ଫୁଲବାଣୀ: ବୁଧବାର ଫୁଲବାଣୀରେ ଘଟିଛି ଏକ ମମନ୍ତୁଦ ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ଘରୋଇ ବସ୍ ମାଲିକଙ୍କ ମୃତ୍ୟୁ ଘଟିଛି । ମୃତକ ହେଉଛନ୍ତି ଘରୋଇ ବସ୍ ସୁନା ପ୍ରତିମାର ମାଲିକ ତ୍ରିଲୋଚନ ପ୍ରଧାନ । ଫୁଲବାଣୀ ଗାନ୍ଧୀ ଛକ ନିକଟରେ ଘଟିଛି ଏହି ଦୁର୍ଘଟଣା ।

ଘଟଣାନୁଯାୟୀ ଗାନ୍ଧୀ ଛକ ନିକଟରେ ରାସ୍ତା କଡ଼ରେ ବସଟି ଠିଆ ହୋଇଥିବା ବେଳେ ଏକ ହାଇୱା ଆସି ଧକ୍କା ଦେଇଥିଲା । ଏଥିରେ ବସ୍ ମାଲିକଙ୍କ ଗୁରୁତର ହୋଇଥିବା ବେଳେ ତୁରନ୍ତ ତାଙ୍କୁ ଜିଲ୍ଲା ମେଡିକାଲକୁ ନିଆଯାଇଥିଲା । ହେଲେ ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଛି ।

ସେହିପରି ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ପାଖରେ ଛିଡା ହୋଇଥିବା ଅନ୍ୟ ଯାତ୍ରୀମାନେ । ସେପଟେ ଦୁର୍ଘଟଣାପରେ ଧକ୍କା ଦେଇଥିବା ପିକ୍‌ଅପ୍ ଗାଡ଼ିର ଚାଳକ ଫେରାର ହୋଇଯାଇଛି ।