନ୍ତ ପଣ୍ଡାଙ୍କୁ ମୁଖପାତ୍ର ପଦରୁ ହଟାଇବା ଘଟଣା ରାଜ୍ୟ ରାଜନୀତି ପାଣିପାଗକୁ ପ୍ରଭାବିତ କରିବାର ସମ୍ଭାବନା ରହିଛି। 

ସୂଚନା ଅନୁସାରେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଶୁକ୍ରବାର ସନ୍ଧ୍ୟାରେ ବିଜୁ ଜନତା ଦଳ ସଂସଦୀୟ ଦଖ ମୁଖପାତ୍ର ପଦରୁ କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡାଙ୍କୁ ହଟାଇଛନ୍ତି। ତାଙ୍କ  ଜାଗା କିଏ ନେବ ତାହା ସ୍ପଷ୍ଟ ହୋଇନାହିଁ। ଅନ୍ୟ ପକ୍ଷରେ ଅନନ୍ତ ଦାସ ମନ୍ତ୍ରିମଣ୍ଡଳରେ ସାମିଲ ହେବା ପରେ ଖାଲି ପଡ଼ିଥିବା ସରକାରୀ ଦଳ ମୁଖ୍ୟ ସଚେତକ ଦାୟିତ୍ଵ ବଡ଼ଚଣା ବିଧାୟକ ଅମର ଶତପଥୀଙ୍କୁ ଦିଆଯାଇଛି।

ସୂଚନାଯୋଗ୍ୟ, ସାଂସଦ ବୈଜୟନ୍ତ ପଣ୍ଡା ଅନେକ ଥର ଟ୍ଵିଟ୍ ଓ ଆର୍ଟିକିଲ ମାଧ୍ୟମରେ ବିଜେଡ଼ିର ଦୁର୍ବଳତାକୁ ଉଜାଗର କରିଥିଲେ।  ଏହା ସହ ଦଳରେ ଅନ୍ତଃକନ୍ଦଳ ଥିବା ସୋସିଆଲ ମିଡ଼ିଆରେ ପ୍ରକାଶ କରିଥିଲେ। ଦଳର ଦୁର୍ବଳତାକୁ ବାରମ୍ବାର ସୋସିଆଲ ମିଡିଆରେ ପ୍ରକାଶ କରିବା ନେଇ ଦଳ ଶ୍ରୀ ପଣ୍ଡାଙ୍କ ଉପରେ କୌଣସି କାର୍ୟ୍ୟାନୁଷ୍ଠାନ ଗ୍ରହଣ କରିପାରୁନଥଲେ ମଧ୍ୟ ତାଙ୍କର ଏହି କାର୍ୟ୍ୟ ନେଇ ଖପ୍ପା ଥିଲେ। ଏବେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ପ୍ରଥମ ପଦକ୍ଷେପ ସ୍ଵରୂପ ସଂସଦୀୟ ଦଳ ମୁଖପାତ୍ର ପଦରୁ ସାଂସଦ ପଣ୍ଡାଙ୍କୁ ହଟାଇଛନ୍ତି। ଏହା ରାଜ୍ୟ ରାଜନୀତିର ପାଣିପାଗକୁ ପ୍ରଭାବିତ କରିବାର ସମ୍ଭାବନା ରହିଛି।

 

  • Tags:

Subscribe

National International State Sports Entertainment