ଭୋପାଳ, ଜୁଲାଇ ୩୦ (ଖବର ଓଡ଼ିଶା): ୨୦୨୩ ବିଧାନସଭା ନିର୍ବାଚନ ଠିକ୍ ପୂର୍ବରୁ ମଧ୍ୟ ପ୍ରଦେଶରେ ହୋଇଥିବା ନଗର ନିଗମ ନିର୍ବାଚନ ଓ ଏବେ ପଞ୍ଚାୟତ ନିର୍ବାଚନରେ ବିଜେପି ଭଲ ପ୍ରଦର୍ଶନ କରିଛି । ମଧ୍ୟପ୍ରଦେଶରେ ୫୧ଟି ଜିଲ୍ଲାରୁ ୪୧ଟିରେ ବିଜେପିର ପ୍ରାର୍ଥୀ ଅଧ୍ୟକ୍ଷ ହୋଇପାରିଛନ୍ତି ।
ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଏହି ବିଜୟକୁ ଡବଲ ଇଞ୍ଜିନର ସରକାରଙ୍କ ଅଭିଜ୍ଞତା ବୋଲି କହିଛନ୍ତି । ଏଥି ସହିତ ମଧ୍ୟ ପ୍ରଦେଶର ଜନତାଙ୍କ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଭରସା ଥିବାରୁ ଏହା ହୋଇପାରିଛି ବୋଲି କହିଛନ୍ତି । ମୁଖ୍ୟମନ୍ତ୍ରୀ ଶିବରାଜ କହିଛନ୍ତି ଯେ, ନଗର ନିଗମ ଓ ପଂଚାୟତ ନିର୍ବାଚନର ଫଳାଫଳ ବିଜେପିକୁ ପ୍ରଚଣ୍ଡ ବିଜୟରେ ସହାୟକ ହେବ ।
-୫୧ରୁ ୪୧ଟି ଜିଲ୍ଲାରେ ବିଜେପି ଜିଲ୍ଲା ପରିଷଦ ଅଧ୍ୟକ୍ଷ । କଂଗ୍ରେସକୁ ୧୦ଟି ଜିଲ୍ଲା
-୩୧୨ ଜନପଦ ପଂଚାୟତ (ଗୋଟିଏ ଆସନରେ କୋର୍ଟ ଷ୍ଟେ)ରୁ ୨୨୭ରେ ବିଜେପି, ୬୫ରେ କଂଗ୍ରେସ ଓ ୨୧ ଅନ୍ୟମାନଙ୍କୁ ମିଳିଛି
-୨୨ ହଜାର ୯୨୪ ଗ୍ରାମପଂଚାୟତରୁ ୨୦ ହଜାର ୬୧୩ଟି ପଂଚାୟତରେ ବିଜେପି ସମର୍ଥକଙ୍କ ବିଜୟ
-୧୬ଟି ନଗର ନିଗମ ମଧ୍ୟରୁ ୯ଟିରେ ବିଜେପିର ମେୟର, ୫ଟିରେ କଂଗ୍ରେସ, ଆପ୍ ଓ ସ୍ୱାଧୀନକୁ ଗୋଟିଏ ଲେଖାଏଁ