ମହାରାଷ୍ଟ୍ରରେ ଏସଆଇଆର (SIR) ର ଚମକାଇ ଦେଲା ଭଳି ତଥ୍ୟ ସାମ୍ନାକୁ ଆସିଛି। ରାଜ୍ୟରେ ୧୭ ଲକ୍ଷ ୬୩ ହଜାର ଭୋଟରଙ୍କ ନାମ ଦୁଇଟି ସ୍ଥାନରେ ରହିଛି। ସେହିପରି ୭୫ ଲକ୍ଷ ଭୋଟରଙ୍କ କୌଣସି ପତ୍ତା ମିଳିପାରି ନାହିଁ।

ମହାରାଷ୍ଟ୍ରରେ ସ୍ପେଶାଲ ଇଣ୍ଟେନସିଭ୍ ରିଭିଜନ୍ (SIR) ଅଧୀନରେ ଭୋଟର ତାଲିକା ଯାଞ୍ଚ ସମୟରେ ବହୁ ସଂଖ୍ୟକ ଏପରି ଭୋଟର ସାମ୍ନାକୁ ଆସିଛନ୍ତି, ଯାହାଙ୍କ ନାମ ଦୁଇଟି ସ୍ଥାନରେ ଉଲ୍ଳେଖ ଅଛି । ରାଜ୍ୟରେ ୧୭ ଲକ୍ଷ ୬୩ ହଜାର ଦୁଇ ଥର ନାମ ଥିବା ଭୋଟର ମିଳିଥିବା ବେଳେ ୭୫ ଲକ୍ଷ ୫୨ ହଜାର ଭୋଟରଙ୍କ ପତ୍ତା ମିଳିପାରି ନାହିଁ।

ଏହା ବ୍ୟତୀତ ମୋଟ ୨ କୋଟି ୭ ଲକ୍ଷରୁ ଅଧିକ ଭୋଟରଙ୍କୁ ‘ଅନକଲେକ୍ଟେବଲ୍’ (Uncollectable) ତାଲିକାରେ ଅନ୍ତର୍ଭୁକ୍ତ କରାଯାଇଛି। ବିଭିନ୍ନ କାରଣରୁ ଏହି ଭୋଟରମାନଙ୍କର SIR ଗଣନା ଫର୍ମ ଜମା ହୋଇପାରି ନାହିଁ। ଏଥିରେ ଘରେ ନମିଳିଥିବା ଭୋଟର, ସ୍ଥାୟୀ ଭାବେ ଅନ୍ୟ ସ୍ଥାନକୁ ଚାଲିଯାଇଥିବା ଲୋକ, ମୃତ ଭୋଟର, ଡ଼ବଲ  ନାମ ଥିବା ଭୋଟର ଏବଂ ଅନ୍ୟାନ୍ୟ ଶ୍ରେଣୀର ଭୋଟର ସାମିଲ ଅଛନ୍ତି।

୧୭ ଅଗଷ୍ଟ SIR ଅଧୀନରେ ଭୋଟରମାନଙ୍କ ଗଣନା ଫର୍ମ ଜମା କରିବାର ଶେଷ ତାରିଖ ଥିଲା। ମଙ୍ଗଳବାର ଦିନ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ (CEO) କାର୍ଯ୍ୟାଳୟ ପକ୍ଷରୁ SIR ର ଚୂଡ଼ାନ୍ତ ତଥ୍ୟ ଜାରି କରାଯାଇଛି।

ମହାରାଷ୍ଟ୍ରରେ ମୋଟ ୯ କୋଟି ୭୮ ଲକ୍ଷ ଭୋଟର

ମହାରାଷ୍ଟ୍ରର ମୋଟ ୯ କୋଟି ୭୮ ଲକ୍ଷ ଭୋଟରଙ୍କ ମଧ୍ୟରୁ ୭ କୋଟି ୭୧ ଲକ୍ଷ ଭୋଟରଙ୍କ SIR ଫର୍ମ ଜମା ହୋଇସାରିଛି, ଅର୍ଥାତ୍ ରାଜ୍ୟର ୭୮.୮୫ ପ୍ରତିଶତ ଭୋଟର SIR ପ୍ରକ୍ରିୟା ପୂରଣ କରିଛନ୍ତି। ଅନ୍ୟପଟେ ୨ କୋଟି ୭ ଲକ୍ଷରୁ ଅଧିକ ଭୋଟରଙ୍କ ଫର୍ମ ଜମା ହୋଇନାହିଁ, ଯାହା ମୋଟ ଭୋଟରଙ୍କର ୨୧.୧୫ ପ୍ରତିଶତ।

୧. ଦୁଇଥର ନାମ ଥିବା ଭୋଟର: ୧୭ ଲକ୍ଷ ୬୩ ହଜାର (ପ୍ରାୟ ୧.୮୦%)

୨. ଘରେ ନମିଳିଥିବା ଭୋଟର: ୭୫ ଲକ୍ଷ ୫୨ ହଜାର (୭.୭୨%) 

୩. ସ୍ଥାୟୀ ଭାବେ ସ୍ଥାନାନ୍ତରିତ: ୬୭ ଲକ୍ଷ ୮୦ ହଜାର (୭.୮୫%) 

୪. ମୃତ ଭୋଟର: ୩୪ ଲକ୍ଷ ୮୧ ହଜାର (୩.୫୬%) 

୫. ଅନ୍ୟାନ୍ୟ: ୨ ଲକ୍ଷ ୨୩ ହଜାର (୦.୨୩%) 

୬. ମୋଟ: ୨ କୋଟି ୭ ଲକ୍ଷ (୨୧.୧୫%) 

୨୪ ଅଗଷ୍ଟରେ ପ୍ରକାଶ ପାଇବ ଡ୍ରାଫ୍ଟ ଲିଷ୍ଟ

ନିର୍ବାଚନ ଆୟୋଗଙ୍କ ପକ୍ଷରୁ ୨୪ ଅଗଷ୍ଟରେ ପ୍ରାରୂପ ଭୋଟର ତାଲିକା (Draft Electoral Roll) ପ୍ରକାଶ କରାଯିବ। ଏହି ତାଲିକାରେ ଯେଉଁ ଭୋଟରମାନଙ୍କ ନାମ ନଥିବ, ସେମାନେ ଆଗାମୀ ଗୋଟିଏ ମାସ ମଧ୍ୟରେ ନିଜ ନାମ ସାମିଲ କରିବା ପାଇଁ ଫର୍ମ-୬ ଜମା କରିପାରିବେ। 'ଅନକଲେକ୍ଟେବଲ୍' ତାଲିକାରେ ଥିବା ଭୋଟରମାନେ ମଧ୍ୟ ଫର୍ମ-୬ ଜରିଆରେ ଭୋଟର ତାଲିକାରେ ନିଜ ନାମ ଯୋଡ଼ିବା ପାଇଁ ଆବେଦନ କରିପାରିବେ।