ନୂଆଦିଲ୍ଲୀ: ଏଣିକି ଓଆରଏସ୍ ନାମରେ କେହିଁ ଫଳ ରସ ବିକ୍ରି କରିପାରିବେ ନାହିଁ । ଭାରତୀୟ ଖାଦ୍ୟ ସୁରକ୍ଷା ଏବଂ ମାନକ ପ୍ରାଧିକରଣ (FSSAI) ଫଳ-ଭିତ୍ତିକ ପାନୀୟ, ରେଡି ମେଡ୍ ପାନୀୟ, ଶକ୍ତି ଯୋଗାଉଥିବା ପାନୀୟ ବା ଏନର୍ଜି ଡ୍ରିଙ୍କ୍, ଇଲେକ୍ଟ୍ରୋଲାଇଟ୍ ପାନୀୟ ଏବଂ ଅନ୍ୟାନ୍ୟ ସମାନ ଉତ୍ପାଦଗୁଡ଼ିକୁ ଆରଏଏସ୍ ନାଁ ବ୍ୟବହାର ନ କରିବାକୁ ନିର୍ଦ୍ଦେଶ ଦେଇଛି । ଏଭଳି ପାନୀୟକୁ ତୁରନ୍ତ ପ୍ରତ୍ୟାହାର କରିବାକୁ ନିର୍ଦ୍ଦେଶ ଜାରି କରିଛି ଫିସାଇ । 

ଫିସାଇ କହିଛି ଯେ ଖୁଚୁରା ଦୋକାନ ଏବଂ ଇ-କମର୍ସ ପ୍ଲାଟଫର୍ମରେ ଓଆରଏସ୍ ନାମରେ ଫଳ ରସ ଏବଂ ଅନ୍ୟାନ୍ୟ ମୃଦ୍ୟୁ ପାନୀୟ ବିକ୍ରି କରୁଛନ୍ତି । ଯଦିଓ ପୂର୍ବ ନିର୍ଦ୍ଦେଶ ପୂର୍ବରୁ ଏପରି ପାନୀୟ ପାଇଁ ଆରଏଏସ୍ ଶବ୍ଦ ବ୍ୟବହାର କରିବାର ଅନୁମତି ପ୍ରତ୍ୟାହାର କରିନେଇଥିଲା। ଫିସାଇ ଅକ୍ଟୋବର ୧୪ ତାରିଖରେ ଏହାର ପୂର୍ବ ନିର୍ଦ୍ଦେଶ ଏବଂ ଅକ୍ଟୋବର ୧୫ ତାରିଖରେ ଜାରି ଏକ ସ୍ପଷ୍ଟୀକରଣକୁ ଉଦ୍ଧୃତ କରିଛି, ଯେଉଁଥିରେ କୁହାଯାଇଛି ଯେ କୌଣସି ଖାଦ୍ୟ ଉତ୍ପାଦ, ଫଳ-ଭିତ୍ତିକ, ଅଣ-କାର୍ବୋନେଟେଡ୍, କିମ୍ବା ପାନୀୟ ପାଇଁ ପ୍ରସ୍ତୁତ, ଏହାର ଟ୍ରେଡମାର୍କ ନାମରେ କିମ୍ବା କୌଣସି ପ୍ରକାରରେ ଓଆରଏସ୍ 'ORS' ଶବ୍ଦ ବ୍ୟବହାର କରିପାରିବ ନାହିଁ, ଯେଉଁଥିରେ ଏକ ଉପସର୍ଗ କିମ୍ବା ପ୍ରତ୍ୟାହାର ଅନ୍ତର୍ଭୁକ୍ତ।ଏହି ଶବ୍ଦକୁ ବ୍ୟବହାର କରିବା ଦ୍ୱାରା ଖାଦ୍ୟ ସୁରକ୍ଷା ଏବଂ ମାନକ ଆଇନ, ୨୦୦୬ ଉଲ୍ଲଂଘନ କରୁଛି । ନିର୍ଦ୍ଦେଶ ପରେ ମଧ୍ୟ ଅନେକ ଅନେକ ଉତ୍ପାଦ ଓଆରଏସ୍ ନାମକୁ ବ୍ୟବହାର କରୁଛନ୍ତି ବୋଲି ଫିସାଇ ଜାଣିବାକୁ ପାଇଛି । ଏହାକୁ ରୋକିବା ପାଇଁ ଫିସାଇ ଅଧିକାରୀମାନଙ୍କୁ ଇ-କମର୍ସ ପ୍ଲାଟଫର୍ମ ଏବଂ ଖୁଚୁରା ଦୋକାନଗୁଡ଼ିକରେ ତୁରନ୍ତ ଯାଞ୍ଚ କରିବାକୁ ନିର୍ଦ୍ଦେଶ ଦେଇଛି । ଯାଞ୍ଚ ସମୟରେ ଯଦି ଉତ୍ପାଦଗୁଡ଼ିକୁ ମିଳେ ତାହା ହେଲେ ତାହାକୁ ତୁରନ୍ତ ହଟାଇ ଦିଆଯିବା ଏବଂ ସମ୍ପୃକ୍ତ କମ୍ପାନୀଗୁଡ଼ିକ ବିରୁଦ୍ଧରେ ନିୟମ ମୁତାବକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ତଦନ୍ତ ଅଧିକାରୀମାନେ ଏକ ବିସ୍ତୃତ କାର୍ଯ୍ୟାନୁଷ୍ଠାନ ରିପୋର୍ଟ ମଧ୍ୟ ପଠାଇବେ, ଯେଉଁଥିରେ ଯାଞ୍ଚ, ଉଲ୍ଲଂଘନ ଏବଂ ଉତ୍ପାଦ ଅପସାରଣର ତାଲିକାଭୁକ୍ତ କରାଯିବ।