କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସୋମବାର କହିଛନ୍ତି ଯେ, ISI ସମର୍ଥିତ ଆତଙ୍କୀ ଗ୍ରୁପ୍ ଶହଜାଦ ଭଟ୍ଟି ନେଟୱାର୍କକୁ ସ୍ୱାଧୀନତା ଦିବସ ପୂର୍ବରୁ ଶେଷ କରିଦିଆଯାଇଛି ଏବଂ ସୁରକ୍ଷା ବଳ ତାହାର ଭୟାନକ ଆକ୍ରମଣ ଯୋଜନାକୁ ପଣ୍ଡ କରିଦେଇଛନ୍ତି। ଶାହ କହିଛନ୍ତି ଯେ ୧୪ଟି ରାଜ୍ୟରେ ଚାଲିଥିବା ସମନ୍ୱିତ ଅପରେସନ୍ ଜରିଆରେ ନେଟୱାର୍କର ୨୦୦ରୁ ଅଧିକ ଅପରେଟିଭଙ୍କୁ ଗିରଫ କରାଯାଇଛି।

ଅମିତ ଶାହ ଏକ୍ସ (X) ର ଏକ ପୋଷ୍ଟରେ କହିଛନ୍ତି, "ମୋଦୀ ସରକାର ସ୍ୱାଧୀନତା ଦିବସ ପୂର୍ବରୁ ISI ସମର୍ଥିତ ଆତଙ୍କୀ ଗ୍ରୁପ୍ ଶହଜାଦ ଭଟ୍ଟି ନେଟୱାର୍କକୁ ଶେଷ କରିଦେଇଛନ୍ତି ଏବଂ ୨୦୦ରୁ ଅଧିକ ଅପରେଟିଭଙ୍କୁ ଗିରଫ କରି ତାହାର ଭୟାନକ ଆକ୍ରମଣ ଯୋଜନାକୁ ପଣ୍ଡ କରିଦେଇଛନ୍ତି।"

ଆତଙ୍କୀ ନେଟୱାର୍କକୁ କରାଗଲା ଧ୍ୱଂସ

ସେ ଆହୁରି ମଧ୍ୟ କହିଛନ୍ତି, "ଭାରତୀୟ ସୁରକ୍ଷା ବଳ ୧୪ଟି ରାଜ୍ୟର ବିଭିନ୍ନ ସ୍ଥାନରେ ସମନ୍ୱିତ ଅପରେସନ୍ ଆରମ୍ଭ କରି ନେଟୱାର୍କକୁ ସମ୍ପୂର୍ଣ୍ଣ ଛାନଭିନ୍ ଓ ଧ୍ୱଂସ କରିଦେଇଛନ୍ତି, ଯାହା ଆତଙ୍କବାଦ ପ୍ରତି ଭାରତର 'ଜିରୋ-ଟୋଲେରାନ୍ସ' ନୀତିର ଏକ ଉତ୍କୃଷ୍ଟ ଉଦାହରଣ।"