ନୂଆଦିଲ୍ଲୀ: ନରେନ୍ଦ୍ର ମୋଦୀ ବୁଧବାର କଂଗ୍ରେସ ଦଳ ଉପରେ ବିଶ୍ୱ ସଙ୍କଟର ରାଜନୀତିକରଣ କରିବାର ଅଭିଯୋଗ ଆଣିଛନ୍ତି । କଂଗ୍ରେସ ଦଳ ଉସକାଇବା ଏବଂ ଦାୟିତ୍ୱହୀନ ବୟାନ ଦେଉଛି ଯାହା ବିଦେଶରେ ଥିବା ଭାରତୀୟଙ୍କ ପାଇଁ ପରିସ୍ଥିତିକୁ ଆହୁରି ଖରାପ କରିପାରେ।

ପ୍ରଧାନମନ୍ତ୍ରୀ କହିଛନ୍ତି, "ମୁଁ ଖୁସି ଯେ ଉପସାଗରରେ ଥିବା ଆମର ସମସ୍ତ ବନ୍ଧୁ ରାଷ୍ଟ୍ରର ସରକାର ଆମ ନାଗରିକଙ୍କ ଯତ୍ନ ନେଉଛନ୍ତି । ସେହି ଦେଶଗୁଡ଼ିକରେ ଥିବା ଆମର ମିଶନ ଏବଂ ଦୂତାବାସ ସେମାନଙ୍କୁ ୨୪ ଘଣ୍ଟିଆ ନିରନ୍ତର ସହଯୋଗ  ଯୋଗାଇ ଦେଉଛନ୍ତି । କିନ୍ତୁ ଏହା ଅତ୍ୟନ୍ତ ଦୁର୍ଭାଗ୍ୟଜନକ ଯେ କଂଗ୍ରେସ ଦଳ ଏତେ ବଡ଼ ବିଶ୍ୱ ସଙ୍କଟ ମଧ୍ୟରେ ମଧ୍ୟ ରାଜନୀତି କରୁଛି।

ମୋଦୀ ଆହୁରି କହିଛନ୍ତି ଯେ କଂଗ୍ରେସ ଦଳ ପରିସ୍ଥିତିକୁ ଆହୁରି ଖରାପ କରିବା ପାଇଁ ଜାଣିଶୁଣି ଉସକାଇବା ଏବଂ ଦାୟିତ୍ୱହୀନ ବୟାନ ଦେଉଛି। ଯାହା ଦ୍ୱାରା ଆମର ଲୋକମାନେ ସେହି ସଙ୍କଟରେ ଫସି ରହିପାରିବେ ଏବଂ ତା'ପରେ ସେମାନେ ମୋଦିଙ୍କୁ ଗାଳି ଦେଇ ରିଲ୍ ତିଆରି କରିବାକୁ ଏକ ଅଭିଯାନ ଆରମ୍ଭ କରିପାରିବେ। ଉପସାଗର ଏବଂ ପଶ୍ଚିମ ଏସିଆରେ କ'ଣ ଘଟୁଛି ତାହା ବିଷୟରେ ଆପଣ ସମସ୍ତଙ୍କ ପାଇଁ ଚିନ୍ତିତ ହେବା ସ୍ୱାଭାବିକ। ମନେରଖନ୍ତୁ, ଆଜି ବିଜେପି-ଏନଡିଏ ସରକାର କ୍ଷମତାରେ ଅଛି। ଯେତେବେଳେ ବି ଆମ ଦେଶର କୌଣସି ନାଗରିକ ସମସ୍ୟାରେ ପଡ଼ିଛନ୍ତି, ଆମେ ସେମାନଙ୍କର ସୁରକ୍ଷା ସୁନିଶ୍ଚିତ କରିବା ପାଇଁ ଆମର ସମସ୍ତ ପ୍ରୟାସ କରିଛୁ ବୋଲି ମୋଦୀ କହିଛନ୍ତି । ଇରାକରୁ ନର୍ସମାନଙ୍କୁ ଉଦ୍ଧାର କରିବା ହେଉ କିମ୍ବା ୟେମେନରେ ଆତଙ୍କବାଦୀଙ୍କ କବଳରୁ ଫାଦର ଟମଙ୍କୁ ଉଦ୍ଧାର କରିବା ହେଉ, ଭାରତ କେବେବି କଷ୍ଟକର ସମୟରେ ଏହାର ନାଗରିକମାନଙ୍କ ହାତ ଛାଡ଼ି ନାହିଁ । ଆଜି ମଧ୍ୟ ଯୁଦ୍ଧଗ୍ରସ୍ତ ଦେଶଗୁଡ଼ିକରେ ଫସି ରହିଥିବା ଭାରତୀୟଙ୍କ ସୁରକ୍ଷା ସୁନିଶ୍ଚିତ କରିବାକୁ ଚେଷ୍ଟା ଜାରି ରହିଛି ।