ରଥଖଳାରେ ରଥନିର୍ମାଣରେ ବ୍ୟସ୍ତ ସେବକ , ଆଗକୁ ଶ୍ରୀକ୍ଷେତ୍ରରେ ଭଉଁରୀ ଉତ୍ସବ
Khabar Odisha:Ratha-yatra-Updates
ପୁରୀ,ମେ ୧୨(ଖବର ଓଡ଼ିଶା): ରଥଖଳାରେ ଚାଲିଛି ତିନିରଥର ନିର୍ମାଣ କାର୍ଯ୍ୟ । ଏହାକୁ ନେଇ ଚଳଚଂଚଳ ହୋଇଉଠିଛି ରାଜନଅର ସମ୍ମୁଖରେ ଥିବା  ରଥଖଳା ।
 
ଆସନ୍ତା ୧୮ରେ ହେବାକୁଥିବା ଭଉଁରୀ ଉତ୍ସବରେ ତିନି ରଥର ଦୁଇଟି ଲେଖାଏଁ ଚକ ସହିତ ଅଖ ସଂଯୋଗ କରାଯିବ। ପରେ ଚକ ଡେରା ବିଧି ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଥିବାବେଳେ ନିର୍ମାଣକାରୀମାନେ ତାଙ୍କ କାମରେ ଲାଗି ପଡିଛନ୍ତି ।
 
ଗତକାଲି ବିଶ୍ୱକର୍ମାମାନଙ୍କ ଦ୍ୱାରା ଅର ଲାଗି ଅନୁକୁଳ ହୋଇ ଯାଇଛି । ଆଗକୁ ଭଉଁରୀ ପାଇଁ ପ୍ରତ୍ୟେକ ରଥର ଦୁଇଟି ଲେଖାଏଁ ଚକ ଓ ଗୋଟିଏ ଅଖ ପ୍ରସ୍ତୁତିରେ ବ୍ୟସ୍ତ ରହିଛନ୍ତି ନିର୍ମାଣକାରୀ । ଗୋଟିଏ ଚକରେ ଗୋଟିଏ ତୁମ୍ବ , ୪ଟି ପହି ଓ ୧୬ଟି ଅର ଲାଗିବ । ଏହିସବୁ କାମ ସହ  ରଥମାନଙ୍କର କୁଡୁକାଗୁଜ ଓ ଜଳଯନ୍ତ୍ର କାମ ଜାରି ରହିଛି ।
  • Tags:

Subscribe

National International State Sports Entertainment