ଆଉ ହେବନି IPLର ଉଦଘାଟନୀ ସମାରୋହ, କୋଟି କୋଟି ଟଙ୍କା ବଞ୍ଚାଇବା ପାଇଁ ବିସିସିଆଇର ବଡ ନିଷ୍ପତ୍ତି
Khabar Odisha:National-sports-BCCI-Closed-IPL-Opening-Ceremony-To-Reduce-Cost-And-Save-Huge-Amount-Of-Money
ନୂଆଦିଲ୍ଲୀ,ନଭେମ୍ବର ୦୬ (ଖବର ଓଡିଶା):

ଆଇପିଏଲର ଖର୍ଚ୍ଚ କମ କରିବା ପାଇଁ ବିସିସିଆଇ ଏକ ବଡ ନିଷ୍ପତ୍ତି ଗ୍ରହଣ କରିଛି । ଆଇପିଏଲରେ ହେଉଥିବା ଉଦଘାଟନୀ ସମାରୋହକୁ ବନ୍ଦ କରିବାକୁ ନିଷ୍ପତ୍ତି ନେଇଛିସ କ୍ରିକେଟ ବୋର୍ଡ । ଏହାଦ୍ୱାରା ବିସିସିଆଇ 30 କୋଟି ଟଙ୍କା ସଞ୍ଚୟ କରିବ । ଆଇପିଏଲ ଗଭର୍ଣ୍ଣିଂ କାଉଁସିଲର ବୈଠକରେ ଏହି ନିଷ୍ପତ୍ତି ନିଆଯାଇଛି । 

ବିସିସିଆଇର ଜଣେ ବରିଷ୍ଠ ଅଧିକାରୀଙ୍କ ସୂଚନା ଅନୁସାରେ ଉଦଘାଟନୀ ସମାରୋହରେ ଅଧିକ ଟଙ୍କାର ଖର୍ଚ୍ଚ ହେଉଥିଲା ଏବଂ ଦର୍ଶକ ମଧ୍ୟରେ ଏଥିପ୍ରତି ଆକୃଷ୍ଟ ନୁହଁନ୍ତି । 

ଆଇପିଏଲରେ ଗତ କିଛି ବର୍ଷ ତଳେ କେଟୀ ପେରୀ, ଅକନ ଏବଂ ପିଟ ବୁଲ ପରି ଅନ୍ତରାଷ୍ଟ୍ରୀୟ ପପ ଷ୍ଟାର ଆତସବାଜୀ ଏବଂ ଲେଜର ଲାଇଟ ମଧ୍ୟରେ ଉଦଘାଟନୀ ସମାରୋହରେ ନିଜର କଳା ଦେଖାଇଥିଲେ । ଭାରତୀୟ ଟି-20 ଲିଗର ଏହି ସମାରୋହରେ ବଲିଉଡର କଳାକାରମାନେ ମଧ୍ୟ ସାମିଲ ହେଉଥିଲେ । 2019 ମସିହାରେ ପୁଲୱାମାର ସହିଦ ଯବାନ ଉଦ୍ଦେଶ୍ୟରେ ଆଇପିଏଲର ଉଦଘାଟନୀ ସମାରୋହ ହୋଇ ନଥିଲା । ଏହାପୂର୍ବରୁ 2018 ମସିହାରେ ସିଓଏ ଆଇପିଏଲର ଉଦଘାଟନୀ ସମାରୋହର 50 କୋଟି ବଜେଟକୁ ହ୍ରାସ କରି 30 କୋଟି ଟଙ୍କା କରିଥିଲେ ।  

Subscribe

National International State Sports Entertainment