ପ୍ରୟାଗରାଜ: ମହାକୁମ୍ଭ-୨୦୨୫ରେ ଏକ ନିର୍ଦ୍ଦିଷ୍ଟ ସମ୍ପ୍ରଦାୟକୁ ଖାଦ୍ୟ ଦୋକାନ ଖୋଲିବାକୁ ଅନୁମତି ନ ଦେବାରୁ ଅଖିଳ ଭାରତୀୟ ମୁସଲିମ ଜମାତ ଏବଂ ଅଖିଳ ଭାରତୀୟ ଆଖଡ଼ା ପରିଷଦ ମୁହାଁମୁହିଁ ହୋଇଛନ୍ତି।ଅଖିଳ ଭାରତୀୟ ଆଖଡ଼ା ପରିଷଦର ସଭାପତି ନିକଟରେ କହିଥିଲେ ଯେ ଅଣ-ସନାତନୀମାନଙ୍କୁ ମହାକୁମ୍ଭରେ ଖାଦ୍ୟ ଦୋକାନ ଖୋଲିବାକୁ ଅନୁମତି ଦିଆଯିବା ଉଚିତ ନୁହେଁ। ପ୍ରଶାସନ ଏ ଦିଗରେ ଆବଶ୍ୟକ ପଦକ୍ଷେପ ନେବା ଦରକାର। ରବିବାର ଏହି ପ୍ରତିକ୍ରିୟା ପ୍ରକାଶ ପାଇଛି।

ଅଖିଳ ଭାରତୀୟ ମୁସଲିମ ଜମାତର ରାଷ୍ଟ୍ରୀୟ ଅଧ୍ୟକ୍ଷ ମୌଲାନା ମୁଫତି ଶାହାବୁଦ୍ଦିନ ରଜବୀ ବରେଲଭି ଆଖଡ଼ା ପରିଷଦକୁ କହିଛନ୍ତି, ଏହି ନିଷ୍ପତ୍ତି ସାମ୍ପ୍ରଦାୟିକତାକୁ ପ୍ରୋତ୍ସାହିତ କରିବ। ସେ ସମାଜରେ ଘୃଣା ପ୍ରସାର କରୁଛନ୍ତି। ରବିବାର ସେ ଇଣ୍ଟରନେଟ୍ ମିଡିଆରେ ଏକ ଭିଡିଓ ପ୍ରସାରିତ କରିଥିଲେ।

ପ୍ରୟାଗରାଜରେ ମହାକୁମ୍ଭ ଅନୁଷ୍ଠିତ ହେବାକୁ ଯାଉଛି। ଶାନ୍ତିଶୃଙ୍ଖଳାର ସହ ମେଳା ସମ୍ପନ୍ନ ହେଉ ବୋଲି ସେ ଚାହୁଁଛନ୍ତି। ଦୁଃଖର କଥା ହେଉଛି ମେଳାରେ କୌଣସି ସମ୍ପ୍ରଦାୟ ନିର୍ଦ୍ଦିଷ୍ଟ ଦୋକାନକୁ ଅନୁମତି ଦିଆଯିବ ନାହିଁ ବୋଲି ଆଖଡ଼ା ପରିଷଦ ପକ୍ଷରୁ ଘୋଷଣା କରାଯାଇଛି। ଏହି ନିଷ୍ପତ୍ତି ଉପରେ ବିଚାର କରାଯିବା ଦରକାର।

ଏଭଳି ଲୋକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ସେ ଉତ୍ତରପ୍ରଦେଶ ସରକାରଙ୍କ ନିକଟରେ ଦାବି କରିଛନ୍ତି। ଏହି ପରିପ୍ରେକ୍ଷୀରେ ଅଖିଳ ଭାରତୀୟ ଆଖଡ଼ା ପରିଷଦର ସଭାପତି ମହନ୍ତ ରବୀନ୍ଦ୍ର ପୁରୀ ପ୍ରଶ୍ନ କରିଛନ୍ତି ଯେ ଆମକୁ ମକ୍କା ଓ ମଦିନା ଯିବାକୁ କାହିଁକି ଅନୁମତି ଦିଆଯାଉନାହିଁ? ହିନ୍ଦୁମାନେ ସେଠାକୁ ଯିବା ଉପରେ କାହିଁକି କଟକଣା ଲଗାଯାଇଛି? ଆମେ ରଘୁପତି ରାଘବ ରାଜା ରାମ, ଈଶ୍ୱର ଆଲ୍ଲା ତେରେ ନାମଙ୍କ ସଂସ୍କୃତିର ଅନ୍ତର୍ଭୁକ୍ତ। ଯଦି ଆମ ମେଳାରେ ମୁସଲମାନମାନେ ଦୋକାନ ସ୍ଥାପନ କରନ୍ତି, ତେବେ ଆମକୁ ମଧ୍ୟ ଅନୁମତି ଦିଆଯିବା ଉଚିତ।

ମହନ୍ତ ରବୀନ୍ଦ୍ର ପୁରୀ କହିଛନ୍ତି ଯେ ଆମେ ମୁସଲମାନମାନଙ୍କ ଦ୍ୱାରା ଦୋକାନ ଖୋଲିବାକୁ ବିରୋଧ କରୁଛୁ କାରଣ ସେମାନେ ଖାଦ୍ୟ ସାମଗ୍ରୀରେ ଅପରିଷ୍କାର ଜିନିଷ ମିଶାନ୍ତି। ଏଭଳି ଲୋକଙ୍କୁ ଲଗାତାର ବିରୋଧ କରାଯିବ।

ଅଧିକ ପଢ଼ନ୍ତୁ: କାନାଡା ହିନ୍ଦୁମାନଙ୍କୁ ସୁରକ୍ଷା ଦେବାରେ ସକ୍ଷମ ନୁହେଁ