ଆମେରିକା ନୌସେନା ଜାହାଜରେ ବିସ୍ପୋରଣ ଓ ଅଗ୍ନିକାଣ୍ଡରେ 21 ଜଣ ଯବାନ ଆହାତ
Khabar Odisha:fire-breaks-out-on-us-navy-ship-in-san-diego-21-injured-including-17-soldier
ୱାଶିଂଟନ, ଜୁଲାଇ ୧୩ ( ଖବର ଓଡ଼ିଶା):

ଆମେରିକାର ସାନ ଡିଏଗୋରେ ଥିବା ଏକ ନୌସେନା ବେସରେ ବିସ୍ଫୋରଣ ଏବଂ ଅଗ୍ନିକାଣ୍ଡରେ 21 ଜଣ ଲୋକ ଆହାତ ହୋଇଥିବା ଜଣାପଡିଛି । ଆମେରିକାର ପାସିଫିକ୍ ଫ୍ଲାଇଟ୍ 'ନାଭାଲ୍ ସର୍ଫେସ୍ ଫୋର୍ସ'ର ମୁଖପାତ୍ର ମାଇକ୍ ରାନେ କହିଛନ୍ତି ଯେ ରବିବାର ସକାଳ 9ଟା ସମୟରେ ୟୁଏସଏସ ବୋନହୋମ ରିଚାର୍ଡ ନାମକ ଏକ ଜାହାଜରେ ନିଆଁ ଲାଗି ଯାଇଥିଲା ।

ରାନେ ଏକ ସଂକ୍ଷିପ୍ତ ବିବୃତ୍ତିରେ କହିଛନ୍ତି ଯେ ଏହି ଦୁର୍ଘଟଣାରେ ଆହାତ ହୋଇଥିବା 17 ଜଣ ନୌସେନା ଯବାନ ଏବଂ ଚାରି ଜଣ ସାଧାରଣ ନାଗରିକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ବର୍ତ୍ତମାନ ସେମାନେ ସୁସ୍ଥ ଅଛନ୍ତି । ଜାହାଜରେ ବିସ୍ଫୋରଣ ଓ ଅଗ୍ନିକାଣ୍ଡର କାରଣ ଅନୁସନ୍ଧାନ କରାଯାଉଛି । ରାନେ କହିଛନ୍ତି ଯେ ଦୁର୍ଘଟଣା ସମୟରେ ଜାହାଜରେ ପ୍ରାୟ 160 ଜଣ ଲୋକ ଥିଲେ ।

ଏଥି ସହ ନୌସେନା ରବିବାର ଦିନ ଏକ ବିବୃତ୍ତି ଜାରି କରି କହିଥିଲା ଯେ ସ୍ଥାନୀୟ ଡାକ୍ତରଖାନାରେ 17 ଜଣ ନୌସୈନିକ ଏବଂ ଚାରିଜଣ ସାଧାରଣ ନାଗରିକ ଚିକିତ୍ସିତ ହେଉଛନ୍ତି। ସେମାନେ ସମସ୍ତେ ବିପଦମୁକ୍ତ ଅଛନ୍ତି । ଜାହାଜରେ ଥିବା ସମସ୍ତଙ୍କ ସହ ଯୋଗାଯୋଗ କରାଯାଇଛି ଏବଂ ଅଗ୍ନିଶମ ଦଳ ପକ୍ଷରୁ ନିଆଁକୁ ନିୟନ୍ତ୍ରଣ କରାଯାଇଛି । 

  • Tags:

Subscribe

National International State Sports Entertainment