ନୂଆଦିଲ୍ଲୀ: ଜମ୍ମୁ-କାଶ୍ମୀରର ପୁଞ୍ଝର ମଣ୍ଡି ସେକ୍ଟରରେ ସୁରକ୍ଷାବଳ ଦୁଇ ଆତଙ୍କବାଦୀଙ୍କୁ ଗିରଫ କରିଛନ୍ତି । ସେମାନଙ୍କ ପାଖରୁ ଏକେ-୪୭ ଏବଂ ଗୋଟିଏ ହ୍ୟାଣ୍ଡ ଗ୍ରେନେଡ ମିଳିଛି । ପୁଞ୍ଝ ପୋଲିସ ଘଟଣାର ସୂଚନା ଦେଇ କହିଛି ଯେ, ସୁରକ୍ଷାବଳ ଅପରେସନ ଜୋରଦାର କରିଛନ୍ତି ।

ପୋଲିସ ସର୍ଚ୍ଚ ଅପରେସନ କରି ଚଢାଉ ଜାରି ରଖିଛି । ଏଥିରେ ଆଜମାବାଦ ସ୍ଥିତ ଏକ ଘରେ ଚଢଉ କରି ଘରର ମାଲିକ ସ୍ଥାନୀୟ ନିବାସୀ ତାରିକ ଶେଖ ଓ ତାଙ୍କ ସାଙ୍ଗ ଚେମ୍ବର ଗାଁ ନିବାସୀ ରିୟାଜ ଅହମ୍ମଦକୁ ଅଟକ ରଖିଛି । ଅଧିକାରୀ କହିଛନ୍ତି, ଗିରଫ କରିବା ପରେ ଦୁହିଁଙ୍କୁ ପଚରା ଉଚୁରା କରାଯାଉଛି । ଏଥିରୁ ମିଳିଥିବା ସୂଚନା ଆଧାରରେ ପୋଲିସ ଜଲିଆ ଗାଁ ସ୍ଥିତ ତାରିକ ଶେଖଙ୍କ ଏକ ଘର ଉପରେ ଚଢଉ କରାଯାଇଛି । ଏଠାରୁ ଅସ୍ତ୍ରଶସ୍ତ୍ର ଜବତ ହୋଇଛି ।