ସର୍ବଭାରତୀୟ ବ୍ୟବସାୟୀ ସଂଘ ପକ୍ଷରୁ ଆସନ୍ତାକାଲି ଭାରତ ବନ୍ଦ ଡାକରା ଦିଆଯାଇଛି  । ଜିଏସଟି ସରଳୀକରଣ ଇ –କମର୍ସ ବ୍ୟବସାୟୀଙ୍କ ବିସ୍ତାରବାଦୀ ନୀତି ନିୟନ୍ତ୍ରଣ ପାଇଁ ଦାବୀ କରି ଏହି ବନ୍ଦ ଡାକରା ଦିଆଯାଇଛି  ।  ସେହିପରି ବନ୍ଦ ଡାକରାକୁ ଓଡିଶା ବ୍ୟବସାୟୀ ମହାସଂଘ ମଧ୍ୟ ସମର୍ଥନ କରିଛି  ।

ବ୍ୟବସାୟୀ ସଂଘର ଏହି ଭାରତ ବନ୍ଦ ଡାକରାକୁ ଅଲ୍ ଇଣ୍ଡିଆ ଟ୍ରାନ୍ସପୋର୍ଟର୍ସ ୱେଲଫେୟାର ଆସୋସିଏସନ୍ ସମର୍ଥନ କରିଛି  । ତେଣୁ ଆସନ୍ତାକାଲି ଏହି ଭାରତ ବନ୍ଦ ସମୟରେ ଯାନବାହାନ ଚଳାଚଳ ବନ୍ଦ ରହିବ  । ଏବଂ ଓଡିଶା ବ୍ୟବସାୟୀ ମହାସଂଘ ମଧ୍ୟ ସମର୍ଥନ କରିଛି  । ଅତ୍ୟାବଶକୀୟ ସେବା ବ୍ୟତୀତ ଅନ୍ୟ ବ୍ୟବସାୟୀମାନେ ଦୋକାନ ବନ୍ଦ ରଖି ଏହି ବନ୍ଦ ଡାକରାକୁ ସହଯୋଗ କରିବେ ବୋଲି ଜଣାପଡିଛି  । ଜିଏସଟି ସିଷ୍ଟମର ସରଳୀକରଣ ସମୀକ୍ଷା ଏବଂ ଟ୍ୟାକ୍ସ ସ୍ଲାବକୁ ଆହୁରି ସରଳ କରିବା ପାଇଁ ଦାବୀ ରହିଛି  ।

ବ୍ୟବସାୟୀଙ୍କ ପାଇଁ ଏହି ନିୟମ ରହିବା ପାଇଁ ବ୍ୟବସାୟୀ ସଂଘ ପକ୍ଷକୁ କୁହାଯାଇଛି  । ଇ –କମର୍ସ ବ୍ୟବସାୟୀଙ୍କ ପାଇଁ  ଅନେକ ଦୋକାନୀଙ୍କ ଭବିଷ୍ୟତ ଅନ୍ଧାର ମଧ୍ୟକୁ ଠେଲି ହୋଇଯାଉଥିବା କୁହାଯାଇଛି  । ତେଣୁ ଇ –କମର୍ସ ବ୍ୟବସାୟୀଙ୍କ ବିସ୍ତାରବାଦୀ ନୀତି ଉପରେ ସରକାରୀ ନିୟନ୍ତ୍ରଣ ପାଇଁ ଦାବୀ କରାଯାଇଛି  ।  ଆସନ୍ତାକାଲି ଏହି ଭାରତ ବନ୍ଦର ପ୍ରଭାବ ଅନେକ ସ୍ଥାନରେ ଦେଖିବାକୁ ମିଳିବ  ।