କ୍ରୁଜ୍ ଡ୍ରଗ୍ସ ମାମଲା । ଏହି ମାମଲାରେ ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କୁ ମିଳିଛି କ୍ଲିନଚିଟ୍ । ଏନସିବି ପକ୍ଷରୁ କରାଯାଇଥିବା ଚାର୍ଜସିଟରେ ଆର୍ଯ୍ୟନଙ୍କ ନାଁ ନାହିଁ ବୋଲି ସୂଚନା ରହିଛି । ତେବେ ଗତ ଅକ୍ଟୋବର ୩ ତାରିଖରେ ଡ୍ରଗ୍ସ ମାମଲାରେ ଆର୍ଯ୍ୟନଙ୍କ ନାଁ ସାମ୍ନାକୁ ଆସିଥିଲା ।
ପରେ ଆର୍ଯୟନଙ୍କୁ ଗିରଫ କରାଯାଇ ମୁମ୍ବାଇ ଆର୍ଥର ରୋଡ ଜେଲରେ ରଖାଯାଇଥିଲା । କିଛି ସର୍ତ୍ତ ଭିତ୍ତିରେ ଅକ୍ଟୋବର ୨୮ ତାରିଖରେ ବମ୍ବେ କୋର୍ଟ ଜାମିନ ପ୍ରଦାନ କରାଯାଇଥିଲା । ୧୪ଟି ସର୍ତ୍ତ ରଖି ବମ୍ବେ ହାଇକୋର୍ଟ ଆର୍ଯ୍ୟନ୍ଙ୍କ ଜାମିନ ମଞ୍ଜୁର କରିଥିଲେ ।
ତେବେ ସର୍ତ୍ତ ଅନୁସାରେ ପୋଲିସକୁ ନ ଜଣାଇ ଆର୍ଯ୍ୟନ୍ ମୁମ୍ବାଇରୁ ବାହାରକୁ ଯାଇ ପାରିବେ ନାହିଁ ଏବଂ ପ୍ରତି ଶୁକ୍ରବାର ଦିନ ଏନସିବିରେ ହାଜର ହେବେ । ସର୍ତ୍ତାବଳୀରେ କୁହାଯାଇଥିଲା ଯେ, ଆର୍ଯ୍ୟନ ପୁନର୍ବାର ସେଭଳି କୌଣସି କାର୍ଯ୍ୟକ୍ରମରେ ସାମିଲ ହେବେ ନାହିଁ ।