ଆଉ ମାତ୍ର କିଛି ମାସ ପରେ ଆରମ୍ଭ ହେବ ଲୋକସଭା ନିର୍ବାଚନ । ଏଥର ମଧ୍ଯ ବିଜେପି ବିଜୟୀ ହେବା ନେଇ ସେତିକି ଦୃଢ଼ୋକ୍ତି ପ୍ରକାଶ ପାଇଛି । ଏଥର ବି ନିର୍ବାଚନରେ ବାଜିମାତ କରିବ ବୋଲି ବିଜେପି ଆଗୁଆ ପୂର୍ବାନୁମାନ କରିସାରିଛି। ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଅବ୍‌ କି ବାର୍‌ ୪୦୦ ପାର୍‌ର ନାରା ବି ଦେଇଥିଲେ। ଏହାରି ଭିତରେ କେନ୍ଦ୍ରମନ୍ତ୍ରୀ ଅନୁରାଗ ଠାକୁରଙ୍କୁ ନୂଆ ଷ୍ଟାଇଲ୍‌ ରେ ଦେଖିବାକୁ ମିଳିଛି । ବଜେଟ ଅଧିବେଶନର ଶେଷ ଦିନରେ ନୂଆ ଅନ୍ଦାଜରେ ନଜର ଆସିଛନ୍ତି କେନ୍ଦ୍ର ମନ୍ତ୍ରୀ ଅନୁରାଗ ଠାକୁର।

ପ୍ରାୟତଃ ସବୁଦିନେ କୁର୍ତ୍ତା ଜ୍ୟାକେଟ୍‌ ପିନ୍ଧି ସଂସଦକୁ ଆସୁଥିବା ବେଳେ ଏଥର କିନ୍ତୁ ନାରଙ୍ଗୀ ରଙ୍ଗର ହୁଡି ପିନ୍ଧି ସଂସଦ ଭବନରେ ଏଣ୍ଟ୍ରି କରିଛନ୍ତି।

' ନମୋ ହ୍ୟାଟ୍ରିକ୍‌' ଲେଖାଥିବା ଗେରୁଆ ରଙ୍ଗ ହୁଡି ପିନ୍ଧି ସଂସଦରେ ପହଞ୍ଚିଲେ କେନ୍ଦ୍ର ମନ୍ତ୍ରୀ ଶ୍ରୀ ଠାକୁର । କେବଳ ସେତିକି ନୁହେଁ 'ଅବ୍‌ କି ବାର୍‌ ଫିର୍‌ ସେ ମୋଦି ସରକାର' ସହ ଅବ୍‌ କି ବାର୍‌ ୪୦୦ ପାର୍‌ର ନାରା ମଧ୍ୟ ସେ ଦେଇଛନ୍ତି।