ନୂଆଦିଲ୍ଲୀ: ବୈବାହିକ ବିବାଦ ଯୋଗୁଁ ସ୍ୱାମୀ ଛଅ ମାସର ଯମଜ ସନ୍ତାନକୁ ତାଙ୍କ ମା'ଠାରୁ ଅଲଗା କରିବା ମାମଲାକୁ ଗୁରୁବାର ସୁପ୍ରିମକୋର୍ଟ ନିଷ୍ଠୁରତାର ଶୀର୍ଷ ବୋଲି କହିଛନ୍ତି। ବିଚାରପତି ବିକ୍ରମ ନାଥ, ସନ୍ଦୀପ ମେହେଟ୍ଟା ଏବଂ ଏନଭି ଅଞ୍ଜାରିଆଙ୍କ ଏକ ଖଣ୍ଡପୀଠ ସନ୍ତାନମାନଙ୍କୁ ସେମାନଙ୍କ ମା'ଠାରୁ ଅଲଗା କରିବା ପାଇଁ ସ୍ୱାମୀଙ୍କୁ ଭର୍ତ୍ସନା କରିଛନ୍ତି ଏବଂ ପରବର୍ତ୍ତୀ ଶୁଣାଣି ତାରିଖରେ ସେମାନଙ୍କ ପିଲାମାନଙ୍କ ସହିତ ବିଚାରପତିଙ୍କ ସମ୍ମୁଖରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। ପିଲାମାନେ ବର୍ତ୍ତମାନ ଦେଢ଼ ବର୍ଷ ବୟସର।

ପୀଠ କହିଛନ୍ତି, ସ୍ୱାମୀ କେବଳ ଛଅ ମାସ ବୟସର ପିଲାମାନଙ୍କୁ ସେମାନଙ୍କ ମା'ଠାରୁ ଅଲଗା କରି ଚରମ ନିଷ୍ଠୁରତା କରିଛନ୍ତି। ଏହା ନ୍ୟାୟର ପରିହାସ। ଛଅ ମାସ ବୟସର ପିଲାମାନଙ୍କୁ ସେମାନଙ୍କ ମା'ଙ୍କଠାରୁ ବଞ୍ଚିତ କରାଯାଇପାରିବ ନାହିଁ। ଏହା ନିଷ୍ଠୁରତାର ଶୀର୍ଷକୁ ଅତିକ୍ରମ କରିଛି। 

ଲକ୍ଷ୍ନୌରେ ତାଙ୍କ ପତ୍ନୀଙ୍କ ଦ୍ୱାରା ଆରମ୍ଭ ହୋଇଥିବା ବୈବାହିକ ପ୍ରକ୍ରିୟାକୁ ପଞ୍ଜାବକୁ ସ୍ଥାନାନ୍ତର କରିବାକୁ ଚାହୁଁଥିବା ବିଚ୍ଛିନ୍ନ ସ୍ୱାମୀଙ୍କ ଆବେଦନର ଶୁଣାଣି କରି ସୁପ୍ରିମକୋର୍ଟ ଏହି ପର୍ଯ୍ୟବେକ୍ଷଣ କରିଛନ୍ତି। ସ୍ୱାମୀଙ୍କ ଓକିଲ ଯୁକ୍ତି ଦେଇଥିଲେ ଯେ କୋର୍ଟ ଯମଜ ସନ୍ତାନଙ୍କ ସମ୍ପର୍କରେ ସ୍ଥିତାବସ୍ଥା ପରିବର୍ତ୍ତନ କରିବା ଉଚିତ ନୁହେଁ। କାରଣ ଏହା ସେମାନଙ୍କ ପାଇଁ କ୍ଷତିକାରକ ହେବ। ଖଣ୍ଡପୀଠ ଓକିଲଙ୍କୁ କହିଥିଲେ ଯେ କୌଣସି ନାନୀ କିମ୍ବା ଜେଜେମା ତାଙ୍କ ମାଆଙ୍କ ପରି ଛଅ ମାସର ପିଲାମାନଙ୍କର ଯତ୍ନ ନେଇପାରିବେ ନାହିଁ।

ସ୍ୱାମୀଙ୍କ ଓକିଲ ଦାବି କରିଥିଲେ ଯେ ସ୍ତ୍ରୀ ନିଜେ ଘର ଛାଡି ଚାଲିଯାଇଛନ୍ତି ଏବଂ ପିଲାମାନଙ୍କୁ ରଖିବାରେ ଆଗ୍ରହୀ ନୁହଁନ୍ତି। ଖଣ୍ଡପୀଠ ଓକିଲଙ୍କୁ କହିଥିଲେ ଯେ ଯଦି ସେ ତାଙ୍କ ଯମଜ ସନ୍ତାନ (ପୁଅ ଏବଂ ଝିଅ)ଙ୍କ ଯତ୍ନ ନେବାକୁ ଆଗ୍ରହୀ ନୁହଁନ୍ତି। ତେବେ ସେ ସୁପ୍ରିମକୋର୍ଟ ପର୍ଯ୍ୟନ୍ତ ମାମଲାକୁ ପଠେଇ ନଥାନ୍ତେ।

ମହିଳାଙ୍କ ଓକିଲ କହିଛନ୍ତି ଯେ ସ୍ୱାମୀ ଜଣେ ମଦ୍ୟପ ଏବଂ ଭିଡିଓ କଲ୍‌ରେ ମଧ୍ୟ ପିଲାମାନଙ୍କୁ ଦେଖାଇବାକୁ ଇଚ୍ଛୁକ ନୁହଁନ୍ତି। ସ୍ୱାମୀଙ୍କ ଓକିଲ କହିଛନ୍ତି ଯେ ସେ ଲକ୍ଷ୍ନୌରେ ଅନେକ ମାମଲା ଦାୟର କରିଛନ୍ତି ଏବଂ ତାଙ୍କ ସ୍ଥାନାନ୍ତର ପାଇଁ ଦାବି କରୁଛନ୍ତି। ଖଣ୍ଡପୀଠ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ମହିଳା ଜଣେ ଶିକ୍ଷୟିତ୍ରୀ ଏବଂ ସ୍ୱାମୀ ଜଣେ ବ୍ୟବସାୟୀ। ସ୍ୱାମୀଙ୍କୁ ପଚାରିଥିଲେ ଯେ ସେ ତାଙ୍କ ସ୍ତ୍ରୀଙ୍କୁ କେତେ ଭରଣପୋଷଣ ଦେବାକୁ ଇଚ୍ଛୁକ। ତାଙ୍କୁ ଜବାବ ଦାଖଲ କରିବା ଉଚିତ। ପରବର୍ତ୍ତୀ ଶୁଣାଣି ତାରିଖ ଫେବ୍ରୁଆରୀ ୨୬ ତାରିଖ। ଶୁଣାଣି ‌ବେଳେ ଉଭୟ ପିଲାଙ୍କ ସହିତ କୋର୍ଟରେ ହାଜର ହେବା ଉଚିତ।

ଅଧିକ ପଢ଼ନ୍ତୁ: ଆଜି ଆସାମରେ 'ଭାଇବ୍ରାଣ୍ଟ ଗ୍ରାମ-୨' ଆରମ୍ଭ କରିବେ ଅମିତ ଶାହ