ଚନ୍ଦ୍ରଯାନ-୩ ଅଭିଯାନ ସଫଳ ହୋଇଛି। ଏଥିପାଇଁ ପୁରା ଦେଶ ଆଜି ଉତ୍ସବ ମୁଖର । ପୁରା ଦେଶ ଏହି ଖୁସିକୁ ସେଲିବ୍ରେଟ କରିବାରେ ଲାଗିଛି । ଏପରି ସଫଳତା ହାସଲ କରିବାରେ ଭାରତ ବିଶ୍ବର ୪ର୍ଥ ମହାକାଶ ସଂସ୍ଥାରେ ପରିଣତ ହୋଇଛି । ଏହା ପୂର୍ବରୁ ଆମେରିକା, ରୁଷ, ଚୀନ ଏହି ସଫଳତା ହାସିଲ କରିସାରିଥିବା ବେଳେ ଚନ୍ଦ୍ରର ଦକ୍ଷିଣ ମେରୁରେ ଓହ୍ଲାଇବାରେ ଭାରତ ପ୍ରଥମ ଦେଶର ଗୌରବ ଅର୍ଜନ କରିଛି। ଏଥିପାଇଁ ପୁରା ଦେଶ ଆଜି ଗର୍ବିତ । ଏଥିମଧ୍ୟରେ ବଲିଉଡ ତରକମାନେ ମଧ୍ୟ ନିଜ ନିଜ ଖୁସିକୁ ବ୍ୟକ୍ତ କରିଛନ୍ତି । ସୋସିଆଲ ମିଡ଼ିଆରେ ନିଜର ଖୁସି ଜାହିର କରି ଇସ୍ରୋକୁ ଧନ୍ୟବାଦ ଜଣାଇଛନ୍ତି ବଲିଉଡ ତାରକା । ବଲିଉଡ ତାରକା ଅନୁପମ ଖେର, ଅକ୍ଷୟ କୁମାର,ସିଦ୍ଧାର୍ଥ ମଲହୋତ୍ରା,କାର୍ତ୍ତିକ ଆରୟନ, ଭିକି କୌଶଲ, ଶାହିଦ କପୁରଙ୍କ ପତ୍ନୀ ମୀରା କପୁରଙ୍କ ସମେତ ଅନ୍ୟ ଫିଲ୍ମ ତାରକା ମାନେ ଇନଷ୍ଟାଗ୍ରାମରେ ଭିଡ଼ିଓ ଏବଂ ଫଟୋକୁ ପୋଷ୍ଟ କରି ନିଜର ଖୁସି ଜାହିର କରିଛନ୍ତି । ଅକ୍ଷୟ କୁମାର ନିଜ ଇନଷ୍ଟାଗ୍ରାମ ଷ୍ଟୋରୀ ରେ 'କୋଟି କୋଟି ହୃଦୟ ଆଜି ଇସ୍ରୋକୁ ଧନ୍ୟବାଦ ଜଣାଉଛି। ତୁମେ ଆମକୁ ଗର୍ବିତ କରିଛ। ଭାରତ ଇତିହାସ ସୃଷ୍ଟି କରୁଥିବା ଦେଖି ନିଜକୁ ଭାଗ୍ୟବାନ ମନେ କରୁଛି। ଭାରତ ଚନ୍ଦ୍ରରେ ଅଛି ଓ ଆମେ ଚନ୍ଦ୍ର ଉପରେ ଅଛୁ' ବୋଲି ଲେଖିଛନ୍ତି । ଏହାଛଡା 'ରେହନା ହେ ତେର୍ ଦିଲ୍ ମେ' ଫିଲ୍ମର ଅଭିନେତା ଆର.ମାଧବନ ଇନଷ୍ଟାଗ୍ରାମରେ ଭିଡ଼ିଓ ମାଧ୍ୟମରେ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି ।