ନୂଆଦିଲ୍ଲୀ: ବିହାର ରାଜନୀତିରେ ଅନେକ ବିଧାୟକ ଏକ ବଡ଼ ଆଇନଗତ ସମସ୍ୟାର ସାମ୍ନା କରିବାକୁ ଯାଉଛନ୍ତି । ପାଟନା ହାଇକୋର୍ଟ ବିଧାନସଭାର ଶାସକ ଏବଂ ବିରୋଧୀ ଦଳର ୪୨ ଜଣ ବିଧାୟକଙ୍କୁ ନୋଟିସ୍ ଜାରି କରିଛନ୍ତି । ନିର୍ବାଚନବେଳେ ମିଥ୍ୟା ସତ୍ୟପାଠ ଦାଖଲ କରିବା ମାମଲାରେ ହାଇକୋର୍ଟରୁ ନୋଟିସ୍ ଆସିଛି । 

ନିର୍ବାଚନୀ ସମୟରେ ମିଥ୍ୟା ସୂଚନା ଦେବା ଏବଂ ଅନିୟମିତତା ଅଭିଯୋଗର ଜବାବ ମାଗିଛନ୍ତି କୋର୍ଟ । ବିଭିନ୍ନ ନିର୍ବାଚନ ମଣ୍ଡଳୀରେ ପରାଜିତ ପ୍ରାର୍ଥୀମାନେ ମିଥ୍ୟା ସତ୍ୟପାଠ କରିଥିବା ନେଇ ପାଟନା ହାଇକୋର୍ଟରେ ଆବେଦନ କରିଛନ୍ତି । ଆବେଦନକାରୀମାନେ ଅଭିଯୋଗ କରିଛନ୍ତି ଯେ ବିଜୟୀ ପ୍ରାର୍ଥୀମାନେ ନାମାଙ୍କନ ସମୟରେ ସେମାନଙ୍କ ଶପଥପତ୍ରରେ ତଥ୍ୟ ଲୁଚାଇଥିଲେ। କିଛି ମାମଲାରେ, ଭୋଟ ପ୍ରକ୍ରିୟାରେ ଅନିୟମିତତାର ଅଭିଯୋଗ ମଧ୍ୟ କରାଯାଇଛି। 

ପ୍ରାଥମିକ ଶୁଣାଣି ପରେ, କୋର୍ଟ ସମସ୍ତ ବିଧାୟକଙ୍କୁ ନୋଟିସ୍ ଜାରି କରିଛନ୍ତି। କୋର୍ଟରେ ଦାଖଲ ହୋଇଥିବା ପ୍ରତିକ୍ରିୟା ଏବଂ ଦଲିଲ ଆଧାରରେ ବର୍ତ୍ତମାନ ପରବର୍ତ୍ତୀ ଶୁଣାଣି କରାଯିବ। ଏହି ମାମଲାରେ ବିଧାନସଭା ବାଚସ୍ପତି ପ୍ରେମ କୁମାରଙ୍କ ସମତେ ଶାସକ ଏବଂ ବିରୋଧୀ ଦଳର ୪୨ ଜଣ ବିଧାୟକଙ୍କୁ ନୋଟିସ୍ ଜାରି କରିଛନ୍ତି । ନିର୍ଦ୍ଧାରିତ ସମୟ ମଧ୍ୟରେ ସ୍ପଷ୍ଟୀକରଣ ଦାଖଲ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ନୋଟିସ୍ ପାଇଥିବା ଲୋକଙ୍କ ମଧ୍ୟରେ ଶକ୍ତି ମନ୍ତ୍ରୀ ବିଜେନ୍ଦ୍ର ଯାଦବ, ପୂର୍ବତନ ମନ୍ତ୍ରୀ ଜୀବେଶ ମିଶ୍ର, ବିଧାୟକ ଚେତନ ଆନନ୍ଦ ଓ ଗୋହରୁ ରାଷ୍ଟ୍ରୀୟ ଜନତା ଦଳ ବିଧାୟକ ଅମରେନ୍ଦ୍ର ପ୍ରସାଦଙ୍କ ନାମ ମଧ୍ୟ ତାଲିକାରେ ଅଛି। 

ବିଧାୟକମାନଙ୍କୁ ସେମାନଙ୍କର ପକ୍ଷ ଉପସ୍ଥାପନ କରିବା ପାଇଁ ପୂର୍ଣ୍ଣ ସୁଯୋଗ ଦିଆଯାଇଛି। ଏହି ଘଟଣା ବିଧାନସଭା ଭିତରେ ଏବଂ ବାହାରେ ରାଜନୈତିକ ବୟାନବାଜିକୁ ତୀବ୍ର କରିବାର ସମ୍ଭାବନା ଅଛି। ସମସ୍ତଙ୍କ ନଜର ଏବେ ପରବର୍ତ୍ତୀ ଶୁଣାଣି ଏବଂ କୋର୍ଟଙ୍କ ମତ ଉପରେ।