ଭୁବନେଶ୍ୱର : ଯୋଗାଯୋଗ, ଶିକ୍ଷା ଏବଂ ବୃତ୍ତିଗତ ଜୀବନରେ ଟାଇପିଂ ଦକ୍ଷତାର ଲୋକଲୋଚନକୁ ଆଣିବା ପାଇଁ ପ୍ରତିବର୍ଷ ଜାନୁଆରୀ ୮ ତାରିଖକୁ ବିଶ୍ୱ ଟାଇପିଂ ଦିବସ ରୂପେ ପାଳନ କରାଯାଏ। ଇମେଲ୍ ଏବଂ କୋଡିଂ ଠାରୁ ବିଷୟବସ୍ତୁ ସୃଷ୍ଟି ଏବଂ ଅନଲାଇନ୍ ଶିକ୍ଷା ଆଦି ଟାଇପିଂ ଉପରେ ନିର୍ଭର। ତେଣୁ ଡିଜିଟାଲ୍ ଯୁଗରେ ଟାଇପିଂ କିପରି ଏକ ଅତ୍ୟାବଶ୍ୟକ ସେ ବିଷୟରେ ଏହା ସଚେତନ ସୃଷ୍ଟି କରିଥାଏ। ଏହିଦିବସକୁ ବିଭିନ୍ନ ଅନୁଷ୍ଠାନ ପକ୍ଷରୁ ବେଶ ଧୂମଧାମରେ ପାଳନ କରିଥାନ୍ତି। 

ଉତ୍ପତ୍ତି

ଟାଇପିଂ ଦିବସ ମୂଳତଃ ଟାଇପୋ ଅଟୋ କରେକ୍ଟର ଦ୍ୱାରା ପରିକଳ୍ପନା କରାଯାଇଥିଲା। ଏହାପରେ ୨୦୧୧ ମସିହାରେ ମାଲେସିଆରେ ଏହି ଦିବସ ପାଳନ କରିବା ନେଇ ପ୍ରସ୍ତାବ ଉପସ୍ଥାପିତ ହୋଇଥିଲା। ଏହାର ଲକ୍ଷ୍ୟ ଲିଖିତ ଯୋଗାଯୋଗ ମାଧ୍ୟମରେ ନିଜକୁ ପ୍ରକାଶ କରିବାକୁ ଲୋକଙ୍କୁ ଉତ୍ସାହିତ କରିବା ଏବଂ ମାଲେସିଆନ ସ୍ପିଡ୍ ଟାଇପିଂ ପ୍ରତିଯୋଗିତା ୨୦୧୧ ର ସ୍ମୃତିରେ ମଧ୍ୟ ଥିଲା, ଯାହା ମାଲେସିଆନ ବୁକ୍ ଅଫ୍ ରେକର୍ଡସ (MBR) ରେ ଦୁଇଟି ରେକର୍ଡ ଭାଙ୍ଗିଥିଲା। ସେହିଦିନ ଠାରୁ ପ୍ରତ୍ୟକ ବର୍ଷ ଆଜିର ଦିନକୁ ବିଶ୍ୱ ଟାଇପିଂ ଦିବସ ରୂପେ ପାଳନ କରାଯାଏ।

ଉଦ୍ଦେଶ୍ୟ 

ସାଧାରଣ ଲୋକଙ୍କୁ ବିଶେଷକରି ଯୁବ ପିଢ଼ିଙ୍କୁ ସଠିକ୍ ଇଂରାଜୀ ଟାଇପ୍ କରିବା ଏବଂ ଶିଖିବା ପାଇଁ ଉତ୍ସାହିତ କରିଥାଏ।   ଟିମ୍ ଟାଇପୋ ଅଟୋ କରେକ୍ଟର (TAC ) ସେକେଣ୍ଡକୀ ଡିଜାଇନ୍ ଏବଂ କମ୍ପ୍ୟୁଟର ପ୍ରୋଗ୍ରାମ ଯାହା ସ୍ୱୟଂଚାଳିତ ଭାବରେ ଯେକୌଣସି ଅନଲାଇନ୍ ଏବଂ ଅଫଲାଇନ୍ ଟାଇପ୍-ଲିଖିତ ଇଣ୍ଟରଫେସରେ ଭୁଲ ଇଂରାଜୀ ସ୍ପେଲିଂକୁ ସଂଶୋଧନ କରେ। ଏହାସହିତ ମାଇକ୍ରୋସଫ୍ଟ ମାଲେସିଆ ସହିତ ଘନିଷ୍ଠ ଭାବରେ ମଧ୍ୟ କାର୍ଯ୍ୟ କରିଥାଏ। ତେବେ ଆଜିକାଲି ଏହି ସଫ୍ଟୱେର୍ ବର୍ତ୍ତମାନ ଇଂରାଜୀ ଭାଷା ବାହାରେ ଉନ୍ନତ ଏବଂ ବିସ୍ତାରିତ ହେଉଛି ଯାହା ଟାଇପିଂ ସଠିକତା ଏବଂ ଦକ୍ଷତା ବୃଦ୍ଧି କରିବା ପାଇଁ ବିଭିନ୍ନ ଆଡ-ଅନ୍ ବୈଶିଷ୍ଟ୍ୟ ସହିତ ଜଡିତ।  

ଅଧିକ ପଢନ୍ତୁ : ରାଜ୍ୟରେ ଖସୁଛି ପାରଦ : ଅସ୍ତବ୍ୟସ୍ତ ହେଉଛି ଜୀବନ