କେରଳ କଂଗ୍ରେସ ମୁଖ୍ୟ ସ୍ୱାସ୍ଥ୍ୟମନ୍ତ୍ରୀଙ୍କୁ କହିଲେ- କୋଭିଡ ରାନୀ, ବିବାଦ ଆରମ୍ଭ
Khabar Odisha:Politics-Cong-Kerala-chief-calls-health-minister-covid-queen-cpi-m-terms-remark-sexistdemands-apology

ତିରୁଅନନ୍ତପୁରମ, ଜୁନ ୨୦ (ଖବର ଓଡ଼ିଶା): କେରଳର କଂଗ୍ରେସ ସଭାପତି ଏମ ରାମଚନ୍ଦ୍ରନ ଶୁକବାର ଏକ ବିବାଦୀୟ ବୟାନ ଦେଇଛନ୍ତି । ସେ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ କେକେ ଶୈଳଜାଙ୍କୁ କୋଭିଡ ରାନୀ ବୋଲି କହିଛନ୍ତି । ରାମଚନ୍ଦ୍ରନଙ୍କ ଏହି ବୟାନ ପରେ ସିପିଏମ ତରଫରୁ କଡ଼ା ପ୍ରତିକ୍ରିୟା ଆସିଛି । ମାର୍କ୍ସବାଦୀ କମ୍ୟୁନିଷ୍ଟ ପାର୍ଟି ରାମଚନ୍ଦ୍ରନଙ୍କ ଲୈଙ୍ଗିକ ଭେଦଭାବ କରୁଥିବା ବୟାନ ବୋଲି କହିଛି । ତେଣୁ ସେ ସର୍ବସାଧାରଣରେ କ୍ଷମା ମାଗିବା ଉଚିତ ବୋଲି କହିଛି ସିପିଆଇ ।

ରାମଚନ୍ଦ୍ରନ ଆହୁରି ମଧ୍ୟ କହିଛନ୍ତି, ନିପା ଭାଇରସ ବ୍ୟାପିବା ସମୟରେ ଶୈଳଜା କୋଝିକୋଡରେ ‘ଅତିଥି କଳାକାର’ ହୋଇଥିଲେ ଏବଂ ସେ ‘ନିପା ରାଜକୁମାରୀ’ ହେବାକୁ ଉଦ୍ୟମ କରିଥିଲେ । ରାଜ୍ୟର ଅର୍ଥମନ୍ତ୍ରୀ ଟିଏମ ଥୋମାସ ଆଇଜେକ ରାମଚନ୍ଦ୍ରଙ୍କ ବୟାନ ନେଇ ନିଜର ପ୍ରତିକ୍ରିୟା ଦେଇଛନ୍ତି । ସେ ଟୁଇଟ କରି ଲେଖିଛନ୍ତି, କେପିସିସି ଅଧ୍ୟକ୍ଷ କେରଳର ସ୍ୱାସ୍ଥ୍ୟ ମନ୍ତ୍ରୀ ଶୈଳଜାଙ୍କୁ କହୁଛନ୍ତି ଯେ, ନିପା ରାଜକୁମାରୀ ଏବେ କୋଭିଡ ରାନୀ ହେବାକୁ ଯାଉଛନ୍ତି । କ’ଣ କୌଣସି ନେତା ଏତେ ତଳକୁ ଖସିପାରନ୍ତି? 

 

  • Tags:

Subscribe

National International State Sports Entertainment