ଆମେରିକାକୁ ଭୟ କଲା ଚୀନ, କୋରିଆ ଇଲାକାରେ କଲା କ୍ଷେପଣାସ୍ତ୍ର ପରୀକ୍ଷଣ
Khabar Odisha:China-affraid-America-tested-missile-in-Korea

ନୂଆଦିଲ୍ଲୀ,ମେ୦୯(ଖବର ଓଡ଼ିଶା): ଦୁନିଆର ଲୋକେ ଉତ୍ତର କୋରିଆର ପାଇଁ ତୃତୀୟ ବିଶ୍ଵ ଯୁଦ୍ଧ ହେବ ବୋଲି ଭାବୁଛନ୍ତି। ଏବେ ସୃଷ୍ଟି ହୋଇଥିବା ଉତ୍ତେଜନା ମାହୋଲକୁ ସୁଧାରିବା ପରିବର୍ତ୍ତେ ଚୀନ ଥଣ୍ଡା ପଡ଼ୁଥିବା ନିଆଁରେ ଘିଅ ପକାଇବାର କାର୍ୟ୍ୟ କରିଛି। ଚୀନର ପ୍ରତିରକ୍ଷା ମନ୍ତ୍ରାଳୟ ଉତ୍ତର କୋରିଆର ଇଲାକାର ଉତ୍ତର-ପୂର୍ବ ସାଗରରେ ଏକ ନୂତନ ଧରଣର କ୍ଷେପଣାସ୍ତ୍ରର ପରୀକ୍ଷଣ କରିଛି। ଆମେରିକା ଭୟରେ ଚୀନ ନିଜ ଇଲାକାରେ ଏହି ପରୀକ୍ଷଣ ନକରି କୋରିଆର ଇଲାକାରେ ପରୀକ୍ଷଣ କରିଥିବା କୁହାଯାଉଛି।

ଚୀନ ପ୍ରତିରକ୍ଷା ମନ୍ତ୍ରାଳୟର ସୂଚନା ମୁତାବକ ବୋହାଇ ସାଗରେ କରାଯାଇଥିବା ଏହି ପରୀକ୍ଷଣର ଉଦ୍ଦେଶ୍ୟ ସେନାର କ୍ଷମତା ବଢ଼ାଇବା ଓ ରାଷ୍ଟ୍ରୀୟ ସୁରକ୍ଷା ସହ ଜଡ଼ିତ ଚ୍ୟାଲେଞ୍ଜର ମୁକାବିଲା କରିବା। ଅପର ପକ୍ଷରେ ଉତ୍ତର କୋରିଆର ଏକଛତ୍ରବାଦୀ ଶାସକ ପରିମାଣୁ ଆକ୍ରମଣ କରିବାକୁ ଆମେରିକାକୁ ଧମକ ଦେଉଛି। ଏହି ଇଲାକାରେ ଆମେରିକା ସକ୍ରିୟ ରହି ନିଜର ସେନା ଓ ପରମାଣୁ କ୍ଷେପଣାସ୍ତ୍ରରେ ସଜ୍ଜିତ ବୁଡ଼ାଜାହାଜ ପଠାଇଛି ଏବଂ ଦକ୍ଷିଣ କୋରିଆ ବ୍ୟତିତ ଜାପାନ ସହ ମଧ୍ୟ ସମରାଭ୍ୟାସ କରୁଛି।

ଆମେରିକାର ଏହି ପଦକ୍ଷେପରେ ଚୀନ ଚିନ୍ତାପ୍ରକଟ କରିଛି। ଚୀନର ସବୁଠୁ ବଡ଼ ଚିନ୍ତା ଆମେରିକାର ମିସାଇଲ ଡିଫେନ୍ସ ସିଷ୍ଟମ ଥାଡ଼କୁ ନେଇ। ଆମେରିକା  ଗତ ମାସରେ ହିଁ ଦକ୍ଷିଣ କୋରିଆର ପୂର୍ବ ଇଲାକାରେ ନିଜର ସାମରିକ ଶକ୍ତି ବୃଦ୍ଧି କରିଛି। ଓ୍ଵାଂସିଟନର କହିବା କଥା ଏହି ପଦକ୍ଷେପର ଉଦ୍ଦେଶ୍ୟ ଉତ୍ତର କୋରିଆର ପରମାଣୁ ପରୀକ୍ଷଣ ବିପଦକୁ ଏଡ଼ାଇବା। ମାତ୍ର ଆମେରିକାର ଏହି ପଦକ୍ଷେପକୁ ଚୀନ ନିଜର ସୁରକ୍ଷା ପ୍ରତି ବିପଦ ଥିବା ହୃଦବୋଧ କରୁଛି ଏବଂ ଦକ୍ଷିଣ ଚୀନ ସାଗରରେ ନିଜର ସୈନ୍ୟ ଶକ୍ତି ବୃଦ୍ଧି କରୁଛି। 

  • Tags:

Subscribe

National International State Sports Entertainment