ଆରମ୍ଭ ହୋଇଛି ପିକନିକ ଋତୁ | ସେପଟେ ଲୋକ ପରିବାର, ସାଙ୍ଗସାଥି , ସମ୍ପର୍କୀୟଙ୍କ ସହ ଭୋଜିଭାତ ଆସର ଜମାଉଥିବା ବେଳେ ଏପଟେ ଦେଖିବାକୁ ମିଳିଛି କିଛି ଅଭାବନୀୟ ଘଟଣା | ଭୀମଭୋଇ ମେଡିକାଲ କଲେଜ ହସପିଟାଲର ବ୍ଲଡବ୍ୟାଙ୍କ କର୍ମଚାରୀମାନଙ୍କ ପିକ୍ନିକ୍ ଷ୍ଟାଇଲ୍କୁ ନେଇ ଏବେ ଚାରିଆଡ଼େ ଚର୍ଚ୍ଚା । ରକ୍ତସଂଗ୍ରହ ଗାଡ଼ିରେ ପିକ୍ନିକ୍ ପାଇଁ ଯାଇ ଭୋଜିଭାତ କରୁଛନ୍ତି କର୍ମଚାରୀ ।
ବଲାଙ୍ଗିର ଭୀମଭୋଇ ମେଡିକାଲ କଲେଜ ଆଣ୍ଡ ହସପିଟାଲର ବ୍ଲଡବ୍ୟାଙ୍କ କର୍ମଚାରୀମାନେ ରକ୍ତ ସଂଗ୍ରହ ପାଇଁ ବ୍ୟବହାର କରାଯାଉଥିବା ଭ୍ରାମ୍ୟମାଣ ଗାଡିକୁ ପିକନିକ ଯିବା ପାଇଁ ବ୍ୟବହାର କରିଛନ୍ତି । ଗାଡିରେ ୧୫ରୁ ୨୦ ଜଣ ବ୍ଲଡବ୍ୟାଙ୍କ କର୍ମଚାରୀ ଯାଇ ପିକନିକ କରିବାର ଭିଡିଓ ଏବେ ଭାଇରାଲ ହେବାରେ ଲାଗିଛି । ଯେଉଁ ଗାଡିକୁ ରକ୍ତ ସଂଗ୍ରହ କରିବା ପାଇଁ ସରକାରଙ୍କ ତରଫରୁ ଯୋଗାଇ ଦିଆଯାଇଥିଲା ତାହା ଏବେ ପିକନିକ ପାଇଁ ବ୍ୟବହାର କରାଯାଉଛି | ଏଥିରୁ ସେମାନଙ୍କ ଦାୟିତ୍ୱହୀନତା ସ୍ପଷ୍ଟ ରୂପ ବାରି ହେଉଛି ।