ନୂଆଦିଲ୍ଲୀ: ବାୟୁ ପ୍ରଦୂଷଣ କାରଣରୁ ପ୍ରତି ୧୦ ପରିବାରରୁ ୪ ଜଣ ଡାକ୍ତରଙ୍କ ପାଖକୁ ଯାଉଛନ୍ତି। ଚିନ୍ତାର ବିଷୟ ହେଉଛି ଏହି ପରିବାରମାନେ ଗତ ତିନି ସପ୍ତାହ ଧରି ଚିକିତ୍ସା ଓ ଔଷଧ ଖାଉଛନ୍ତି। ସେମାନଙ୍କ ମଧ୍ୟରୁ ୯ ପ୍ରତିଶତ ସିଧାସଳଖ କ୍ଲିନିକ୍ କିମ୍ବା ହସ୍ପିଟାଲଯିବା ପରିବର୍ତ୍ତେ ସୋସିଆଲ ମିଡିଆ ଜରିଆରେ ଡାକ୍ତରଙ୍କ ପରାମର୍ଶ ନେଇଛନ୍ତି। ଏନସିଆରରେ ଦୀପାବଳିକୁ ନେଇ ବାୟୁ ପ୍ରଦୂଷଣ ସମସ୍ୟା ଗମ୍ଭୀର ରୂପ ଧାରଣ କରିଛି। ସର୍ବେକ୍ଷଣ ଅନୁଯାୟୀ, ବାୟୁ ପ୍ରଦୂଷଣ ଜନିତ ସମସ୍ୟା କାରଣରୁ ୪୭% ଲୋକ ବାୟୁ ପ୍ରଦୂଷଣ ଜନିତ ଔଷଧ କିମ୍ବା ଉପକରଣ କିଣିଥିଲେ। ଲୋକାଲ ସର୍କଲ ନାମକ ଏକ ସର୍ଭେ ଇନଷ୍ଟିଚ୍ୟୁଟ୍ରୁ ଏହି ତଥ୍ୟ ଆସିଛି।

ସୋସିଆଲ ମିଡିଆ ଜରିଆରେ ସେ ଦିଲ୍ଲୀ, ନୋଏଡା, ଗାଜିଆବାଦ, ଗୁରୁଗ୍ରାମ ଓ ଫରିଦାବାଦର ୨୧ ହଜାର ଲୋକଙ୍କ ମତାମତ ପାଇଥିଲେ। ସର୍ଭେରୁ ଜଣାପଡିଛି ଯେ ଦିଲ୍ଲୀ-ଏନସିଆରର ୩୩% ଲୋକ କଫ ସିରପ ଖାଉଥିବା ବେଳେ ୨୦% ଲୋକ ପାରାସିଟାମୋଲ, ୧୩-୧୩% ଇନହେଲର ଏବଂ ନେବୁଲାଇଜର, ୧୩% ଆଣ୍ଟିବାୟୋଟିକ ବ୍ୟବହାର କରିଛନ୍ତି। 

ରାଜଧାନୀ ଦିଲ୍ଲୀରେ ପ୍ରଦୂଷଣ ସ୍ତର କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି। ବାୟୁର ଗୁଣବତ୍ତା 'ଅତ୍ୟନ୍ତ ଖରାପ' ଶ୍ରେଣୀରେ ରହିଥିଲା। ମଙ୍ଗଳବାର ସକାଳେ ଦିଲ୍ଲୀର ଅନେକ ଅଞ୍ଚଳର ବାୟୁ ସୂଚକାଙ୍କ ୪ଶହ ଅତିକ୍ରମ କରିଛି। ଏକ୍ୟୁଆଇସିଏନ ଅନୁଯାୟୀ, ମଙ୍ଗଳବାର ସକାଳ ୭ଟାରେ ଆନନ୍ଦ ବିହାରରେ ଏକ୍ୟୁଆଇ ୪୨୦, ଜାହାଙ୍ଗୀରପୁରୀରେ ୪୨୪, ଓଖଲାରେ ୩୦୧ ଏବଂ ମେଜର ଧ୍ୟାନଚାନ୍ଦ ଷ୍ଟାଡିୟମରେ ୨୫୪ ଏକ୍ୟୁଆଇ ରେକର୍ଡ କରାଯାଇଛି।

ଏହା ପୂର୍ବରୁ ସୋମବାର ଦିଲ୍ଲୀର ଏକ୍ୟୁଆଇ ୩୫୦ ଉପରେ ରହିଥିଲା। କ୍ରମାଗତ ୧୩ତମ ଦିନ ପାଇଁ ବାୟୁର ଗୁଣବତ୍ତା 'ଅତ୍ୟନ୍ତ ଖରାପ' ଶ୍ରେଣୀରେ ରହିଛି। ବାୟୁ ପ୍ରଦୂଷଣ ବଢ଼ୁଥିବାରୁ ଦିନକୁ ଦିନ ବାୟୁ ଦୂଷିତ ହେଉଥିଲେ ମଧ୍ୟ ଏହା ସତ୍ତ୍ୱେ ପ୍ରଦୂଷଣ ରୋକିବା ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଉନାହିଁ। 

ସମଗ୍ର ଯମୁନାପାରରେ ପଡ଼ିଥିବା ଆବର୍ଜନା ଗଦାକୁ ଦେଖିଲେ ଲାଗୁଛି ଯେ ମହାନଗର ନିଗମ ସକ୍ରିୟ ଭାବେ କାର୍ଯ୍ୟ କରୁନାହିଁ। ଆବର୍ଜନା ଗଦାରୁ ଧୂଳି ଉଡ଼ୁଥିବାରୁ ପ୍ରଦୂଷଣ ବଢ଼ିବା ସହ ଲୋକଙ୍କ ସ୍ୱାସ୍ଥ୍ୟ ସମସ୍ୟା ମଧ୍ୟ ବୃଦ୍ଧି ପାଇଛି। ଗାଜିପୁରର କୋଟଲା ରୋଡ୍ ସ୍ଥିତ କରକଡ଼ି ମୋର, ମୟୂର ବିହାର ଫେଜ୍-୩ରେ ଆବର୍ଜନା ଗଦା ହୋଇଛି। ଯେଉଁଥିପାଇଁ ଲୋକମାନେ ଆଖି ଜଳାପୋଡ଼ା ହେବା ସହ ନିଶ୍ୱାସ ନେବାରେ ଅସୁବିଧା ଓ ଚର୍ମ ରୋଗର ସମ୍ମୁଖୀନ ହେଉଛନ୍ତି ।

ଅଧିକ ପଢ଼ନ୍ତୁ: ଡେରାଡୁନରେ ଭୟଙ୍କର ଦୁର୍ଘଟଣା